Dievasčoahkkimis earet eará nammadedje nuppástusohcanlávdegotti ja válde beali sámiid duohtavuođa- ja soabadankommišuvnna loahpparaportii.
Čoahkkimis čuovvovažžan lea vuorus sáttaságastallan Sámi Giellagáldu instituvnnalaš sajádagas, ja maŋimužžan ságadolliid ja eará Sámedikki ovddastan áirasiid geahčastagat.
Yle Sápmi ii čuovo čoahkkima šat dađi guhkelabbui. Čoahkkima sáhttá čuovvut njuolggosáddaga bokte.
Sámedikki dievasčoahkkin vállje maid ealáhus- ja riektelávdegoddái ođđa lahtu, go dievasčoahkkin mieđihii earu dálá lahttu Kirsti Saijetsii.
Su sadjái Inka Musta evttoha anárlaš Minna Lehtola.
Čoahkkin vállje Lehtola ovttamielalaččat.
Nuoraidráđi ođđa bajis leat lahttun Rosa-Máren Juuso Eanodagas, Sárá-Márjá Keskitalo Vuohčus, Ainomaija Mäenpää Anáris, Vesa Orassalo Anáris, Ellen Saijets Ohcejogas, Niila-Juhán Valkeapää Helssegis ja Mihku Näkkäläjärvi Anáris.
Várrelahtun leat Lars-Tuomas Valkeapää, Tiia-Káren Alakorva, Hilda Musta, Lilja Ljetoff, Áron Korpi, Elle Raudasoja ja Hans Ravna-Pieski.
Sámedikki dievasčoahkkin dohkkehii evttohusa ovttamielalaččat.
Sámedikki dievasčoahkkin nammada dál Nuoraidráđi bajiide 2026-2027.
Nuppástusohcanlávdegotti ságadoallin lea nappo evttohuvvon Ovllá-Ánde Labba. Láhkaolmmošláhttun lea Pia Nuorgam.
Láhkaolmmošvárrelahttun evttohit Ánne-Risten Juuso.
Áššedovdilahttun Sámediggi evttoha Marko Tervaniemi ja Juha Guttorm.
Áššedovdivárrelahttun leaba Rauna Rahko-Ravantti ja Joni Gauriloff.
Stáhtaráđđi nanne loahpalaš lávdegotti.
Sámedikki dievasčoahkkin válljii dál láhkaolmmošvárrelahtu ja guokte áššedovdivárrelahtu.
Láhkaolmmošvárrelahttun Ulla-Maarit Magga evttoha Ánne-Risten Juuso. Son oaidná, ahte Juusos lea heivvolaš duogáš dan bargui go lea láhkačeahppi ja máŋggabealát máhtu. Juuso válljejuvvo láhkaolbmmošvárrelahttun.
Leena Niittyvuopio-Jämsä evttoha áššedovdivárrelahttun Rauna Rahko-Ravantti.
Veikko Feodoroff evttoha áššedovdivárrelahttun Joni Gauriloff, gean son evttohii álgoálggus áššedovdilahttun.
Evttohusat dohkkejuvvojit ovttamielalaččat.
Nubbin áššedovdilahtun nuppástusohcanlávdegoddái lea válljejuvvon Marko Tervaniemi jienain 11-3.
Marko Tervaniemi lea leamašan mielde Sámedikki válgalávdegottis.
Čuovvovažžan Sámediggi vállje várrelahtuid, maid evttohit stáhtaráđđai. Stáhtaráđđi nanne loahpalaš lávdegotti.
Ráđđádallanbottus Sámedikki dievasčoahkkin lea beassan ovttaoaivilvuhtii evttohusas válljet juridihka doavttir, hálddahusdiehtagiid magisttar Juha Guttorm nuppástusohcanlavdegotti áššedovdilahtun.
Dievasčoahkkin jienasta dál nuppi áššedovdilahtus. Inka Musta evttoha ain Marko Tervaniemi ja Kari Kyrö evttoha Jarmo Katajamaa.
Veikko Feodoroff geassá iežas evttohusas Joni Gauriloffas áššedovdilahtun.
Čoahkkin joatkašuvvá.
Asko Länsman evttoha juridihka doavttir, hálddahusdiehtagiid magisttar Juha Guttorm nuppástusohcanlavdegotti áššedovdilahttun.
Inka Musta evttoha nubbin áššedovdilahtun Marko Tervaniemi. Musta oaidná dehálažžan, ahte nuppástusohcanlávdegottis lea maid anárašovddastus. Tervaniemi lea leamašan ovdal maid válgalávdegottis, de danin dovdá dán ášši bures.
Veikko Feodoroff evttoha Joni Gauriloff. Son lea leamašan ovdaolmmošválggaid válgalávdegotti ságajođiheaddjin.
Sámediggi doallá ráđđádallanbottu áššis.
Nuppástusohcanlávdegotti eará lahtuin gáibiduvvo vuoiggalašvuohta, dovdamuš nuppástusohcanlavdegotti doaibmasuorggis ja dárbbašlaš persovnnalaš iešvuođat.
Ohcejogas Máttajávrri alde čuvvo heargecup oassegilvvu vahkuloahpas. Doppe beasai deaivvadit oahppásiid ja boradit gilvvuid geahččama olis.
Báikkálaš fitnodat nanne, ahte dáhpáhus guoská sin doaimma. Guokte safárii oassálastán olbmo ja ofelaš njuske.
