Marathi News

भारताविरोधातील सर्व कटकारस्थानांच्या केंद्रस्थानी असणाऱ्या ISI या पाकिस्तानी गुप्तचर संस्थेचे माजी प्रमुख फैझ हमीद यांना तेथील लष्करी न्यायालयाने १४ वर्षांच्या तुरुंगवासाची शिक्षा सुनावली आहे. देशाविषयीची गुप्त माहिती उघड करणं तसेच राजकारणात हस्तक्षेप करण्याचा आरोप त्यांच्यावर आहे. फैझ हमीद (२०१९-२१) यांनी पाकिस्तानचे माजी पंतप्रधान इम्रान खान यांच्या सत्ताकाळात पाकिस्तानची शक्तिशाली गुप्तचर संस्था इंटर-सर्व्हिसेस इंटेलिजन्सचे (ISI) नेतृत्व केले होते.