Pjongjang

Pjongjang 평양
Koarte
Land	Nôord-Korea
Ippervlak:	829.1  km²
Inweuners:	3.157.538

Pjongjang (Koreoans: 평양) is den hoofdstad en de grotste stad van Nôord-Korea, woar da ze soms de noame krygt van Hoofdstad van de Revoluusje (혁명의 수도). De stad ligt an de Taedongriviere, ip zo'n 109 kilometer van z'n moundinge in de Gilwe Zee. Volgns de volkstellinge van 2008 het Pjongjang 3.255.288 inweuners. 't Is e stad die rechtstreeks bestierd wordt, met e stoatus gelykig an dendeen van de provinsjes van Nôord-Korea.

Pjongjang is één van d' oudste steden van Korea. 't Was den hoofdstad van twèe oude Koreoansche keuninkrykn, Gojoseon en Goguryeo, en 't diende oek as twidden hoofdstad van Goryeo. Achter de stichtinge van Nôord-Korea in 1948 wierd Pjongjang de feitelykn hoofdstad. De stad wierd were helegans verwoest binst de Koreaoorlog, mo wierd rap were ipgebouwd met hulpe van de Sovjets.

Pjongjang is 't politiek, industrieel en vervoerscentrum van Nôord-Korea. Ze schatten da 99% van d' inweuners lid, kandidoat-lid of ofhankelyk is van e lid van de heerschende Arbeidersparty van Korea.

Ofbeeldiengn die ier by passn ku je vien in de categorie Pyongyang van Wikimedia Commons.