18 de otobre

El 18 de otobre el ze el 291° dì dal scumìsio de l'ano drio del całendàrio gregorian e el 292° inte i ani bizesti. Par rivar al cao de l'ano ghe vołe oncora 74 dì.

Avegnimenti

• 614 – Re Clotàrio II el promulga l'Edito de Parize in defeza de ła nobiltà franca co limitasion descriminatòrie contro de ła comunità ebràega de ła sità
• 629 – Dagoberto I el vien incoronà Rè dei Franchi
• 1009 – el całifo Al-Hakim el órdena ła desfasion de ła Bazìłega del Santo Sepolcro a Jeruzałeme
• 1016 – Bataja de Assandun intrà Canuto el Grando e Edmondo II de Inghiltera.
• 1081 – Bataja de Duraso: i Normani i vinse contro de l'ezèrsito bizantin
• 1356 – A Baziłea un terìbiłe teramoto de magnitùdene 6.0 - 7.1 el fa almanco 1.000 vìteme
• 1534 – Cazo dei manifesti, inte el corso de ła notada in vàrie sità fransezi i vien picai manifesti contro del credo catòlego e l'eucaristia
• 1540 – Le trupe del conquistador Hernando de Soto łe concuista ła sità fortifegada de Mabila
• 1561 – Cuarta bataja de Kawanakajima intrà Takeda Shingen e Uesugi Kenshin.
• 1685 – Luizi XIV de Fransa el promulga l'edito de Fontainebleau, revocando l'edito de Nantes che el gaveva protezesto i protestanti fransezi
• 1867 – I Stati Unii de l'Amèrica i tołe el controło de l'Alaska (védarse Alaska Purchase)
• 1898 – Le trupe spagnołe łe sbandona l'Ìzoła de Porto Rico e el vien istituio el goerno miłitare statunitense inte l'ìzoła
• 1914 – El nase in Zermània l'istitusion secołare dei Pari de Schönstatt
• 1915 – El Batajon alpini "Val Chizon" el concuista ła Senja Martini sul Picenin Lagasoi dando scumìsio a ła guera de mina del Lagasoi.
• 1922 – Ła gnen fondada ła BBC - British Broadcasting Company
• 1931 – Lago de Garda: ła vien inaugurada ła Strada statałe Gardezana Osidentałe
• 1944
  • Seconda guera mondiałe: Adolf Hitler el órdena ła creasion de ła milìsia nasionałe Volkssturm
  • Seconda guera mondiałe: l'Union Soviètega ła òcupa ła Transcarpàsia e ła vansa in Cecoslovàchia
• 1945 – Istitusion del tribunałe miłitare par el Proceso de Norinberga
• 1967 – La sonda spasiałe soviètega Venera 4 ła riva al pianeta Vènere e el ghene mezura l'atmosfera
• 1968 – Bob Beamon, co 8.90 m, el fa ła record del mondo de salto in longo a l'Ołinpìade de Sità del Mèsego. Record pì duraturo de ła stòria de l'atlètega lejera, par belché 23 ani
• 1975 – In Itàlia el nase ufisalmente el Fondo par l'Anbiente Italian (FAI)
• 1977 – El gnen formà in Itàlia ła GIS dei Carabinieri.
• 1981 – El PaSoK de Andreas Papandreou el se ciapa el 48% inte łe ełesion pułìteghe e el instaura ła primo goerno de ispirasion sociałista in Gresa
• 1989
  • La sonda Galileo ła vien lanciada da ła NASA par studiare el pianeta Zove e i so satèłiti.
  • Erich Honecker el se dimete da ła carga de presidente del Consejo de Stato de ła Repùblega Democràtega Todesca e da segretàrio del Partio Sociałista Unifegà de Zermània
• 1991 – L'Azerbaizan el declara l'indipendensa da l'Union Soviètega
• 1993 – El gnen lancià in òrbita l'STS-58
• 2007 – Dopo oto ani de bando, l'ex prima ministra del Pakistan Benazir Bhutto ła torna in pàtria; inte el ndar dei festejamenti un atentà terorista suicida el copa sirca 100 persone, intrà łe cuałe 20 ajenti de ła scorta. La Bhutto no ła reporta ferie.
• 2013 – A Grenoble el vien siglà l'acordo par ła creasion de ła macrorejon alpina

In altri projeti

Altri progetti

• Wikimedia Commons

• Wikimedia Commons el detien imàjini o altri file so 18 de otobre
• el detien schemi gràfeghi so