Sidney
| Sydney | |||
|---|---|---|---|
| |||
| Tashkil qilinishi | 1788 | ||
| Shtat | Yangi Janubiy Uels | ||
| Maydon | 12144.6 km² | ||
| Aholi Zichlik |
4,119,190 (2006) 345.7 kishi/km² | ||
| Ona tillari | Inglizcha | ||
| Shahar hokimi | Clover Moore | ||
| Web sayti | www.cityofsydney.nsw.gov.au | ||
Sidney, Sidni – Avstraliyaning janubi-sharqiy qismidagi shahar, PortJekson qoʻltigʻining har ikki sohilida. Mamlakatning savdomoliya markazi. Yangi Janubiy Uels shtatining maʼmuriy markazi. Aholisi - 4,04 mln. kishi (1999), aholi soni boʻyicha mamlakatda 1-oʻrinda. Mamlakatning yirik iqtisodiy markazi, bosh porti. Aeroporti xalqaro ahamiyatga ega. Transport, elektrotexnika mashinasozligi, radioelektronika, qora va rangli metallurgiya, neftni qayta ishlash, kimyo, toʻqimachilik, poligrafiya, oziq-ovqat, qogʻoz sanoati korxonalari mavjud. Sanoat korxonalari, asosan, qoʻltiqdan shimolida va shahar atroflarida, moliyaviy muassasalar esa janubida joylashgan. Qoʻltiqning har ikki sohili ravoqli koʻprik (uzunligi 2 km) orqali bogʻlangan. Metropoliten qurilgan. Universitet (1850), konservatoriya, rasadxona, kutubxonalar, Avstraliya, geologiya, amaliy sanʼat muzeylari, badiiy galereya, opera va boshqa teatrlar, hayvonot bogʻi bor. Shaharga 1788-yilda inglizlar tomonidan asos solingan va Angliya ichki ishlar vaziri nomi bilan Sidni deb atalgan.[1] Sidney (IPA: [ˈsɪdniː]) Avstraliyaning eng katta shahridir (aholisi taxminan 4.12 million[2]). Sidney Yangi Janubiy Uels shtatining poytaxtidir.
Manbalar
[tahrir | manbasini tahrirlash]- ↑ OʻzME. Birinchi jild. Toshkent, 2000-yil
- ↑ „2006 Census QuickStats : Sydney (Statistical Division)“. 2012-yil 25-martda asl nusxadan arxivlangan. Qaraldi: 2007-yil 5-dekabr.
Havolalar
[tahrir | manbasini tahrirlash] | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |