Kontent qismiga oʻtish

Hidayat Heydarov

Vikipediya, erkin ensiklopediya
Hidayat Heydarov
Shaxsiy maʼlumotlari
Tavallud paytidagi ismi Hidayat Minayat oʻgʻli Heydarov
Fuqaroligi Ozarbayjon bayrogʻi Ozarbayjon
Tavallud sanasi 27-iyul 1997-yil (1997-07-27) (28 yosh)
Alxasava, Göyçay tumani, Ozarbayjon
Boʻyi 174 cm (5 ft 8 1⁄2 in)
Tavalludi 27-iyul 1997
Fuqaroligi Ozarbayjon
Imzosi
Sport
Mamlakat Ozarbayjon bayrogʻi Ozarbayjon
Murabbiy(lar)i Tarlan Hasanov (shaxsiy),
Richard Trautmann (terma jamoada)
Ogʻirlik toifasi ‍
Professional faoliyat
Havaskor faoliyat
Sport mukofotlari
Yozgi Olimpiada oʻyinlari
Oltin Parij 2024 73 kg gacha
Jahon chempionati
Bronza Boku 2018 73 kg gacha
Bronza Tokyo 2019 73 kg gacha
Bronza Toshkent 2022 73 kg gacha
Oltin Abu-Dabi 2024 73 kg gacha
Yevropa oʻyinlari
Bronza Minsk 2019 73 kg gacha
Yevropa chempionati
Oltin Varshava 2017 73 kg gacha
Kumush Tel-Aviv 2018 73 kg gacha
Oltin Sofia 2022 73 kg gacha
Oltin Monpele 2023 73 kg gacha
Oltin Zagreb 2024 73 kg gacha
Universiada
Kumush Neapol 2019 71 kg gacha
Bronza Neapol 2019 Jamoaviy
Islom birdamligi oʻyinlari
Oltin Boku 2017 73 kg gacha
Oltin Ar-Riyod 2025 73 kg gacha
Oltin Ar-Riyod 2025 aralash jamoalar
Davlat mukofotlari

Hidayat Heydarov (ozarbayjoncha: Hidayət Heydərov; 1997-yil 27-iyulda tugʻilgan) – ozarbayjonlik dzyudochi, erkaklar oʻrtasida 73 kg vazn toifasida musobaqalarda ishtirok etadi. Hidayat dzyudo boʻyicha toʻrt karra Yevropa chempioni (2017, 2022–2024)[1][2][3]. 2024-yilda u Parijdagi Olimpiya oʻyinlarida, Abu-Dabidagi Jahon chempionatida va Zagreb>dagi Yevropa chempionatida oltin medalni qoʻlga kiritgan.

Biografiya

[tahrir | manbasini tahrirlash]

Haydarov 1997-yil 27-iyulda Ozarbayjonning Goychay tumani, Alxasava shahrida tugʻilgan[4]. Hidayat uch yoshga toʻlganida, oilasi Bokuga koʻchib oʻtgan[5]. Olti yoshida Haydarovning otasi uni Neftchilar metro bekati yaqinida joylashgan 13-sonli ixtisoslashtirilgan bolalar va oʻsmirlar olimpiya zaxiralari sport maktabining dzyudo boʻlimiga yozdirgan. Uning birinchi murabbiyi Tarlan Hasanov boʻlib, u 2024-yildan beri uning shaxsiy murabbiyi hisoblanadi[6][5]. Haydarovga taʼsir koʻrsatganlardan biri 2008-yilgi dzyudo boʻyicha Olimpiya chempioni, keyinchalik Haydarovning murabbiyi boʻlgan Elnur Mammadli edi. Bundan tashqari, Haydarov irlandiyalik aralash yakkakurash ustasi Conor McGregorni oʻzining qahramoni sifatida tilga olgan[7].

2012-yilda u Ozarbayjon yoshlar chempionatida bronza medalini qoʻlga kiritgan. 2013 va 2014-yillarda mos ravishda 60 va 66 kg vazn toifasida yoshlar oʻrtasida Yevropa chempioni boʻlgan. 2013-yilda milliy chempionatda gʻolib chiqgan[8][6].

2014-yilda u Ozarbayjon Davlat Jismoniy Tarbiya va Sport Akademiyasiga oʻqishga kirgan.

2015-yilda Abu-Dabida oʻtkazilgan musobaqada oʻsmirlar oʻrtasida jahon chempioni boʻlgan, bir yildan soʻng Malagada oʻsmirlar oʻrtasida Yevropa chempioni boʻldi va Orenburgda Yevropa kubogini qoʻlga kiritgan[9][8]. 2017-yilda u Parijdagi „Katta dubulgʻa“ turnirida bronza medalini qoʻlga kiritgan. Oʻsha yili u finalda rossiyalik Musa Mogushkovni magʻlub etib, 73 kg vazn toifasida dzyudo boʻyicha Yevropa chempioni boʻlgan. Shunday qilib, Haydarov toʻrtta Yevropa chempionligini qoʻlga kiritgan yagona dzyudochiga aylandi va Yevropa dzyudo ittifoqi uni Yevropaning eng yaxshi yosh dzyudochisi deb topgan[10].

2017-yilgi Jahon chempionatidagi debyutida Heydarov yarim finalgacha yetib borgan va u yerda yaponiyalik Soichi Hashimotoga yengilgan. Shuningdek, Heydarov bronza medali uchun bahsda moʻgʻulistonlik Ganbaataryn Odbayarga magʻlub boʻlib, 5-oʻrinni egallagan. 2017-yil oktyabrida u Zagrebda oʻtkazilgan yoshlar oʻrtasidagi (21 yoshgacha) Jahon chempionatida gʻolib boʻlgan va finalda turkiyalik Bilal Çiloğluni yenggan. Dekabr oyida Heydarov Sankt-Peterburgdagi Jahon ustalari turnirida ishtirok etib, bronza medalini qoʻlga kiritgan. Hal qiluvchi jangda u bir necha oy oldin Jahon chempionatida gʻalaba qozongan moʻgʻulistonlik Odbayar Gandbatarni yana bir bor magʻlub etgan. Bu yosh dzyudochining faoliyatidagi ilk Jahon ustalari medali edi.

Heydarov 2017-yilgi Islom birdamligi oʻyinlari finalida

2018-yilda Haydarov Yevropa chempionatida kumush va oʻz vatanida oʻtkazilgan jahon chempionatida bronza medalini qoʻlga kiritgan. 2019-yilgi Yevropa oʻyinlarida u bronza medaliga sazovor boʻlgan. Bu musobaqada u avvalgi yilgi Yevropa chempionatida magʻlubiyatga uchragan armanistonlik Yevropa chempioni Ferdinand Karapetianni hamda 2012-yilgi Olimpiya chempioni gruziyalik Lasha Shavdatuashvilini qayta kurash bellashuvlarida yengib oʻtgan. Bundan tashqari, Haydarov Yevropa chempionatining bronza medali bilan ham taqdirlangan, chunki Minskdagi Yevropa oʻyinlarida oʻtkazilgan dzyudo musobaqalari aynan shu maqomga ega edi[11][12]. 2019-yilda Tokioda boʻlib oʻtgan Olimpiada arafasidagi jahon chempionatida u uchinchi oʻrin uchun bellashuvda tojikistonlik raqibi Behruzi Xoʻjazodani magʻlub etib, yana bir bronza medalini qoʻlga kiritgan.

Hidayat 2022-yilda Isroilning Tel-Aviv shahrida boʻlib oʻtgan dzyudo boʻyicha Tel-Avivdagi Grand Slam turnirida oltin medalni qoʻlga kiritgan[13].

Gʻalabali 2024-yil

[tahrir | manbasini tahrirlash]

2024-yilda Bokuda boʻlib oʻtgan „Katta shlem“ turnirida oltin medalga sazovor boʻlgan[14][15].

2024-yil bahorida Birlashgan Arab Amirliklarida oʻtkazilgan Olimpiada arafasidagi jahon chempionatida Hidoyat oltin medalga erishgan. U finalda yaponiyalik raqibi Tatsuki Ishiharani magʻlub etgan[16][17].

May oyi oxirida, Abu-Dabidagi jahon chempionatidan soʻng qisqa vaqt oʻtgach, Xalqaro dzyudo federatsiyasi soʻnggi Olimpiya reytingini eʼlon qilgan. Ushbu reytingga koʻra, Haydarov Parijdagi Olimpiya oʻyinlarida jahon reytingi yetakchisi sifatida qatnashish huquqini qoʻlga kiritgan[18][19].

2024-yil 29-iyul kuni Parij Olimpiadasida debyutant Heydarov barcha raqiblarini yengib, Olimpiya chempioni boʻlgan. Finalda u qoʻshimcha vaqtda fransuz dzyudochisi Joan-Benjamin Gabani ippon usuli bilan magʻlub etgan[20]. Heydarovning oltin medali Ozarbayjonning soʻnggi 16 yil ichidagi dzyudo boʻyicha birinchi Olimpiya oltin medali[20], shuningdek, mustaqil Ozarbayjonning 50-yubiley va 8-oltin Olimpiya medali boʻlgan[21]. Heydarov, shuningdek, bir yil ichida Yevropa chempionati, jahon chempionati va Olimpiadada gʻolib boʻlgan birinchi ozarbayjonlik sportchiga boʻlgan. Umuman olganda, u Zemfira Meftahatdinova, Sharif Sharifov va Radik Isayevdan keyin butun faoliyati davomida ham Jahon chempionati, ham Yevropa chempionati, ham Olimpiadada gʻolib chiqqan Ozarbayjon sporti tarixidagi toʻrtinchi sportchi boʻlgan[22].

Ozarbayjon Respublikasi Prezidenti Ilhom Aliyevning 2024-yil 13-avgustdagi farmoni bilan Hidoyat Haydarov Parijda oʻtkazilgan XXXIII Yozgi Olimpiya oʻyinlarida erishgan yuqori natijalari va Ozarbayjon sportini rivojlantirishdagi xizmatlari uchun „Shuhrat“ ordeni bilan taqdirlangan[23].

Hidayat 2024-yilgu turnirlar davomida biror marta ham magʻlubiyatga uchramagan[24].

Olimpiadadan keyin professional sportga qaytish

[tahrir | manbasini tahrirlash]

2025-yilda unga Xalqaro dzyudo federatsiyasi tomonidan „Yilning eng yaxshi dzyudochisi“ unvoni berilgan[25].

2025-yil bahorida Haydarov Podgoritsa>da boʻlib oʻtadigan Yevropa chempionatida ishtirok etishi kerak edi, ammo kasallik tufayli turnirni oʻtkazib yubordi[26]. Oʻn bir oylik tanaffusdan soʻng, 2025-yil iyun oyida Haydarov Budapeshtda boʻlib oʻtgan jahon chempionatida ishtirok etdi, ammo birinchi jangida portugaliyalik Otari Kvantidzega yutqazgan[27]. Magʻlubiyatdan soʻng, Haydarov qattiq tanqidlarga duch keldi[26]. Keyinchalik u oʻzining Instagram sahifasida shunday deb yozgan edi[28]:

11 oydan so‘ng yana tatamiga qaytdim. Bu shunchaki qaytish emas - bu yoʻlimning davomi. Maqsadim aniq - yana cho‘qqiga ko‘tarilish. Magʻlubiyat ham bu yoʻlning bir qismi. Ammo unutmang: men shu yerdaman va gʻalabalar yana keladi. So‘zlar bilan emas, amalda koʻrsataman.

Oʻsha yilning oktyabr oyida Perudagi Gran-pri turnirida, shuningdek, Vengriyada boʻlib oʻtgan jahon chempionatida u oʻzining birinchi jangida fransiyalik Dayan Bulemtafga magʻlub boʻlgan[29].

2025-yil oktyabr oyida Haydarov Gvadalahara shahrida boʻlib oʻtgan Gran-pri turnirida ishtirok etgan va u yerda barcha raqiblarini magʻlub etib, oltin medalni qoʻlga kiritgan[30]. Noyabr oyida Ar-Riyodda Haydarov faoliyatida ikkinchi marta Islom birdamligi oʻyinlari>da oltin medalni qoʻlga kiritishga muvaffaq boʻlgan[31]. Haydarovning medali ushbu oʻyinlarda Ozarbayjon sportchilari tomonidan qoʻlga kiritilgan birinchi oltin medal boʻlgan[32].

Manbalar

[tahrir | manbasini tahrirlash]
  1. ↑ „Hidayat Heydarov“. JudoInside.com. Qaraldi: 2024-yil 3-sentyabr.
  2. ↑ „EUROPEAN CHAMPIONSHIPS WARSAW – EVENT“. JudoInside.com. — „Hidayat Heydarov“. Qaraldi: 2024-yil 3-sentyabr.
  3. ↑ „HEYDAROV Hidayat“. IJF.org. Qaraldi: 2024-yil 3-sentyabr.
  4. ↑ Cüdonun qızıl oğlanı Hidayət Heydərovla MÜSAHİBƏ YouTubeda
  5. ↑ 5,0 5,1 „Tokio Olimpiadasını "qaralayan" gənc - Portret“ [The young man who "blackmailed" the Tokyo Olympics - Portrait] (az). kaspi.az.
  6. ↑ 6,0 6,1 „İslam Həmrəyliyi oyunlarında qızıl medala sahib olacağam“ [I will have a gold medal in the Islamic Solidarity Games] (az). muallim.edu.az. 2017-yil 18-avgustda asl nusxadan arxivlangan. Qaraldi: 2017-yil 18-avgust.
  7. ↑ „HEYDAROV Hidayat“. Paris 2024 Olympics. Qaraldi: 2024-yil 3-sentyabr.
  8. ↑ 8,0 8,1 „Hidayat Heydarov - Judo career“. JudoInside.com. Qaraldi: 2024-yil 3-sentyabr.
  9. ↑ „Удача наших дзюдоистов в Оренбурге“ [Good luck to our judoists in Orenburg] (az). neftchi.org. 2017-yil 31-avgustda asl nusxadan arxivlangan. Qaraldi: 2021-yil 7-iyun.
  10. ↑ „Хидаят Гейдаров назван лучшим молодым дзюдоистом Европы“ [Hidayat Heydarov was named the best young judoka in Europe] (az). azerisport.com.
  11. ↑ „Photos of the 2019 European Games medalists in the weight category up to 73 kg“. JudoInside.
  12. ↑ Geydarov stal avtorom lyubopitnogo dostijeniya
  13. ↑ Lloyd, Owen. „Japanese judoka Horikawa and Tanaka victorious at Tel Aviv Grand Slam“. InsideTheGames.biz (2022-yil 18-fevral). Qaraldi: 2022-yil 19-fevral. „In the men's under-73kg class, Hidayat Heydarov of Azerbaijan managed to secure the gold medal following two third-place finishes in Paris and Baku last year.“.
  14. ↑ „Baku Grand Slam 2024 Results“ (en). Международная федерация дзюдо Официальный сайт (2024-yil 1-fevral). 2024-yil 19-fevralda asl nusxadan arxivlangan. Qaraldi: 2024-yil 20-fevral.
  15. ↑ „«Большой шлем»: азербайджанский дзюдоист завоевал золотую медаль“ (en). Azertag (2024-yil 17-fevral). 2024-yil 17-fevralda asl nusxadan arxivlangan. Qaraldi: 2024-yil 20-fevral.
  16. ↑ „Ударная сила Азербайджана“. 2024-yil 23-iyunda asl nusxadan arxivlangan. Qaraldi: 2024-yil 23-iyun.
  17. ↑ „Впервые в истории и сложный выбор перед Олимпиадой“. 2024-yil 2-iyunda asl nusxadan arxivlangan. Qaraldi: 2024-yil 1-iyun.
  18. ↑ „Abu Dhabi World Championships Seniors 2024 Individuals / IJF.org“. www.ijf.org. 2024-yil 22-mayda asl nusxadan arxivlangan. Qaraldi: 2024-yil 22-may.
  19. ↑ „Хидаят Гейдаров выиграл чемпионат мира по дзюдо ВИДЕО“ (ru). Azertag (2024-yil 20-may). 2024-yil 21-mayda asl nusxadan arxivlangan. Qaraldi: 2024-yil 22-may.
  20. ↑ 20,0 20,1 „Париж-2024. Гейдаров покорил Олимпиаду. Золото 16 лет спустя“. 2024-yil 29-iyulda asl nusxadan arxivlangan. Qaraldi: 2024-yil 29-iyul.
  21. ↑ „Гейдаров принес Азербайджану юбилейную награду“. azerisport.com. 2024-yil 29-iyulda asl nusxadan arxivlangan. Qaraldi: 2024-yil 29-iyul.
  22. ↑ „Гейдаров пишет новую историю“. 2024-yil 29-iyulda asl nusxadan arxivlangan. Qaraldi: 2024-yil 29-iyul.
  23. ↑ „Azərbaycan Milli Olimpiya komandası üzvlərinin təltif edilməsi haqqında Azərbaycan Respublikası Prezidentinin Sərəncamı“. president.az (2024-yil 13-avgust). 2024-yil 15-avgustda asl nusxadan arxivlangan. Qaraldi: 2024-yil 13-avgust.
  24. ↑ „Хидаят Гейдаров непобедим больше года“ (ru). Day.Az (2024-yil 23-dekabr). 2024-yil 23-dekabrda asl nusxadan arxivlangan. Qaraldi: 2024-yil 23-dekabr.
  25. ↑ Mejdunarodnaya federatsiya dzyudo nagradila Olimpiyskogo chempiona Xidayata Geydarova i glavnogo trenera Richarda Trautmana
  26. ↑ 26,0 26,1 Chto proisxodit s olimpiyskim chempionom Xidayatom Geydarovim?
  27. ↑ Azerbaydjan snova ostalsya bez medaley ChM
  28. ↑ Xidayat Geydarov: Govorit budu ne slovami, a delom
  29. ↑ Xidayat Geydarov vishel na tatami v Peru i snova proigral v pervoy sxvatke
  30. ↑ Geydarov i Galandarzade pokorili Meksiku
  31. ↑ Geydarov vo vtoroy raz pokoril Islamiadu
  32. ↑ Xidayat Geydarov zavoeval dlya Azerbaydjana pervoe zoloto Islamiadi-2025

Havolalar

[tahrir | manbasini tahrirlash]

Vikiomborda Hidayat Heydarov mavzusiga oid fayllar bor 

"https://uz.wikipedia.org/w/index.php?title=Hidayat_Heydarov&oldid=5896715" dan olindi