sona nanpa

sona nanpa li nasin pi kama sona. sona nanpa la, jan li kepeken nanpa li alasa e sona sin.

jan mute li toki e ni: sona nanpa li sona lawa.

nasin sona pi mute a li ken kepeken sona nanpa. sona nanpa li suli mute tawa ilo sona tan ni: insa la, ilo sona li sona taso e nanpa.

sona nanpa la, jan li toki e ni: "mi toki e ijo la, seme li lon tan ni?"

kulupu pi sona nanpa

nimi "sona nanpa" li ken toki e ijo mute.

sona pi nanpa taso la, jan li pali lon nanpa. tenpo open pi sona ni la, jan li lukin taso e nasin noka pi pali nanpa. taso, tenpo lon la, jan li kama sona e ijo pi mute a tan nanpa. kule nanpa mute li lon, li nasa, li jo e sona pi mute suli a! sona ni la, jan li pana e sona ken la, ona li ken pona tawa lawa jan. taso, jan li alasa pona e lon ona, ni li pali pi suli mute a. sona ken nanpa pini tan jan Pema li sama ni.
sona pi sijelo ijo la, jan li pali lon nasin, lon selo ijo, lon sijelo ijo. jan li kama sona e ante nasin lon linja, e suli ma pi insa selo, e suli kon pi insa sijelo. tenpo pini pi weka lili la, jan li kepeken nanpa tawa sitelen ma. ijo li lon ma la, jan li ken toki e ma ijo kepeken kulupu nanpa.
sona pi nanpa nimi la, jan li kepeken sitelen li toki e nanpa pi sona ala. jan li pali lon sitelen la, sitelen li ken pana e sona ni: nanpa pi sona ala li seme? tenpo pini pi weka lili la, jan li kepeken ijo ante tawa sona pi esun nanpa. sona li pona tawa nanpa la, ona li ken pona lili tawa ijo ante.
sona pi kipisi lili la, jan li pali lon ijo ni: ona li awen kama ante lon tenpo. jan li wile sona e ni: ijo wan li kama ante la, seme la, ijo ante li kama ante seme sama ijo nanpa wan? tenpo ni la, jan li toki e kule tu tan sona pi kipisi lili. kule wan la, jan li kepeken nanpa ma taso. kule ante la, jan li kepeken kin nanpa pi nasin tu.
sona pi ijo nanpa la, jan li pali lon ijo ni: jan li ken nanpa e ona.
nasin pi alasa lon en sona pi kulupu ijo li sona noka tawa ale pi sona nanpa. open la, sona ni li ijo lon sona nasin. taso, ona li kama lon sona nanpa lon tenpo. ona tu la, jan li kama sona e suli pi pini ala. kin la, ona li kama sona e ni: suli pi pini ala li suli wan ala.
sona pi ijo ken en sona pi pana nanpa la, jan li lukin e kulupu nanpa li wile sona e ni: nanpa li ken seme? ken li suli seme? ona la, ijo lon li awen ala pana e lon sama lon tenpo ale. sina sona e ken pi lon ni la, ni li pona tawa wile sona sina.

o lukin