Pseudonauka

Pseudonauka - informacyje, tyoryje a badawcze metody, kere prōbuje sie podnieś do miana nauki, nale z roztōmajtych prziczyn niy idzie im prziznać takigo sztatusu.

Uwożo sie, iże do uznanio jakigoś działanio abo powstałyj dziynki niymu wiydzy za pseudonaukowo muszōm być społniōne trzi warōnki:

1. ôdwołujōm sie do pewnyj ôgōlnyj tyoryji - wykluczo to ôszukaństwa (bp. sfałszowaniy wynikōw ekszperimentu).
2. markiyruje nauka - warōnek tyn wykluczo bez tyn przikłod religijo.
3. niy sōm naukōm - coby ôdrōżnić nauka ôd niynauki (w tym pseudonauki) trza ôbrać tak mianowane kryterium dymarkacyji. Mogōm to być normy, kerymi kerujōm sie badocze jak choby podlyganiy podszukowań zbiorowyj kōntrole, a bezto wolność ôd wpływu gyszefciorzy na jejich wynik. Inkszym kryteriōm możno być falsyfikowalność sōndōw abo tyoryji, co idzie rozumieć jako możebność jejich zaprzeczynio ôd realnych abo możebnych do wyôbrażynio rezultatōw ôbserwacyji.