Drammens Tidende

Drammens Tidende byrja med nettavis i 1997. Etter å ha vore ei tradisjonell dagsavis gjennom mesteparten av historia, vart talet på vekevise papirutgåver frå mars 2024 redusert frå seks til tre.

Avisa produserer fleire podkastar, mellom anna fotballpodden «Feilkast».

Det gjennomsnittlege talet på daglege lesarar på nett og papir var 67 875 i fjerde kvartal 2023, ifylgje Mediebedriftenes Landsforening.

Det fyrste Drammens Tidende, som den danske boktrykkjaren Fredrik Carl Ferdinand Rode stod bak, starta opp i 1816. Avisa vart allereie frå starten ein torn i auget på det lokale borgarskapet med utfalla sine mot embetsmannsveldet og den gamle overklassen. Men det gjekk nesten 16 år før den kjende presten, bankmannen og avisgründeren Niels Wulfsberg saman med sonen Jacob sette inn den borgarlege motstøyten sin. Frå nyttår 1832 kom Tiden ut i Drammen, og allereie året etter måtte Rode si avis gje opp. Her publiserte Henrik Wergeland i 1841 sitt dikt Mig Selv, etter å ha blitt refusert i Morgenbladet.

I 1845 overtok Tiden også namnet til den slagne konkurrenten, og i 1851 vart Paul Hjelm-Hansen redaktør i Drammens Tidende. Det vart eit kortvarig gjestespel, men den nye redaktøren gjorde eit viktig grep som sikra avisa ein plass i litteraturhistoria. Han engasjerte unge Aasmund Olavsson Vinje som Kristiania-korrespondent. I nesten åtte år, fram til februar 1859, skreiv Vinje nærare tusen artiklar i avisa og markerte seg raskt som ein stilsikker nyheitsjournalist og observatør i hovudstaden. Han braut over tvert ved årsskiftet 1858–59 for å starte Dølen.

Etter hyppige redaktørskifte og eit opplag på berre rundt 500 avisar, skjedde det i 1897 eit viktig eigarskifte. Familien Wulfsberg selde avisa til grosserar Axel Lyche, eigaren av Buskeruds Blad. Dei to avisene innleidde eit nært samarbeid som gav rask vekst. I 1901 vart Lars Raknerud tilsett som redaktør for dei to avisene, som begge var markante talerøyr for Høgre. Raskt tok han også grep for å utvikle det lokale informasjonsstoffet, og i pressehistoria har han fått sin plass som ein av skaparane av den moderne nyheitsjournalistikken.

Arbeidaravisa «Framtida» vart stoppa av tyskarane allereie i august 1940 og kom ikkje på gata igjen før i mai 1945. Dei to Høgre-avisene vart dimed enerådende som lokalaviser i nedre Buskerud, og dei kom opplagsmessig styrkte ut av krigen. Etter krigen vart det gjort store investeringar i teknisk utstyr og eit nytt avisbygg i bydelen Åssiden, men etter nokon år flytta mediehuset tilbake til Bragernes sentrum.

• Drammens Tidende: fyrste nr. 21. november 1816, siste nr. 1. juli 1833, deretter oppteke i Tiden.
• Tida: fyrste nr. 2. januar 1832, siste nr. 31. desember 1844
• Skifta namn til Drammens Tidende 1. januar 1845.
• Siste nr. 31. januar 1961, deretter sammenslått med Buskeruds Blad under tittelen Drammens Tidende og Buskeruds Blad.
• Endra namn til Drammens Tidende frå 2. januar 2000

Til og med 2015 gjeld opplagstala berre papirutgåva. Frå 2020 blir netto brukt opplagstal for digitalt abonnement og papirabonnement. Kjelda er opplagstala avisene rapporterer til Mediebedriftenes Landsforening (MBL) for andre halvår.

• historia til den norske pressa
• lokalavis

• Drammens Tidende

• Davidsen, Øyvind & Lars Sørensen: Drammens tidende og Buskeruds blad, 1975–81, 2 b.