Beatrix Potter

Beatrix Potter (1866- 1943) yaja se tawawasuani, se takwikwiluani wan se mumachtiani pal kojkojtanchanejket Inglanterrachanejket katka.

Ipanpa Beatrix Potter.

Beatrix Potter yaja nesik se tunal se pual chikwey pal ne metzti chikume se tik ne shiwit se shikipil chikwey tzunti yey pual chikwasen katka. Yaja nesik tik ne techan South Keningston, Londres. Ne inan itukey Helen Leech (1839–1932) katka wan ne iteku itukey Rupert William Potter (1832–1914) katka. Yaja itejtekuwan pujpudiente wan yejemet ingustuj ne ikwijkwikwil katka. Potter yaja kipiak se iikaw: Walter Bertram (1872–1918).

Beatrix wan Walter mumachtijket ka inchan iwan ne tajpiani wan ne tamachtiani. Yejemet kimachtijket sujsul yek ka ne pijpipil. Beatrix wan Walter kipiak nawijchin inchaku.

Potter mumachtij ne kojkojtanchanejket. Tik ne 1890s Potter mumachtij, kimamawasuj wan kitajkwiluj ipanpa ne kujkunanakat. Yaja ne iikaw iteku Sir Henry Enfield Roscoe (1833 - 1915) kinekik ma Beatrix mumachtij ka Real Jardín Botánico de Kew, peroj Beatrix tesu mumachtia man ika yaja ne siwapil katka.

Se ikwikwil pal El cuento de Pedrito Conejo

Potter igustuj amachtij wan ne ikwijkwikwil nusan katka. Tik ne 1890s yaja pejki ne itekiw pal takwikwiluani. Tik ne shiwit 1893 Potter kimawawasuj “El cuento de Pedrito Conejo” (The Tale of Peter Rabbit) pal Noel, itelpuch pal Annie Moore. Katka Annie tajpiani wan tamachtiani pal Beatrix.

Tik ne shiwit 1901 Potter kineshtij ne amachti “El cuento de Pedrito Conejo” (The Tale of Peter Rabbit) pal yaja ichaku wan imiekawan, peroj tik ne shiwit 1902 Frederick Warne & Co kineshtij ne amachti “The Tale of Peter Rabbit” ka Reino Unido. Iikniwan ajtaketzat yek ipanpa ne amachti katka.

Tik ne shiwit 1905 Potter wan Norman Warne sennemit katka. Neman Warme mikik ika yaja kipiak leucemiaj. Neman Potter kikua Hill Top Farm ka Near Sawrey katka. Tik ne shiwit 1909 Potter kikua ne taluk katka.

Tik ne shiwit 1913 Potter munamiktij iwan William Heelis. Potter igustuj itunal ka kojtan iwan ishulejyu wan ichajchaku katka.

Potter kineshtij 23 amachti. Tik ne shiwit 1930 Potter tamik kineshtij inakas amachti. Neman yaja mutekitilij ka ne tal wan kichantij.

Tik ne shiwit 1943 yaja mikik pal pneumoniaj.

Itekiw.

The Tale of Peter Rabbit (El cuento de Pedro el conejo travieso, 1902)
The Tale of Squirrel Nutkin (El cuento de la ardilla Nogalina, 1903)
The Tailor of Gloucester (El sastre de Gloucester, 1903)
The Tale of Benjamin Bunny (El cuento del conejito Benjamín, 1904)
The Tale of Two Bad Mice (El cuento de los dos malvados ratones, 1904)
The Tale of Mrs. Tiggy-Winkle (El cuento de la señora Bigarilla, 1905)
The Tale of the Pie and the Patty-Pan (El cuento de la empanada y el molde, 1905)
The Tale of Mr. Jeremy Fisher (El cuento del señor Jeremías Peces, 1906)
The Story of A Fierce Bad Rabbit (La historia de un conejito feroz, 1906)
The Story of Miss Moppet (La historia de la señorita Minina, 1906)
The Tale of Tom Kitten (El cuento del gato Tomás, 1907)
The Tale of Jemima Puddle-Duck (El cuento de la oca Carlota, 1908)
The Tale of Samuel Whiskers, or The Roly-Poly Pudding (El cuento de Samuel Bigotes o El brazo de gitano, 1908)
The Tale of the Flopsy Bunnies (El cuento de los conejitos Pelusa, 1909)
The Tale of Ginger and Pickles (El cuento de Jengibre y Pepinillos, 1909)
The Tale of Mrs. Tittlemouse (El cuento de doña Ratoncilla, 1910)
The Tale of Timmy Tiptoes (El cuento de Tomoteo Puntillas, 1911)
The Tale of Mr. Tod (El cuento del señor Raposo, 1912)
The Tale of Pigling Bland (El cuento del cerdito Amable, 1913)
Appley Dapply's Nursery Rhymes (Canciones infantiles de Manzanitas Verdes, 1917)
The Tale of Johnny Town-Mouse (El cuento de Juanito Ratón de Ciudad, 1918)
Cecily Parsley's Nursery Rhymes (Canciones infantiles de Cecilia Perejil, 1922)
The Tale of Little Pig Robinson (El cuento del cerdito Robinsón, 1930)

Ijilpika.

https://es.wikipedia.org/wiki/Beatrix_Potter

https://historia-arte.com/artistas/beatrix-potter

https://beatrixpottersociety.org.uk/

Obras de Beatrix Potter (Inglés)

peterrabbit.com