Wikipedia:Deklarashon di Liberashon for di Responsabilidat General

Declaracion di Liberacion for di Responsabilidad General (Deklarashon di Liberashon for di Responsabilidat General) ta un declaracion cu ta splica e limitacionnan di responsabilidad relaciona cu e uzo di Wikipedia. Ta importante pa comprende cu Wikipedia ta un proyecto habri y colaborativo, mantene pa un comunidad mundial di boluntarionan. Aunke hopi biaha e informacion por ta util y bastante preciso, no por duna ningun garantia formal di cu esaki ta tambe completo of completamente corecto.

Akibou ta sigui e declaracion den e dos ortografia oficial di idioma Papiamento.

Version na Papiamento

Wikipedia ta un enciclopedia colaborativo online di contenido habri, cu ta crea y mantene pa persona y gruponan boluntario cu ta traha conhuntamente pa desaroya un fuente di conocemento humano. E structura di e proyecto ta permiti cualke hende cu tin acceso na internet pa haci cambio den su contenido.

Esaki no ta nifica cu lo bo no haya informacion balioso y corecto den Wikipedia; hopi biaha esey si ta e caso. Sinembargo, Wikipedia no por garantisá e validez di e informacion haya aki. E contenido di un articulo por a wordo cambia, vandalisa of altera recientemente door di un hende kende su opinion no ta coresponde cu e estado actual di conocemento den e tereno relevante. Ta importante pa nota cu hopi otro enciclopedia y obra di referencia tambe tin declaracionnan similar.

Nos comunidad activo di editornan ta uza herment manera e listanan Cambio recien y Pagina nobo pa monitor contenido nobo of modificacionnan. Sinembargo, revisionnan den Wikipedia no ta tuma luga uniformemente. Aunke hopi biaha lectornan ta drecha eror of contribui na revision informal (peer review), no tin obligacion legal pa haci esaki. Pesey, tur informacion cu por lesa riba Wikipedia ta sin ningun garantia explicito, of falta aptitud implicito pa cualke proposito of uzo. Hasta articulo cu a wordo controla pa medio di revision informal of cu ta indica como articulo destaca por a wordo cambia despues, incluso na un modo inapropia.

Ningun contribuyente, sponsor, administrado, of otro persona cu tin un relacion cu Wikipedia, irespecto den cual forma, por para responsabel pa sea aparicion di informacion incorecto, difamatorio of pa bo uzo personal di e informacion contene den e pagina of linknan di Wikipedia.

Vershon na Papiamentu

Wikipedia ta un ensiklopedia kolaborativo online di kontenido habri, ku ta kreá i mantené pa persona i gruponan boluntario ku ta traha konhuntamente pa desaroyá un fuente di konosementu humano. E struktura di e proyekto ta permití kualke hende ku tin akseso na internet pa hasi kambio den su kontenido.

Esaki no ta nifiká ku lo bo no haña informashon balioso i korekto den Wikipedia; hopi biaha esei si ta e kaso. Sinembargo, Wikipedia no por garantisá e balides di e informashon hañá aki. E kontenido di un artíkulo por a wòrdu kambiá, vandalisá òf alterá resientemente dor di un hende kende su opinion òf modifikashon no ta korespondé ku e estado aktual di konosementu den e tereno relevante. Ta importante pa nota ku hopi otro ensiklopedia i obra di referensia tambe tin deklarashonnan similar.

Nos komunidat aktivo di editornan ta usa hèrmènt manera e listanan Kambionan resien y Página nobo pa monitor kontenido nobo òf modifikashonnan. Sinembargo, revisionnan den Wikipedia no ta tuma lugá uniformemente. Ounke hopi biaha lektornan ta drecha eror òf kontribuí na revishon informal (peer review), no tin obligashon legal pa hasi esaki. Pesei, tur informashon ku por lesa riba Wikipedia ta sin ningun garantia explísito, òf falta aptitut implísito pa kualke propósito òf uso. Asta artíkulo ku a wòrdu kontrolá pa medio di revishon informal òf ku ta indiká komo artíkulo destaká por a wòrdu kambiá despues, inkluso na un modo inapropiá.

Ningun kontribuyente, spònser, atministradó, òf otro persona ku tin un relashon ku Wikipedia, irespekto den kual forma, por para responsabel pa sea aparishon di informashon inkorekto, difamatorio, òf pa bo uso personal di informashon ku ta kontené den e página òf linknan di Wikipedia.

Fuente, nota i/òf referensia