Andes

 E artíkulo aki ta skirbí na ortografia di papiamentu. Lo ta apresiá si por mantené e artíkulo aki na estilo di papiamentu.

Andes
Cordillera de los Andes
Lokalisashon
Pais	Bolivia, Chile, Colombia, Ecuador, Peru, Venezuela, Argentina
Koordinatonan	21°49′33.60000″S 66°41′52.80000″W
Karakterístika
Área	3.300.000 kilometer kuadra
Largura	7.000 kilometer
Anchura	500 kilometer
Punto mas altu	Aconcagua
Imágennan riba Wikimedia Commons
[Editá Wikidata] · [Manual]

E Andes (spaño: La Cordillera de los Andes, quechua:Anti) ta forma un montaña ekstenso kantu di e kosta wèst di Sur Amérika. E montaña tin un largura di aproksimadamente 7.000 kilometer, un hanchura máksimo di 160 kilometer i un altura promedio di aproksimadamente 4.000 meter. E kadena ta kore pa gran parti paralel na e kosta di Oséano Pasífiko.

E montaña ta ekstendé riba shete pais: Argentina, Chile, Bolivia, Peru, Ecuador, Colombia i Venezuela. E serunan ta krusa e ekuator i ta sigui bai sùit te na Tierra del Fuego. E Arko di Scotia, inkluyendo Islanan Sur Georgia i Sur Sandwich, ta un kontinuashon prinsipalmente supmarino di e serunan. E struktura supmarino aki ta konektá Andes ku e Península antártiko den un arko grandi.

Geologia

Geológikamente, Andes ta un sistema di seru yòn, formá durante e periodonan di Kreit i Tersiario. E serunan a wòrdu formá dor di plachi tektóniko, den kua e plachi oséaniko di Nazca ta slip bou (supdukshon) di e plachi kontinental di Sur Amérika na un velosidat di mas o ménos 8 centimeter pa aña. E prosesonan aki ta pone ku e serunan ta oumentá den altura gradualmente. Volkan i temblor ta komun den e área aki. Andes ta e sistema di seru mas altu na mundu despues di Himalaya. Hopi punta ta alkansá alturanan di mas ku 6.700 meter i ta kubri ku sneu.

Den e parti mas sùit di Andes, e kadena di seru ta kore di ost pa wèst, miéntras ku mas nort, na Argentina i Chile, su orientashon ta kambia. Pa wèst di e serunan ta situá Osean Pasífiko. Lagonan alimentá pa gletsjer ta situá tantu na Argentina komo na Chile.

E serunan mas altu di Andes ta situá kantu di e frontera entre Argentina sentral i nort i Chile. Aconcagua (6.960 meter), e seru di mas altu den e hemisferio oksidental, i Tupungato (6.570 meter) ta algun di e puntanan prominente.

E parti sentral di Andes, ta ekstendé riba Bolivia i Peru, e serunan ta parti den vários kadena, ku un anchura di mas o ménos 640 kilometer. E área aki ta inkluí tera altu manera e Altiplano boliviano i varios vayenan meimei di serunan. E sivilisashon di Inka, un tempu, tabata floresé aki. Situá na frontera di Peru i Bolivia, lago Titicaca ta un di e karakterístikanan geográfiko di e region aki. Bolivia tambe ta optené volkannan, manera e Nevado Sajama.

Serunan mas altu

Un bista di serunan mas haltu ku 6.500 meter

Altura (m)	Nomber	Serunan	Koordinato	Imagen	Pais
6.962	Aconcagua		32°39′0″ S 70°01′0″ W		Argentina
6.891	Ojos del Salado	Puna de Atacama	27°06′34″ S 68°32′29″ W		Argentina –  Chile
6.792	Monte Pissi	Puna de Atacama	27°45′0″ S 68°47′0″ W		Argentina
6.768	Huascarán	Cordillera Blanca	9°7′0″ S 77°36′0″ W		Peru
6.759	Bonete	Puna de Atacama	27°52′0″ S 68°49′0″ W		Argentina
6.758	Nevado Tres Cruces	Puna de Atacama	27°06′0″ S 68°52′0″ W		Argentina –  Chile
6.739	Llullaillaco	Puna de Atacama	24°43′10.8″ S 68°31′51.9″ W		Argentina –  Chile
6.720	Cerro Mercedario	Cordillera de la Ramada	31°58′0″ S 70°10′0″ W		Argentina
6.658	Cazadero / Tipas / Walther Penck	Puna de Atacama	27°11′0″ S 68°34′0″ W		Argentina
6.638	Incahuasi	Puna de Atacama	27°02′00″ S 68°17′48″ W		Argentina –  Chile
6.634	Yerupajá	Cordillera Blanca	10°16′0″ S 76°54′0″ W		Peru
6.565	Tupungato		33°21′12″ S 69°46′17″ W		Argentina –  Chile
6.542	Nevado Sajama	Cordillera Occidental	18°6′0″ S 68°53′0″ W		Bolivia