Philippe Aghion

Philippe Aghion

Philippe Aghion (* 17. August 1956 in Paris) is en franzöösch Ökonom, de Perfesser an dat Collège de France un an de INSEAD is, as ok Gastperfesser an de London School of Economics. Sien Hööftforschungsrebeet sünd de Wassdoms- un Verdragstheorie. 2025 wurr hüm de Alfred-Nobel-Gedächtnispries för Wertschapswetenschapen för sien Forschungen to de Theorie vun dat düersam Wassdom dör schöpferische Zerstörung tospraken.

Leven

Aghion sien Moder Gaby Aghion stamm ut en sephardisch Familie in Ägypten un hett in Frankriek de Moodmarke Chloé grünnd. In sien Jugend hörr Aghion de Kommunistisch Partei vun Frankriek an. 1981 hett he an de Université Paris 1 Panthéon-Sorbonne sien Studium mit en Diplom förr Wertschapsmathematik afslooten. 1987 kreeg he en Ph. D. vun de Harvard University. In dat sülvig Johr wurr Aghion Lehrbeupdragter an dat Massachusetts Institute of Technology (MIT); 1989 wessel he an dat CNRS-DELTA. 1990 bit 1991 weer he stellvertredend Chef-Ökonom vun de Europääsch Bank för Wedderupbau un Entwicklung in London. 1991 wurr he Redakteur vun dat Review of Economic Studies un bleev dat bit 1997. 1992 wurr he leitender Redakteur vun The Economics of Transition. 1992 bit 1996 weer he Liddmaat vun dat Nuffield College vun de University of Oxford. Af 1996 weer he Perfesser an dat University College London bit to sien Wessel an de Harvard University im Jahr 2000. Siet Oktober 2015 is he Perfesser an dat Collège de France in Paris mit den Lehrstohl „Institutschonen, Innovatschoon, un Wassdom“ un Centennial Professor an de London School of Economics, siet 2020 todem an de Business School Insead. He is buterdem Liddmaat vun den Cercle des économistes und Associate an de PSE – Paris School of Economics as ok siet 2023 Co-Vörsitter vun dat Committee on Generative Artificial Intelligence.

2017 wurr Aghion gemeensam mit den an de Universität Zürich forschenden Wertschapsperfesser Ernst Fehr to en levenslang utlännsch Ehrenliddmaat vun de American Economic Association, AEA, wählt. De Antall vun de Liddmaaten is limiteert. De Wahl erfolgt dör dat Executive Committee vun de American Economic Association un finnd blots statt, wenn en bitherig Ehrenliddmaat storven is.

Utteknungen

• 2001: Prix de la Revue Francaise d’Economie
• 2001: Yrjö-Jahnsson-Pries vun de European Economic Association
• 2005: Ehrendokterwürde vun de Hannelshoochschool Stockholm
• 2006: Schumpeter-Pries vun de International Schumpeter Society
• 2009: Liddmaat vun de American Academy of Arts and Sciences
• 2015: Korrespondeerend Liddmaat vun de British Academy
• 2016: Liddmaat vun de Academia Europaea
• 2019: BBVA Foundation Frontiers of Knowledge Award in Ökonomie
• 2022: Erasmus Medal
• 2025: Nobelpries för Weertschapswetenschapen (mit Joel Mokyr un Peter Wilkinson Howitt). Aghion un Howitt hemm sück de Hälft vun den Pries deelt.

Schriften

• mit Peter Howitt: Endogenous Growth Theory. MIT Press, 1989, ISBN 978-0-262-01166-2.
• mit Peter Howitt: A Model of Growth Through Creative Destruction. Econometrica, 60:2 (März 1992), 323–351.
• mit Jeffrey Gale Williamson: Growth Inequality and Globalization. Theory, History, and Policy. Cambridge University Press, 1999, ISBN 978-0-521-65070-0.
• mit André Sapir (Hrsg.), Giuseppe Bertola, Marco Buti, Martin Hellwig, Jean Pisani-Ferry, Dariusz K. Rosati, Peter M. Smith, Jose Vinals, Helen Wallace: An Agenda for a Growing Europe. The Sapir Report. Oxford University Press, 2003, ISBN 978-0-19-927148-1.
• mit E. Cohen: Éducation et Croissance. 2004.
• mit A. Banerjee: Volatility and Growth. Oxford University Press, 2005.
• mit Rachel Griffith: Competition and Innovation. MIT Press, 2005.
• mit S. Durlauf: Handbook of Economic Growth. Elsevier 2005, ISBN 978-0-444-50837-9.
• mit Rachel Griffith: Competition and Growth. Reconciling Theory and Evidence. 2008, ISBN 978-0-262-51202-2.

Verweise

Weblinks

• Indrag bi EconBiz
• Persönliche Website (engelsch)