Kebab
| Kebab | |
|---|---|
  | |
Kebab (UK: /kɪˈbæb/ kib-AB, US: /kɪˈbɑːb/ kib-AHB), kebap, kabob (ejhâân alternatif Amerika Dâjâ), kebob, otabâ kabab (ejhâan Kashmir) panèka macemma olahan dhâghing sè massa' kalabân asal mowasal masa'an Tèmor Tengnga. Bânnya' macemma sè kasohor è sabbhân dunnya.
È sabâgiyân bânnya' naghârâ sè abhâsa Inggris, kebab èngghi panèka shish kebab otabâ souvlaki klasik – dhâghing sè èmassa' kalabân è soddhu' otabâ, è Amerika Lao', lebbi èkennal mènangka gyros è bâkto è lowar Amerika Dâjâ kakanan langsong kakan èkennal mènangka doner kebab.[1] Sabhâlighèh, è bhâsa Inggris India, Bhâsa Inggris Bangladesh, Inggris, Bhâsa Inggris Pakistan, bân è bhâsa-bhâsa Tèmor Tengnga, bâgiyân laènna Asia, bân dunnyah Muslim, kebab panèka sala sèttong dâri macem-macem kakanan dhâghing pangghâng. Bâdâ kakanan sè akhèrra asalla ḍâri kebab Tèmor Tengnga bisaos andi' nyamana sè bhidhâ è bhâsa lokalla, akadhi chuan Tionghoa.[2]
Kebab aropaaghi daging sè 'toghel otabâ è ghiling, tor kadhâng èbhârengi sayur, bân bânnya' bumbu laènna metorot resep sè spesifik. Manabi kebab biasana èola è attass soḍḍhu'na satè è attas apoy, bâdâ kebab sè èpangghâng è panci è oven otabâ èsiapaghi mènangka rebusan, akadhi kantong kebab. Dhâghing sè biasah èangghuy kaangghuy kebab panèka embi' otabâ dumbhâ, namong bâdâ resep regional sè momkinaghi ngangghuy dhâghing sapè, dumbhâ, ajâm, jhuko', bân tor kadhâng dhâghing bâbi, sanajân panèka rang-rang èghunaaghi polana larangan aghâma.
Nyama kebab asalla dâri bhâsa Persia: kabab (کباب) sè asalla artèna dhâghing ghuring, bânnè dhâghing pangghâng/bakar.[3] Oca' kabab bisaos asalla dâri bhâsa Aram: כבבא kabbābā sè bisaos asalla dâri bhâsa Akkadia: kabābu sè artèna "bakar, pangghâng".[4] È abad ka-14, kebab ampon dhâddhi sinonim sareng tabahajah, kankakanan bakso ghuring è bhâsa Persia. È dâlem buku-buku Turki, istilah kebab serrèng èghunaaghi kaangghuy bakso sè èkaghâbây dâri ajâm otabâ dumba sè è cacca.[5]
Sombher
[beccè' | beccè' sombher]- ↑ Davidson, Alan (2014-08-21). The Oxford Companion to Food (in Inggris). OUP Oxford. ISBN 978-0-19-104072-6.
- ↑ Akin, Engin (2015-10-06). Essential Turkish Cuisine (in Inggris). ABRAMS. ISBN 978-1-61312-871-8.
- ↑ Davidson, Alan (2006-01-01). The Oxford Companion to Food. Oxford University Press. ISBN 978-0-19-280681-9.
- ↑ "kbb. The American Heritage® Dictionary of the English Language: Fourth Edition. 2000". www.bartleby.com. Archived from the original on 2008-04-08. Retrieved 2026-01-16.
- ↑ "Andalusian Cookbook: Table of Contents". www.daviddfriedman.com. Retrieved 2026-01-16.