Biografi

Biografi otabâ kasana èngghi panèka karjâ sastra sè aghânḍhu' carèta odi'na sèttong tokoh sè èyangghep penting sareng masyarakat tertentu. Biografi umumma ètolès kaangghuy nyampaiaghi hal-hal sè istimewa tentang tokoh. È dâlem jhâjhârbâ'ân, biografi panèka aropaaghi perkembangan dâri otobiografi prasejarah. Biografi pertama ètolès è akhèr abad ke-18 Masehi. Biografi sè ètolès è media massa umumma aropaaghi hasèl jurnalisme rèng-orèng. Èssè bân bhângon biografi bisa acem-macem sanajjân abâhas tokoh sè paḍâ. Aspèk sè ghâmpang è dâlem nolès biografi panèka nyarè sombher tolèsan. Samentara jârèya, aspek sè malarat panèka nerrapaghi moral bân ètika universal è ḍâlem nolès. Biografi aghânḍu' nilai penting manabi tokoh sè èjhârbâ'aghi aghâdhui peran penting è bidang sè èterrosghi.

Peristilahan

Biografi panèka asalla ḍâri bhâsa Yunani bios bân grafien. Bios artèna odi' bân grfien artèna nolès, dâddhi biografi aghându' riwayat odi' sè èssèna prestasi khusus sèttong orèng. È dâlem sastra, biografi pnèka sala sèttong pros anyar sè nyarètaaghi parjhâlânan odi'na orèng molaè ghi' kènè' sampè' towa, bahkan kantos aḍingghâl omor. Biografi èbâgi dadḍi duwâ' macem, engghi panèka biografi portrayl bân ilmiah. Biografi portrayal panèka biografi sè nod~uaghi karakter tokoh. Biografi ilmiah panèka biografi sè èssèna tentang tokoh dâri hasèl analisis sè aghunaaghi konsèp-konsèp tatanto kaangghuy aḍâddhiyaghi keterangan sejarah.

Sejarah

Halaman judul dari buku The Life of Samuel Johnson. Buku panèka è serrat sareng James Boswell.

È dâlem sejarah, biografi panèka pengembangan dâri panolèsan autobiografi prasejarah. Autobiografi è masa panèka ètolès lèbât Ghâmbar è dinding-dinding guwâ. Ghâmbar sè ètampilaghi namong perrang mamut kalabân manossa sè adhâdḍiyaghi kamatèan. selanjutèpon objek penyampaian autobiografi panèka abahas tentang carèta-carèta kepahlawanan kalabân cara èlukis è attassah vas otabâ pasu. Autobiografi panèka èkâmbhângaghi e zaman Romawi kuno lèbat perkembangan teknologi pengecoran logam. Autobiografi èsampaiaghi dâlem bentuk kion logam. Èssèna tentang obâ'ân kakobâsaan, perrang, proyek-proyek bhângon, bân skandal seks sè èlampa'aghi sareng rato-rato. Biografi sè palèng kona panèka molaèn ètolès è zaman Romawi konadâlem ghulungan perkamen sè kadhâddhiyân dâri kolè'na kèbân. Èssèna tentang kegiatan pemerintah bân penginjilan pemuka aghâma. Panolèsan biografi tokoh sè pertama namong è tolès è taon 1975. Tokoh sè ètolès panèka Samuel Johnson kalabân Boswell mènangka pengarang.