ຄຳອະທິບາຍ
ປລັກອິນການຍ້າຍ ແລະ ສຳຮອງຂໍ້ມູນ WordPress ທີ່ໄດ້ຮັບຄວາມໄວ້ວາງໃຈທີ່ສຸດຕັ້ງແຕ່ປີ 2013
All-in-One WP Migration ແມ່ນມາດຕະຖານສູງສຸດສຳລັບການຍ້າຍ ແລະ ສຳຮອງຂໍ້ມູນເວັບໄຊ WordPress, ຖືກໃຊ້ໂດຍ 60 ລ້ານກວ່າເວັບໄຊທົ່ວໂລກ – ຕັ້ງແຕ່ບລັອກຂະໜາດນ້ອຍ ໄປຈົນເຖິງບໍລິສັດໃນ Fortune 500 ແລະ ອົງກອນລັດຖະບານ. ບໍ່ວ່າທ່ານຈະຕ້ອງການຍ້າຍ WordPress ໄປຫາ host ໃໝ່, ສ້າງການສຳຮອງຂໍ້ມູນທັງໝົດ, ຫຼື ຄືນຄ່າຂໍ້ມູນເກົ່າ, ປລັກອິນຂອງພວກເຮົາມີຄວາມໜ້າເຊື່ອຖືລະດັບອົງກອນ ແຕ່ໃຊ້ງານງ່າຍສຳລັບມືໃໝ່.
ເປັນຫຍັງຕ້ອງເລືອກ All-in-One WP Migration?
- ການຍ້າຍທີ່ງ່າຍດາຍ: ຍ້າຍເວັບໄຊທັງໝົດຂອງທ່ານດ້ວຍການຄລິກພຽງຄັ້ງດຽວ – ລວມທັງຖານຂໍ້ມູນ, ມີເດຍ, ທິດມ໌, ແລະ ປລັກອິນ
- ສຳຮອງຂໍ້ມູນໃນຄລິກດຽວ: ສ້າງການສຳຮອງຂໍ້ມູນ WordPress ທັງໝົດກ່ອນການຍ້າຍ ເພື່ອໃຫ້ທ່ານສາມາດຄືນຄ່າໄດ້ທຸກເວລາ
- ເວັບໄຊບໍ່ຢຸດເຮັດວຽກ: ຍ້າຍເວັບໄຊໃຫ້ສຳເລັດໂດຍບໍ່ມີການຢຸດໃຫ້ບໍລິການ
- ຮອງຮັບທຸກລະບົບ: ຍ້າຍລະຫວ່າງຜູ້ໃຫ້ບໍລິການໂຮສຕິງໃດກໍໄດ້ – ຕັ້ງແຕ່ shared hosting ລາຄາປະຢັດ ໄປຈົນເຖິງ dedicated servers ລະດັບສູງ
- ຄວາມເປັນເລີດດ້ານເຕັກນິກ: ຖືກອອກແບບມາເພື່ອຄວາມໜ້າເຊື່ອຖືດ້ວຍການປະມວນຜົນທີ່ປະຢັດ memory (512KB chunks), ເໝາະສຳລັບ Server ທີ່ມີຊັບພະຍາກອນຈຳກັດ
- ບໍ່ຕ້ອງມີທັກສະດ້ານເຕັກນິກ: ໜ້າຕ່າງການໃຊ້ງານທີ່ເຂົ້າໃຈງ່າຍ ຊ່ວຍໃຫ້ທຸກຄົນສາມາດຍ້າຍ ຫຼື ສຳຮອງຂໍ້ມູນເວັບໄຊ WordPress ໄດ້ໂດຍບໍ່ຕ້ອງເປັນຜູ້ຊ່ຽວຊານ
- ຮອງຮັບຖານຂໍ້ມູນຂ້າມລະບົບ: ຍ້າຍລະຫວ່າງ MySQL, MariaDB, ແລະ SQLite ໄດ້ຢ່າງບໍ່ມີບັນຫາ
- ປອດໄພ ແລະ ໜ້າເຊື່ອຖື: ໄດ້ຮັບຄວາມໄວ້ວາງໃຈຈາກ Boeing, NASA, Harvard, Stanford, Automattic, ແລະ ອົງກອນລັດຖະບານທົ່ວໂລກ
ວິທີຍ້າຍ WordPress – ງ່າຍໆພຽງ 3 ຂັ້ນຕອນ:
- ຕິດຕັ້ງ ປລັກອິນໃນເວັບໄຊຕົ້ນທາງ ແລະ ປາຍທາງ
- ສຳຮອງຂໍ້ມູນ ແລະ ສົ່ງອອກ ເວັບໄຊຂອງທ່ານເປັນໄຟລ໌ .wpress ດ້ວຍການຄລິກພຽງຄັ້ງດຽ
- ນຳເຂົ້າ ແລະ ຍ້າຍ ໂດຍການໃຊ້ເຄື່ອງມືລາກ ແລະ ວາງໃນເວັບໄຊປາຍທາງຂອງທ່ານ
ສຳລັບນັກພັດທະນາ ແລະ ຜູ້ໃຊ້ລະດັບສູງ:
- ການຄົ້ນຫາ ແລະ ປ່ຽນແທນແບບຂັ້ນສູງ: ຄວບຄຸມການປ່ຽນແປງຂໍ້ມູນໃນຊ່ວງການຍ້າຍໄດ້ຢ່າງຊັດເຈນ
- ເລືອກຍ້າຍ ແລະ ສຳຮອງຂໍ້ມູນ: ເລືອກລວມ ຫຼື ຕັດເນື້ອຫາບາງປະເພດອອກຈາກການຍ້າຍ ຫຼື ສຳຮອງຂໍ້ມູນ
- ຮອງຮັບ PHP 5.3-8.4: ໃຊ້ງານໄດ້ໃນທຸກສະພາບແວດລ້ອມໂຮສຕິງ
- ຮູບແບບ WPress ພິເສດ: ຮູບແບບການບີບອັດໄຟລ໌ທີ່ປັບແຕ່ງມາເພື່ອຄວາມສົມບູນຂອງຂໍ້ມູນ
- ລະບົບ Hook: API ສຳລັບການເຊື່ອມຕໍ່ ແລະ ປັບແຕ່ງການເຮັດວຽກ
- ຮອງຮັບ Command-Line: ຍ້າຍ ແລະ ສຳຮອງຂໍ້ມູນອັດຕະໂນມັດຜ່ານ WP-CLI
ສ່ວນເສີມແບບພຣີມຽມ:
ເພີ່ມປະສິດທິພາບການຍ້າຍ ແລະ ສຳຮອງຂໍ້ມູນຂອງທ່ານດ້ວຍ ສ່ວນເສີມແບບພຣີມຽມ ຂອງພວກເຮົາ:
- ຍ້າຍຂໍ້ມູນບໍ່ຈຳກັດຂະໜາດ: ຍ້າຍເວັບໄຊໄດ້ທຸກຂະໜາດໂດຍບໍ່ມີຂໍ້ຈຳກັດຂອງໄຟລ໌
- ການສຳຮອງຂໍ້ມູນ ແລະ ຍ້າຍຜ່ານ Cloud: ສຳຮອງຂໍ້ມູນ ແລະ ຍ້າຍໂດຍກົງໄປຫາ/ມາຈາກ Dropbox, Google Drive, OneDrive, ແລະ ອື່ນໆ
- ການຍ້າຍ Multisite: ຍ້າຍເຄືອຂ່າຍ WordPress multisite ທີ່ຊັບຊ້ອນ
- ການຕັ້ງເວລາສຳຮອງຂໍ້ມູນ: ສຳຮອງຂໍ້ມູນ WordPress ແບບອັດຕະໂນມັດຕາມເວລາທີ່ທ່ານກຳນົດ
- ການຕອງຖານຂໍ້ມູນ: ເລືອກຕັດບາງຕາຕະລາງ ຫຼື ຂໍ້ມູນທີ່ບໍ່ຕ້ອງການອອກຈາກການຍ້າຍ ຫຼື ສຳຮອງຂໍ້ມູນ
ຈຸດເດັ່ນຂອງຟີເຈີ:
- ປະຕິບັດຕາມມາດຕະຖານການເຂົ້າເຖິງ WCAG 2.1 AA
- ໜ້າຕ່າງການໃຊ້ງານຮອງຮັບມືຖື
- ເບິ່ງໄຟລ໌ WPRESS ແບບອອນລາຍ ຫຼື ແຍກໄຟລ໌ໃນເຄື່ອງ
- ການປ່ຽນແທນ URL ແລະ ເສັ້ນທາງ (path) ໂດຍອັດຕະໂນມັດໃນຊ່ວງການຍ້າຍ
- ການເຊື່ອມຕໍ່ກັບ WordPress Playground – ຍ້າຍລະຫວ່າງ SQLite ແລະ MySQL
- ອັບເດດເປັນປະຈຳທຸກໆສອງອາທິດ ເພື່ອໃຫ້ໝັ້ນໃຈວ່າປລັກອິນສຳຮອງຂໍ້ມູນ ແລະ ການຍ້າຍຂອງທ່ານຍັງສາມາດໃຊ້ງານໄດ້ດີ
- ຮອງຮັບຫຼາຍກວ່າ 50 ພາສາ
ໄດ້ຮັບຄວາມໄວ້ວາງໃຈຈາກລັດຖະບານ ແລະ ບໍລິສັດໃຫຍ່:
ລູກຄ້າລະດັບອົງກອນ, ໜ່ວຍງານລັດ, ແລະ ມະຫາວິທະຍາໄລຈຳນວນຫຼາຍ ໄວ້ວາງໃຈ All-in-One WP Migration. ຕົວຢ່າງເຊັ່ນ: Boeing, NASA, VW, IBM, Harvard University, Stanford University, Lego, P&G, Automattic.
ການຖືກເລືອກໃຊ້ຢ່າງກວ້າງຂວາງນີ້ສະແດງໃຫ້ເຫັນວ່າປລັກອິນຂອງພວກເຮົາມີຄວາມ ປອດໄພ, ໜ້າເຊື່ອຖື ແລະ ປັບຕົວໄດ້ດີ ສຳລັບທຸກຄວາມຕ້ອງການໃນການຍ້າຍເວັບໄຊ.
ຄວາມຖີ່ໃນການອັບເດດ:
ທີມງານຂອງພວກເຮົາມຸ່ງໝັ້ນທີ່ຈະເຮັດໃຫ້ປລັກອິນການຍ້າຍ ແລະ ສຳຮອງຂໍ້ມູນນີ້ທັນສະໄໝ ແລະ ປອດໄພຢູ່ສະເໝີ. ພວກເຮົາປ່ອຍອັບເດດທຸກໆສອງອາທິດ ຫຼື ຢ່າງໜ້ອຍເດືອນລະຄັ້ງ, ເພື່ອໃຫ້ໝັ້ນໃຈວ່າຂັ້ນຕອນການຍ້າຍ ແລະ ສຳຮອງຂໍ້ມູນຂອງທ່ານຍັງສາມາດໃຊ້ງານໄດ້ກັບ WordPress ເວີຊັນຫຼ້າສຸດ, ລວມທັງເວີຊັນ beta. ການທົດສອບຢ່າງຈິງຈັງ ແລະ ການແຈ້ງຂໍ້ມູນໃຫ້ທີມງານຫຼັກຂອງ WordPress ຊ່ວຍໃຫ້ພວກເຮົາແກ້ໄຂບັນຫາທີ່ອາດຈະເກີດຂຶ້ນໄດ້ລ່ວງໜ້າ.
ຄວາມເຂົ້າກັນໄດ້ ແລະ ການຊ່ວຍເຫຼືອ:
All-in-One WP Migration ໄດ້ຜ່ານການທົດສອບຢ່າງລະອຽດ ແລະ ຢືນຢັນແລ້ວວ່າສາມາດໃຊ້ງານຮ່ວມກັບປລັກອິນ ແລະ ທິດມ໌ WordPress ສ່ວນໃຫຍ່ໄດ້, ທ່ານຈຶ່ງສາມາດຍ້າຍ ແລະ ສຳຮອງຂໍ້ມູນໄດ້ໂດຍບໍ່ຕ້ອງກັງວົນເລື່ອງການຂັດແຍ້ງກັນ.
ນັ້ນໝາຍຄວາມວ່າທ່ານຈະບໍ່ພົບບັນຫາການເຮັດວຽກຮ່ວມກັນລະຫວ່າງປລັກອິນທີ່ອາດເຮັດໃຫ້ເວັບໄຊຊ້າລົງ ຫຼື ເພພັງໃນເວລາທີ່ຍ້າຍ.
All-in-One WP Migration ໄດ້ຮ່ວມມືກັບຜູ້ພັດທະນາທິດມ໌ ແລະ ປລັກອິນຫຼາຍລາຍເພື່ອຈັດສົ່ງຜະລິດຕະພັນຂອງພວກເຂົາຮ່ວມກັບພວກເຮົາໃນຮູບແບບຊຸດການຍ້າຍ ແລະ ສຳຮອງຂໍ້ມູນທີ່ຕິດຕັ້ງງ່າຍ.
ຜູ້ພັດທະນາເຫຼົ່ານີ້ໄວ້ວາງໃຈປລັກອິນຂອງພວກເຮົາໃນການຈັດສົ່ງສິນຄ້າ, ການຊ່ວຍເຫຼືອ, ການຍ້າຍ ແລະ ການສຳຮອງຂໍ້ມູນທີ່ມີປະສິດທິພາບໃຫ້ແກ່ລູກຄ້າ.
Cloud Storage ທີ່ຮອງຮັບ:
All-in-One WP Migration ຮອງຮັບການສຳຮອງຂໍ້ມູນ ແລະ ການຍ້າຍໄປຫາບໍລິການ cloud storage ຊັ້ນນຳທັງໝົດ.
ປລັກອິນນີ້ຖືກຕິດຕັ້ງມາພ້ອມແລ້ວໃນເວັບໄຊ Bitnami WordPress ທຸກແຫ່ງທີ່ໃຊ້ໃນ AWS, Google Compute Cloud, ແລະ Microsoft Azure – ພ້ອມສຳລັບການຍ້າຍ ແລະ ສຳຮອງຂໍ້ມູນໄດ້ທັນທີ.
ກໍລະນີສຶກສາ:
- ການຍ້າຍສຳລັບທຸລະກິດຂະໜາດນ້ອຍ: ຮ້ານຄ້າອອນລາຍຂະໜາດນ້ອຍແຫ່ງໜຶ່ງໄດ້ໃຊ້ All-in-One WP Migration ເພື່ອຍ້າຍໄປຫາລະບົບໂຮສຕິງທີ່ມີປະສິດທິພາບກວ່າ, ໂດຍມີການສຳຮອງຂໍ້ມູນທັງໝົດກ່ອນການຍ້າຍ ແລະ ສາມາດຍ້າຍໄດ້ສຳເລັດໂດຍທີ່ເວັບໄຊບໍ່ໄດ້ຢຸດເຮັດວຽກໃນຊ່ວງລະດູການຊື້ເຄື່ອງທີ່ຄຶກຄັກ.
- ການຍ້າຍໃນຂະແໜງການສຶກສາ: ມະຫາວິທະຍາໄລທີ່ມີຊື່ສຽງແຫ່ງໜຶ່ງໄດ້ໃຊ້ All-in-One WP Migration ເພື່ອຍ້າຍ ແລະ ລວມເວັບໄຊຂອງຫຼາຍພາກສ່ວນເຂົ້າໃນເຄືອຂ່າຍ WordPress ດຽວ, ໂດຍມີການສຳຮອງຂໍ້ມູນອັດຕະໂນມັດເພື່ອຮັບປະກັນວ່າບໍ່ມີຂໍ້ມູນສູນຫາຍໃນຊ່ວງການຍ້າຍ.
- ການຍ້າຍຂອງອົງກອນລັດ: ຕາມຄຳສັ່ງໃນການປັບປຸງການເຂົ້າເຖິງຂໍ້ມູນດິຈິຕອນ, ອົງກອນລັດຖະບານແຫ່ງໜຶ່ງໄດ້ໃຊ້ປລັກອິນຂອງພວກເຮົາເພື່ອຍ້າຍເນື້ອຫາໄປຫາແພລັດຟອມໃໝ່ ໂດຍບໍ່ກະທົບຕໍ່ການເຂົ້າເຖິງຂໍ້ມູນສຳຄັນຂອງປະຊາຊົນ.
ຕິດຕໍ່ພວກເຮົາ
- ລາຍງານຊ່ອງໂຫວ່ດ້ານຄວາມປອດໄພ
- ຮັບການຊ່ວຍເຫຼືອຟຣີຈາກພວກເຮົາໄດ້ທີ່ນີ້
- ລາຍງານຂໍ້ຜິດພາດ ຫຼື ຮ້ອງຂໍຟີເຈີໃໝ່
- ຄົ້ນຫາຂໍ້ມູນເພີ່ມເຕີມກ່ຽວກັບພວກເຮົາ
ນະໂຍບາຍຄວາມເປັນສ່ວນຕົວ
All-in-One WP Migration ຖືກອອກແບບມາເພື່ອເຄົາລົບ ແລະ ປົກປ້ອງຂໍ້ມູນສ່ວນຕົວຂອງຜູ້ໃຊ້. ພວກເຮົາຈະຂໍຄວາມຍິນຍອມໃນການເກັບກຳອີເມລຂອງທ່ານເມື່ອທ່ານຕື່ມແບບຟອມຕິດຕໍ່.
All-in-One WP Migration ປະຕິບັດຕາມກົດລະບຽບການຄຸ້ມຄອງຂໍ້ມູນສ່ວນບຸກຄົນ (GDPR) ຢ່າງຄົບຖ້ວນ.
ເບິ່ງ ນະໂຍບາຍຄວາມເປັນສ່ວນຕົວຕາມມາດຕະຖານ GDPR ໄດ້ທີ່ນີ້.
ພາບໜ້າຈໍ
ໜ້າສົ່ງອອກສຳລັບມືຖື 
ໜ້ານຳເຂົ້າສຳລັບມືຖື 
ເມນູປລັກອິນ 
ການຕິດຕັ້ງ
- All-in-One WP Migration ສາມາດຕິດຕັ້ງໄດ້ໂດຍກົງຜ່ານໜ້າ Plugins dashboard ຂອງ WordPress.
- ຄລິກ “Add New” (ເພີ່ມໃໝ່) ແລະ ຄົ້ນຫາ “All-in-One WP Migration”
- ຕິດຕັ້ງ ແລະ ເປີດໃຊ້ງານ
ນອກຈາກນັ້ນ, ທ່ານສາມາດດາວໂຫຼດປລັກອິນໂດຍໃຊ້ປຸ່ມດາວໂຫຼດໃນໜ້ານີ້ ແລ້ວອັບໂຫຼດໂຟນເດີ all-in-one-wp-migration ໄປທີ່ directory /wp-content/plugins/ ຈາກນັ້ນເປີດໃຊ້ງານຜ່ານໜ້າ Plugins ໃນ WordPress
ຄຳຖາມທີ່ພົບເລື້ອຍ
-
ຂ້ອຍຈະຍ້າຍເວັບໄຊ WordPress ໄປຫາ host ໃໝ່ໄດ້ແນວໃດ?
-
ຕິດຕັ້ງ All-in-One WP Migration ໃນເວັບໄຊປັດຈຸບັນ ແລະ ຄລິກ ສົ່ງອອກ (Export). ປລັກອິນຈະສ້າງໄຟລ໌
.wpressທີ່ລວມທຸກຢ່າງຂອງເວັບໄຊ. ຈາກນັ້ນ, ຕິດຕັ້ງ WordPress ໃໝ່ໃນ host ໃໝ່, ຕິດຕັ້ງປລັກອິນນີ້ຄືກັນ, ແລະ ໃຊ້ເມນູ ນຳເຂົ້າ (Import) ເພື່ອອັບໂຫຼດໄຟລ໌.wpress. ປລັກອິນຈະຍ້າຍທຸກຢ່າງໃຫ້ໂດຍອັດຕະໂນມັດ, ລວມທັງການອັບເດດ URL ແລະ ຈັດການຂໍ້ມູນ serialized ຢ່າງປອດໄພ. ທ່ານສາມາດຍ້າຍລະຫວ່າງຜູ້ໃຫ້ບໍລິການໃດກໍໄດ້.ກ່ອນທີ່ຈະຍ້າຍເວັບໄຊ, ພວກເຮົາແນະນຳໃຫ້ຫຼຸດຄ່າ DNS TTL ລົງເຫຼືອ 300 ວິນາທີ ຢ່າງໜ້ອຍ 48 ຊົ່ວໂມງລ່ວງໜ້າ, ແລະ ເປີດໃຊ້ host ເກົ່າໄວ້ປະມານ 7–14 ວັນ ເພື່ອຄວາມປອດໄພໃນກໍລະນີທີ່ຕ້ອງກັບໄປໃຊ້ຂໍ້ມູນເດີມ.
-
ຂ້ອຍຈະສຳຮອງຂໍ້ມູນ ແລະ ຄືນຄ່າເວັບໄຊ WordPress ຂອງຂ້ອຍໄດ້ແນວໃດ?
-
ວິທີສ້າງໄຟລ໌ສຳຮອງ: ໄປທີ່ All-in-One WP Migration > ສົ່ງອອກ (Export) ແລະ ເລືອກບ່ອນເກັບຂໍ້ມູນ – ດາວໂຫຼດລົງເຄື່ອງ ຫຼື ເກັບໄວ້ເທິງ cloud. ປລັກອິນຈະສ້າງໄຟລ໌ສຳຮອງທັງໝົດຂອງເວັບໄຊເປັນໄຟລ໌
.wpressດຽວ. ວິທີຄືນຄ່າ: ໄປທີ່ All-in-One WP Migration > ນຳເຂົ້າ (Import) ແລະ ອັບໂຫຼດ ຫຼື ເລືອກໄຟລ໌.wpress. ປລັກອິນຈະຄືນຄ່າຖານຂໍ້ມູນ, ທິດມ໌, ປລັກອິນ, ແລະ ມີເດຍໃຫ້ໂດຍອັດຕະໂນມັດ. ຫຼັງຈາກຄືນຄ່າແລ້ວ, ໃຫ້ລຶບ cache ທັງໝົດ ແລະ ກົດບັນທຶກ Permalinks ຄືນໃໝ່ຢູ່ທີ່ ການຕັ້ງຄ່າ (Settings) > ເພີມາລິງ (Permalinks).ເພື່ອຜົນລັບທີ່ດີທີ່ສຸດ, ໃຫ້ໃຊ້ກົນລະຍຸດການສຳຮອງຂໍ້ມູນແບບປະສົມ: ໃຊ້ cloud storage ສຳລັບການສຳຮອງຂໍ້ມູນອັດຕະໂນມັດລາຍວັນ ແລະ ເກັບໄວ້ໃນເຄື່ອງສຳລັບການກູ້ຄືນທີ່ໄວ. ປະຕິບັດຕາມກົດ 3-2-1 – ເກັບຂໍ້ມູນໄວ້ 3 ຊຸດ ໃນບ່ອນເກັບຂໍ້ມູນ 2 ປະເພດທີ່ແຕກຕ່າງກັນ ແລະ ມີ 1 ຊຸດທີ່ເກັບໄວ້ຂ້າງນອກ (off-site).
-
ຂ້ອຍສາມາດຍ້າຍເຄືອຂ່າຍ WordPress multisite ໄດ້ບໍ່?
-
ແມ່ນແລ້ວ, Multisite Extension ຊ່ວຍໃຫ້ທ່ານຍ້າຍເຄືອຂ່າຍ WordPress multisite ທັງໝົດເປັນໄຟລ໌
.wpressດຽວ. ທ່ານຍັງສາມາດແຍກຍ້າຍສະເພາະບາງເວັບໄຊຍ່ອຍ (subsite) ໄດ້ – ເມື່ອຍ້າຍເວັບໄຊຍ່ອຍ, ປລັກອິນຈະປ່ຽນ table prefixes ແລະ ຈັດຮຽງເສັ້ນທາງໄຟລ໌ມີເດຍໃຫ້ໂດຍອັດຕະໂນມັດ. ການຍ້າຍ Multisite ຕ້ອງການການຈັດການພິເສດເນື່ອງຈາກມີການໃຊ້ຖານຂໍ້ມູນຮ່ວມກັນ. ພວກເຮົາແນະນຳໃຫ້ມີ PHP memory ຢ່າງໜ້ອຍ 512 MB ສຳລັບການຍ້າຍ multisite ຂະໜາດໃຫຍ່. -
ຈະເຮັດແນວໃດຖ້າໄຟລ໌ສຳຮອງຂອງຂ້ອຍໃຫຍ່ເກີນຂີດຈຳກັດການອັບໂຫຼດ?
-
ຫາກ server ຂອງທ່ານປະຕິເສດໄຟລ໌ສຳຮອງເນື່ອງຈາກມີຂະໜາດໃຫຍ່ເກີນໄປໃນຂະນະທີ່ນຳເຂົ້າ, ທ່ານມີຫຼາຍທາງເລືອກ. ທ່ານສາມາດເພີ່ມຂີດຈຳກັດການອັບໂຫຼດຂອງ PHP ໂດຍການເພີ່ມ
php_value upload_max_filesize 512Mແລະphp_value post_max_size 512Mລົງໃນໄຟລ໌.htaccess, ຫຼື ຕັ້ງຄ່າclient_max_body_size 512mສຳລັບ Nginx server. ສຳລັບເວັບໄຊທີ່ຕ້ອງການອັບໂຫຼດແບບບໍ່ຈຳກັດຂະໜາດ, Unlimited Extension ຈະຊ່ວຍປົດລັອກທຸກຂໍ້ຈຳກັດຂະໜາດໄຟລ໌ທີ່ host ຕັ້ງໄວ້. -
ຂ້ອຍຈະຍ້າຍຮ້ານຄ້າ WooCommerce ແນວໃດ?
-
ທ່ານສາມາດຍ້າຍຮ້ານຄ້າ WooCommerce ໄດ້ຄືກັນກັບການຍ້າຍເວັບໄຊ WordPress ທົ່ວໄປ – ໂດຍການສົ່ງອອກຈາກ host ເກົ່າ ແລະ ນຳເຂົ້າໃນ host ໃໝ່. ເຖິງຢ່າງໃດກໍຕາມ, ຫຼັງຈາກຍ້າຍຮ້ານຄ້າ WooCommerce ແລ້ວ, ທ່ານຄວນກວດສອບ API keys ຂອງຊ່ອງທາງການຊຳລະເງິນທັນທີ, ອັບເດດ URL ຂອງ webhook ໃຫ້ເປັນ domain ໃໝ່, ແລະ ທົດລອງສັ່ງຊື້ແທ້ເພື່ອຢືນຢັນວ່າລະບົບເຮັດວຽກໄດ້ປົກກະຕິ. ພວກເຮົາແນະນຳໃຫ້ເປີດໂໝດປິດປັບປຸງ (maintenance mode) ໃນ server ເກົ່າຫຼັງຈາກ DNS ອັບເດດແລ້ວ ເພື່ອປ້ອງກັນການສັ່ງຊື້ທີ່ຕົກຄ້າງໃນຊ່ວງປ່ຽນຜ່ານ. ເບິ່ງ ຄູ່ມືການຍ້າຍ WooCommerce ສໍາລັບຂັ້ນຕອນລະອຽດ.
-
ອັນດັບ SEO ຂອງຂ້ອຍຈະໄດ້ຮັບຜົນກະທົບບໍ່ເມື່ອຂ້ອຍຍ້າຍເວັບໄຊ?
-
ຖ້າທ່ານຍ້າຍໄປໃຊ້ domain ເດີມໃນ host ໃໝ່, ອັນດັບ SEO ຂອງທ່ານຈະບໍ່ມີການປ່ຽນແປງ ເພາະ All-in-One WP Migration ຈະຮັກສາເນື້ອຫາ, URL, ແລະ metadata ທຸກຢ່າງໄວ້ຄືເກົ່າ. ຖ້າທ່ານຍ້າຍໄປ domain ໃໝ່, ໃຫ້ຕັ້ງຄ່າ 301 redirects ເພື່ອເຊື່ອມໂຍງທຸກ URL ເກົ່າຫາ URL ໃໝ່ ແລະ ໃຊ້ເຄື່ອງມື “Change of Address” ໃນ Google Search Console. ການປ່ຽນແປງຂອງອັນດັບປະມານ 10–20% ໃນຊ່ວງ 1–2 ອາທິດທຳອິດຫຼັງການຍ້າຍ domain ແມ່ນເລື່ອງປົກກະຕິ. ຄວນເປີດໃຊ້ redirects ໄວ້ຢ່າງໜ້ອຍໜຶ່ງປີ. ເບິ່ງ ລາຍການກວດສອບ SEO ສໍາລັບການຍ້າຍເວັບໄຊ ເພື່ອຮັກສາອັນດັບຂອງທ່ານ.
-
ຂ້ອຍຈະແກ້ໄຂບັນຫາແນວໃດຫາກການຍ້າຍ ຫຼື ການນຳເຂົ້າຜິດພາດ?
-
ບັນຫາທີ່ພົບເລື້ອຍທີ່ສຸດຫຼັງຈາກການຍ້າຍເວັບໄຊ ແລະ ວິທີແກ້ໄຂ:
- ໜ້າຈໍຂາວ: ເປີດໃຊ້
WP_DEBUGໃນwp-config.phpເພື່ອເບິ່ງຂໍ້ຜິດພາດທີ່ແທ້ຈິງ. ກວດສອບຄວາມເຂົ້າກັນໄດ້ຂອງເວີຊັນ PHP ລະຫວ່າງ server ເກົ່າ ແລະ ໃໝ່. - ຂໍ້ຜິດພາດການເຊື່ອມຕໍ່ຖານຂໍ້ມູນ: ກວດສອບຄ່າ
DB_NAME,DB_USER,DB_PASSWORD, ແລະDB_HOSTໃນໄຟລ໌wp-config.phpວ່າກົງກັບການຕັ້ງຄ່າຂອງ server ໃໝ່ຫຼືບໍ່. - ຂໍ້ຜິດພາດ 404 ທຸກໜ້າ: ໃຫ້ກົດບັນທຶກ permalinks ຄືນໃໝ່ຢູ່ທີ່ ການຕັ້ງຄ່າ (Settings) > ເພີມາລິງ (Permalinks) ເພື່ອສ້າງ rewrite rules ໃໝ່.
- ຮູບພາບບໍ່ສະແດງ: ກວດສອບວ່າໂຟນເດີ
wp-content/uploads/ໄດ້ຖືກຍ້າຍມາຄົບຖ້ວນ ແລະ ຕັ້ງຄ່າ permissions ຖືກຕ້ອງ (755 ສຳລັບໂຟນເດີ, 644 ສຳລັບໄຟລ໌). - ການນຳເຂົ້າຄ້າງ: ເພີ່ມຄ່າ PHP
max_execution_timeແລະmemory_limit, ຫຼື ໃຊ້ WP-CLI ເພື່ອຍ້າຍຜ່ານ command line:wp ai1wm restore backup.wpress.
ສຳລັບລາຍການຄຳແນະນຳການແກ້ໄຂບັນຫາການຍ້າຍເວັບໄຊທັງໝົດ, ກະລຸນາເບິ່ງໄດ້ທີ່ ຄູ່ມືການແກ້ໄຂບັນຫາການຍ້າຍເວັບໄຊ ຂອງພວກເຮົາ.
- ໜ້າຈໍຂາວ: ເປີດໃຊ້
-
ຂ້ອຍສາມາດຍ້າຍລະຫວ່າງຖານຂໍ້ມູນທີ່ຕ່າງປະເພດກັນໄດ້ບໍ່?
-
ແມ່ນແລ້ວ, All-in-One WP Migration ຮອງຮັບການຍ້າຍຖານຂໍ້ມູນຂ້າມລະບົບລະຫວ່າງ MySQL, MariaDB, ແລະ SQLite. ນີ້ມີປະໂຫຍດຫຼາຍໃນເວລາທີ່ທ່ານຍ້າຍເວັບໄຊໄປ ຫຼື ມາຈາກ WordPress Playground ທີ່ໃຊ້ SQLite. ປລັກອິນຈະຈັດການຄວາມແຕກຕ່າງຂອງ database schema ໃຫ້ໂດຍອັດຕະໂນມັດ – ທ່ານພຽງແຕ່ສົ່ງອອກ (export) ຈາກບ່ອນໜຶ່ງ ແລະ ນຳເຂົ້າ (import) ໄປອີກບ່ອນໜຶ່ງ.
-
ຂ້ອຍສາມາດຕັ້ງຄ່າການສຳຮອງຂໍ້ມູນ ແລະ ການຍ້າຍເວັບໄຊແບບອັດຕະໂນມັດດ້ວຍ WP-CLI ໄດ້ບໍ່?
-
ແມ່ນແລ້ວ, All-in-One WP Migration ຮອງຮັບ WP-CLI ຢ່າງເຕັມຮູບແບບສຳລັບການເຮັດວຽກອັດຕະໂນມັດຜ່ານ command-line. ໃຊ້ຄຳສັ່ງ
wp ai1wm backupເພື່ອສ້າງໄຟລ໌ສຳຮອງ ແລະwp ai1wm restore backup.wpressເພື່ອຄືນຄ່າ ຫຼື ຍ້າຍເວັບໄຊຈາກໄຟລ໌ສຳຮອງ. ນີ້ແມ່ນທາງເລືອກທີ່ເໝາະສົມສຳລັບນັກພັດທະນາທີ່ຕ້ອງການຍ້າຍເວັບໄຊໃນລະບົບອັດຕະໂນມັດ, CI/CD pipelines, ຫຼື ສະຄຣິບຕັ້ງເວລາສຳຮອງຂໍ້ມູນ. ເມື່ອໃຊ້ຮ່ວມກັບ cron jobs, WP-CLI ຈະຊ່ວຍໃຫ້ທ່ານຈັດການກົນລະຍຸດການສຳຮອງຂໍ້ມູນທັງໝົດໄດ້ໂດຍບໍ່ຕ້ອງເຂົ້າໄປໜ້າ dashboard ຂອງ WordPress.
ການຣີວິວ
ຜູ້ຮ່ວມພັດທະນາ ແລະ ຜູ້ພັດທະນາ
“All-in-One WP Migration and Backup” ແມ່ນຊອຟແວໂອເພັນຊອດ (Open Source). ບຸກຄົນຕໍ່ໄປນີ້ໄດ້ມີສ່ວນຮ່ວມໃນການພັດທະນາປລັກອິນນີ້.
ຜູ້ຮ່ວມພັດທະນາ
“All-in-One WP Migration and Backup” ໄດ້ຖືກແປເປັນ 59 ພາສາທ້ອງຖິ່ນ. ຂໍຂອບໃຈ ທີມງານຜູ້ແປ ສຳລັບການປະກອບສ່ວນຂອງເຂົາເຈົ້າ.
ແປ “All-in-One WP Migration and Backup” ເປັນພາສາຂອງເຈົ້າ.
ສົນໃຈຮ່ວມພັດທະນາບໍ່?
ເບິ່ງລະຫັດ, ກວດເບິ່ງ ຄັງເກັບ SVN, ຫຼື ຕິດຕາມ ບັນທຶກການພັດທະນາ ຜ່ານ RSS.
ບັນທຶກການປ່ຽນແປງ
7.105
ແກ້ໄຂ
- PHP 8.5 “Cannot use bool as array” fatal error in export pipeline when reading past end-of-file
- Database column name replacement incorrectly matching column type keywords (e.g., UUID) in database tables
7.104
ເພີ່ມ
- ເພີ່ມການກວດສອບຄວາມສົມບູນ CRC32 checksum ສຳລັບໄຟລ໌ .wpress
ແກ້ໄຂ
- ແກ້ໄຂບັນຫາ infinite loop ໃນລະບົບບີບອັດຂໍ້ມູນເມື່ອເກີດ timeout ທີ່ຕຳແໜ່ງສິ້ນສຸດໄຟລ໌ພໍດີ
ປັບປຸງ
- ບັງຄັບໃຊ້ເວີຊັນຂັ້ນຕ່ຳທີ່ຕ້ອງການສຳລັບສ່ວນເສີມ
- ຮອງຮັບ WordPress 7.0
7.103
ເພີ່ມ
- ເພີ່ມ database driver ສະເພາະສຳລັບ MariaDB ທີ່ຮອງຮັບ column types ໃໝ່ໆ
- ປັບປຸງເຄື່ອງມືກວດສອບເວີຊັນຂອງ server ຖານຂໍ້ມູນ
ແກ້ໄຂ
- ແກ້ໄຂຊ່ອງໂຫວ່ Path traversal ໃນ download_file()
- ກວດສອບຄວາມປອດໄພ Path traversal ເມື່ອແຍກໄຟລ໌
- ຕັ້ງຄ່າເສັ້ນທາງໄຟລ໌ສຳຮອງໃຫ້ກັບເປັນຄ່າເລີ່ມຕົ້ນໂດຍອັດຕະໂນມັດຫຼັງການຍ້າຍ server
ປັບປຸງ
- ປັບປຸງໂຄງສ້າງການສົ່ງອອກ ແລະ ນຳເຂົ້າຖານຂໍ້ມູນເພື່ອໃຫ້ເຮັດວຽກໄດ້ດີຂຶ້ນ
- ຂະຫຍາຍການຮອງຮັບການປັບຫຼຸດ collation (downgrade)
- ຈັດການຄຸນສົມບັດສະເພາະຂອງຕາຕະລາງ MariaDB ຢ່າງຖືກຕ້ອງ
- ປ່ຽນລະບົບ MariaDB storage engines ຕ່າງໆ ໃຫ້ເປັນ InnoDB ເມື່ອນຳເຂົ້າ
- ປ່ຽນປຸ່ມແຊຣ໌ໂຊຊຽວເປັນລິ້ງສະແຕຕິກທີ່ເບົາບາງ (ເອົາ JavaScript ຈາກບຸກຄົນທີສາມອອກ)
- ໃຊ້ລະບົບ cache ສຳລັບການເອີ້ນຂໍ້ມູນ database server ເພື່ອເພີ່ມປະສິດທິພາບ
- ປ່ຽນໃຫ້ functions.php ໂຫຼດກ່ອນ constants.php ເພື່ອລຳດັບການເຮັດວຽກທີ່ຖືກຕ້ອງ
7.102
ເພີ່ມ
- ເພີ່ມຕົວເລືອກລຶບຂໍ້ມູນໃນໂຟນເດີເກັບຂໍ້ມູນໃນໜ້າສຳຮອງຂໍ້ມູນ
- ກວດສອບຄວາມສົມບູນຂອງໄຟລ໌ກ່ອນສະແດງລາຍຊື່ອອກມາ
- ກວດສອບເວີຊັນຂັ້ນຕ່ຳທີ່ຕ້ອງການ
ແກ້ໄຂ
- ຈັດການ offset ໃນລະບົບບັນທຶກໄຟລ໌ໃຫ້ຖືກຕ້ອງ
- ປັບປຸງການເຮັດວຽກຂອງລະບົບແຍກໄຟລ໌
- ເພີ່ມຟັງຊັນ esc_html() ເພື່ອຄວາມປອດໄພ
- ປິດໃຊ້ງານ FDP must-use plugin ເພື່ອປ້ອງກັນບັນຫາໃນການນຳເຂົ້າ
ປັບປຸງ
- ປັບປຸງ CSS ໃຫ້ກົງກັບໜ້າຕັ້ງເວລາ
- ຮອງຮັບ WordPress 6.9
7.101
ແກ້ໄຂ
- ຈັດການຂະໜາດໄຟລ໌ ແລະ ເວລາແກ້ໄຂໃຫ້ຮອງຮັບ PHP strict mode
- ປັບປຸງການຕັດ post revisions ອອກໃຫ້ລວມເຖິງ postmeta ທີ່ກ່ຽວຂ້ອງນຳ
ປັບປຸງ
- ອັບເກຣດເປັນ Vue 3 ເພື່ອເພີ່ມປະສິດທິພາບ ແລະ ຫຼຸດຂະໜາດໄຟລ໌
7.100
ປັບປຸງ
- ອັບເດດ PHP ແລະ JavaScript dependencies ເປັນເວີຊັນຫຼ້າສຸດ
7.99
ເພີ່ມ
- ຮອງຮັບການບີບອັດ Gzip ສຳລັບການຈັດການໄຟລ໌ສຳຮອງ
ແກ້ໄຂ
- ປ່ຽນການໃຊ້ bind() ມາເປັນ on() ໃນ jQuery
- ເພີ່ມຄວາມປອດໄພໃນການອັບໂຫຼດໄຟລ໌
ປັບປຸງ
- ປ່ຽນການເຮັດວຽກຂອງ stream ມາເປັນ ai1wm_write() ເພື່ອຄວາມໜ້າເຊື່ອຖື
- ອັບເດດ JavaScript dependencies
7.98
ເພີ່ມ
- ເພີ່ມ WP_IMPORTING constant ເພື່ອໃຫ້ຮອງຮັບ host ຕ່າງໆໄດ້ດີຂຶ້ນ
ແກ້ໄຂ
- ຊ່ອງໂຫວ່ແບບ Stored Cross-Site Scripting ໃນການອັບໂຫຼດໄຟລ໌ (CVE-2025-8490). ຂໍຂອບໃຈ WordFence ແລະ Jack Pas ທີ່ລາຍງານບັນຫານີ້. ສິ່ງທີ່ທ່ານຄວນຮູ້.
- ຈັດການຂໍ້ຜິດພາດໃນການອັບໂຫຼດໄຟລ໌ໃຫ້ດີຂຶ້ນ
ປັບປຸງ
- ແກ້ໄຂບັນຫາການຮອງຮັບ PHP 8 ໃນລະບົບຈັດການຖານຂໍ້ມູນ MySQLi
- ປັບປຸງລະບົບອັບໂຫຼດໄຟລ໌ເພື່ອຄວາມປອດໄພ
7.97
ເພີ່ມ
- ຮອງຮັບ SQLite ໃນການກວດສອບ AUTO_INCREMENT
ແກ້ໄຂ
- ປັບປຸງການປ່ຽນແທນຄ່າໃນຖານຂໍ້ມູນສຳລັບ serialized values
7.96
ເພີ່ມ
- ແຈ້ງເຕືອນເມື່ອບໍ່ພົບ AUTO_INCREMENT ໃນຕາຕະລາງ wp_options
7.95
ເພີ່ມ
- ເພີ່ມ action hook ໃໝ່ ai1wm_status_export_init ສຳລັບນັກພັດທະນາ
ແກ້ໄຂ
- ແກ້ໄຂການສະແດງເປີເຊັນການສົ່ງອອກທິດມ໌ທີ່ບໍ່ຖືກຕ້ອງ
- ປັບປຸງການເຮັດວຽກຂອງສະຄຣິບ Uninstall.php
- ຈັດລຳດັບປຸ່ມສົ່ງອອກ ແລະ ນຳເຂົ້າ
- ແກ້ໄຂການສະແດງຜົນຄວາມສູງຂອງ Dropdown
7.94
ເພີ່ມ
- ລ້າງ cache ຂອງ Elementor ເມື່ອນຳເຂົ້າຂໍ້ມູນ
7.93
ແກ້ໄຂ
- ແກ້ໄຂບັນຫາການໃຊ້ງານກັບ PHP 7 ແລະ PHP 5
7.92
ປັບປຸງ
- ຜ່ານການກວດສອບມາດຕະຖານ Plugin Check Plugin (PCP)
- ການສ້າງຊື່ໄຟລ໌ສຳຮອງ
7.91
ເພີ່ມ
- ຮອງຮັບ CiviCRM ສຳລັບ WordPress
7.90
ເພີ່ມ
- ເພີ່ມຄ່າ constant ເພື່ອປິດ MySQL late row lookups ເພື່ອເພີ່ມຄວາມໄວ
ປັບປຸງ
- ປັບປຸງການເຮັດວຽກຮ່ວມກັບ SQLite ໃຫ້ມີສະຖຽນລະພາບຂຶ້ນ
- ເພີ່ມຄວາມແຂງແກ່ນໃຫ້ລະບົບການປ່ຽນແທນຂໍ້ມູນເພື່ອປ້ອງກັນຊ່ອງໂຫວ່ PHP Object Injection
- ຮັກສາຄ່າ wp_rocket_settings ໄວ້ໃນຊ່ວງການສົ່ງອອກ
ແກ້ໄຂ
- ແກ້ໄຂຄຳເຕືອນ deprecation ໃນ PHP 8.4
7.89
ປັບປຸງ
- ອັບເກຣດເປັນ Node.js 22
- ອັບເດດ dependencies ທັງໝົດຂອງປລັກອິນ
7.88
ແກ້ໄຂ
- ແກ້ໄຂບັນຫາການອັບໂຫຼດຄ້າງຢູ່ທີ່ 100%
- ແກ້ໄຂບັນຫາທີ່ບໍ່ສາມາດກົດຍົກເລີກການອັບໂຫຼດໄດ້ກ່ອນທີ່ຈະສຳເລັດ
ປັບປຸງ
- ປັບປຸງຂໍ້ຄວາມແຈ້ງເຕືອນຜູ້ໃຊ້ໃຫ້ເຂົ້າໃຈງ່າຍ ແລະ ຊັດເຈນຂຶ້ນ
7.87
ແກ້ໄຂ
- ແກ້ໄຂຊ່ອງໂຫວ່ທີ່ບັນທຶກຂໍ້ຜິດພາດ (error logs) ສາມາດເຂົ້າເຖິງໄດ້ແບບສາທາລະນະດ້ວຍຊື່ທີ່ຄາດເດົາໄດ້ ໂດຍການເພີ່ມຂໍ້ຄວາມສຸ່ມຕໍ່ທ້າຍຊື່ໄຟລ໌ບັນທຶກຂໍ້ຜິດພາດ ເພື່ອເຮັດໃຫ້ບໍ່ສາມາດຄາດເດົາໄດ້. ຕອນນີ້ບັນທຶກຂໍ້ຜິດພາດຈະຖືກລຶບໂດຍອັດຕະໂນມັດທຸກໆມື້ ແລະ ໃນລະຫວ່າງການອັບເດດປລັກອິນ. ຂໍຂອບໃຈເປັນພິເສດມາຍັງ villu164 ທີ່ໄດ້ເປີດເຜີຍບັນຫານີ້ຢ່າງມີຄວາມຮັບຜິດຊອບ.
- ແກ້ໄຂຊ່ອງໂຫວ່ທີ່ຜູ້ໃຊ້ລະດັບຜູ້ດູແລລະບົບສາມາດແຊກລະຫັດ PHP ຜ່ານຊ່ອງປ້ອນຂໍ້ມູນສະເພາະ. ຊ່ອງໂຫວ່ນີ້ຕ້ອງໃຊ້ສິດລະດັບຜູ້ດູແລລະບົບໃນການໂຈມຕີ, ເພື່ອໃຫ້ແນ່ໃຈວ່າຜູ້ໃຊ້ທີ່ບໍ່ໄດ້ຮັບອະນຸຍາດບໍ່ສາມາດເຮັດສິ່ງນີ້ໄດ້. ຂໍຂອບໃຈເປັນພິເສດມາຍັງ Ryan Kozak ທີ່ໄດ້ເປີດເຜີຍບັນຫານີ້ຢ່າງມີຄວາມຮັບຜິດຊອບ.
7.86
ແກ້ໄຂ
- ແກ້ໄຂບັນຫາການຄືນຄ່າຜ່ານ WP-CLI ໃນ PHP 8.4
7.85
ເພີ່ມ
- ຮອງຮັບ PHP 8.4
7.84
ເພີ່ມ
- ເພີ່ມ hooks ໃໝ່ໃນຊ່ວງການສົ່ງອອກ ແລະ ນຳເຂົ້າ
7.83
ແກ້ໄຂ
- ແກ້ໄຂບັນຫາການດາວໂຫຼດໄຟລ໌ສຳຮອງໃນ WordPress Playground
7.82
ເພີ່ມ
- ຮອງຮັບ SQLite
- ຮອງຮັບ WordPress Playground
7.81
ເພີ່ມ
- ໜ້າ Reset Hub: ເພີ່ມເຄື່ອງມືໃນການລ້າງຂໍ້ມູນເວັບໄຊເພື່ອການທົດສອບ ແລະ ພັດທະນາທີ່ສະດວກຂຶ້ນ
ປັບປຸງ
- ຮອງຮັບ W3TC ໄດ້ດີຂຶ້ນ
- ການກວດສອບຄວາມເຂົ້າກັນໄດ້ຂອງ PHP: ສະແດງຄຳເຕືອນເມື່ອທ່ານຍ້າຍເວັບໄຊໄປຫາ PHP ເວີຊັນທີ່ຕ່າງກັນ
7.80
ເພີ່ມ
- ຮອງຮັບປລັກອິນ update-services
- ປ່ຽນຈຸດໃນຊື່ domain ເປັນຂີດ (-) ໃນຊື່ໄຟລ໌ສຳຮອງ
ປັບປຸງ
- ປັບປຸງການຍ້າຍລະຫວ່າງ Multisite ແລະ ເວັບໄຊທົ່ວໄປ (Standalone)
7.79
ເພີ່ມ
- ຮອງຮັບ WordPress 6.4
7.78
ເພີ່ມ
- ເພີ່ມໜ້າຕັ້ງເວລາ (Schedules) ໃໝ່
7.77
ເພີ່ມ
- ຜ່ານການທົດສອບກັບ WordPress 6.3
7.76
ແກ້ໄຂ
- ເອົາປ້າຍ [beta] ອອກຈາກການຕັ້ງຄ່າຂັ້ນສູງ