Lyublyana

Lyublyana — Sloveniyanıń paytaxtı. Lyublyanitse dáryası boyında, onıń Sava dáryasına quyılıwı jaqınında jaylasqan. Xalqı 270,5 mıń adam (2000). Transport jolları túyini. Aeroporti xalqara áhmiyetke iye. Mashinasazlıq hám metallsazlıq (iri gidrokuwırlar zavodı, elektrotexnika buyımları, priborlar i.sh.) sanaatları rawajlanǵan. Ximiya, poligrafiya, farmatsevtika, kán-ayaq kiyim, aǵashsazlıq, toqımashılıq, azıq-awqat sanaatı kárxonaları bar. Sloveniya pán hám kórkem óner akademiyası, úniversitet (1595), filarmoniya (1702), yadro izertlew inti hám b. ilmiy izertlew mekemeleri, milliy, etnografiya muzeylerı, kitapxanalar, milliy hám zamanagóy galereyalar bar. Turizm rawajlanǵan. Xalqara yarmarkalar ótkiziledi. L. slavyanlar awılı spatında 1144-jıldan belgili bolǵan. 13-a.diń 2-yarımınan qala, Krayna tariyxiy wálayatınıń administrativ orayı. . 1335—1918-jıllarda (waqıtı menen) gabsburglar húkimranlıgı astında bolǵan. 1918-jılda Serb, xorvat hám slovenlar patshalıǵı (1929-jıldan Yugoslaviya) payda bolıwı menen L. — Sloveniya, 1992-jıldan gárezsiz Sloveniya Respublikası paytaxtı. Arxitekturalıq esteliklerden Grad qasiri (9—19-a.ler), yepiskop sarayı (16—18-a.ler), shirkewler, San-Nikolay soborı (18—19-a.ler), ratusha, opera teatrı imáratı hám b. saqlanǵan.