Lissabon

Lissabon

Lisboa (portúgalska)
Lissabon Lisboa (portúgalska)
Höfuðborg
	Svipmyndir
	Fáni Skjaldarmerki ; Lissabon Staðsetning í Portúgal
	Hnit: 38°42′28.951″N 9°8′20.458″V / 38.70804194°N 9.13901611°V
Land	Portúgal
Stjórnarfar
• Borgarstjóri	Carlos Moedas
Flatarmál
• Samtals	100,05 km2
Mannfjöldi (2024)
• Samtals	575.739
Tímabelti	UTC+00:00 (WET)
• Sumartími	UTC+01:00 (WEST)
Póstnúmer	1149-014 Lisboa
Svæðisnúmer	(+351) 21 XXX XXXX
Vefsíða	www.lisboa.pt

Lissabon (portúgalska: Lisboa) er höfuðborg og stærsta borg Portúgals. Íbúar eru um 576.000 en á stórborgarsvæðinu búa rúmlega 3 milljónir (2024).^[1] Borgin er staðsett í vesturhluta Portúgals, við Atlantshafið og þar sem áin Tagus (Tejo) rennur í haf. Hún er vestasta höfuðborg á meginlandi Evrópu. Borgarmörk Lissabon eru þröngt skilgreind utan um sögufræga hluta borgarinnar. Allmargar borgir eru í kringum Lissabon, t.d. Loures, Odivelas, Amadora og Oeiras og eru þær á stórborgarsvæði Lissabon.

Lissabon er ein elsta borg Evrópu og nær sögufrægi hluti borgarinnar yfir sjö mjög brattar hæðir. Borgin var miðstöð landkönnuða sem sigldu til Asíu og Ameríku á 15. til 17. öld, Vasco da Gama var þekktastur. Árið 1755 varð stór jarðskjálfti í borginni sem eyðilagði hana að stórum hluta og létust tugþúsundir.

Vesturhluti borgarinnar samanstendur af einum stærsta náttúrugarði í þéttbýli í Evrópu, Monsanto-garðinum, sem er nálægt 10 ferkílómetrar að flatarmáli.

Orðsifjar „Lissabon“ eru nokkru myrkri sveipaðar en algengasta ágiskunin er að hún hafi í öndverðunni merk borg Úlissíusar þar sem Úlissíus er talin hafa stofnsett borgina og -ippo merkti borg á fönikísku og því hafa þróast Uliss-ippo > Ulisipona. Nafnið gæti einnig hafa komið frá keltneskum ættbálkum.