ISO 3166

ISO 3166 nya standard dikeluarka Gerempung Antarabansa ungkup Standardisasyen (ISO) ti nukuka kod ungkup nama menua, kandang menua bepanggai, kandang endur spesyel ti dikerinduka geografi, enggau subbagi prinsipal iya (cth., provinsi tauka negeri). Nama rasmi ungkup standard tu iya nya Kod ungkup pengari nama-nama menua enggau bagi iya.

Bagi

Tu mungkur tiga bagi:

• ISO 3166-1, Kod ungkup pengari nama-nama menua enggau bagi iya – Bagi 1: Kod menua, meri definisyen kod ke nama menua, kandang menua bepanggai, enggau kandang endur spesyel ti dikerinduka dalam geografi. Iya meri definisyen ngagai tiga set kod menua:
  • ISO 3166-1 alpha-2 – kod menua dua urup ti pemadu mayuh dikena ari tiga iti nya, lalu dikena pemadu tampak ungkup domain tikas atas kod menua Internet (enggau sekeda pengelimpah).
  • ISO 3166-1 alpha-3 – kod menua tiga urup ti ngemendarka kaul visual ti manah agi entara kod enggau nama menua ari kod alpha-2.
  • ISO 3166-1 angka – kod menua tiga digit ti sebaka enggau ti dikemansang sereta dijaga Bagi Statistik Gerempung Bansa Beserakup, enggau pengelebih skrip (sistem betulis) bibas, lalu ketegal nya beguna ngagai orang tauka sistem ti ngena skrip ukai Latin.
• ISO 3166-2, Kod ungkup pengari nama-nama menua enggau bagi iya – Bagi 2: Kod bagi menua, meri definisyen kod ke nama bagi besai (e.g., kandang menua, negeri, opis, pelilih menua) semua menua ti dikod dalam ISO 3166-1.
• ISO 3166-3, Kod ungkup pengari nama-nama menua enggau bagi iya – Bagi 3: Kod ungkup nama menua ti kala dikena, meri definisyen kod ke nama menua ti udah dipadamka ari ISO 3166-1 kenyau ari keterubah iya dikeluarka dalam taun 1974.