Sarajevo

Sarajevo
—  Preeu-valley  —
Grad Sarajevo Град Сарајево Ard-valley Sarajevo
Brattagh Armys
Soiaghey Sarajevo (doo-ghorrym) ayns Bosnia as Herzegovina Soiaghey Sarajevo (doo-ghorrym) ayns Bosnia as Herzegovina
Co-ordnaidyn: 43°52′N 18°25′E
Çheer	Bosnia as Herzegovina
Unnid	Conastey Bosnia as Herzegovina
Cantoon	Cantoon Sarajevo
Baljaghtyn	4
Bunneeaght
- 1461	Date bunneeaght
Reiltys
- Meoir	Alija Behmen (SDP)
Eaghtyr
- Ard-valley	141.5 km² (54.6 mi ker)
- Baljagh	1,041.5 km² (402.1 mi ker)
Yrjid	518 m (1,699 tr)
Earroo yn phobble (2010)
- Ard-valley	310,605
- Glooaght	2,202.9/km² (5,705.5/mi ker)
- Baljagh	436,572
- Moirvaljagh	664,000
Cryss hraa	CET (UTC+1)
- Sourey (TTSL)	CEST (UTC+2)
Coad postagh	71000
Coad(yn) çhellvane	+387 33
Ynnyd-eggey	www.sarajevo.ba

She preeu-valley Bosnia as Herzegovina eh Sarajevo. T'eh ny ard-valley smoo ayns Bosnia as Herzegovina as eh er ooley dy vel ny smoo na 310,605 deiney cummal çheusthie jeh ny joaraghyn ard-valjagh. She preeu-valley Chonastey Bosnia as Herzegovina, myrane lesh preeu-valley Chantoon Sarajevo, yn ard-valley. T'eh ny hoie ayns glion Sarajevo ayns Bosnia, as ta ny Beinnyn Alpagh Dinaragh cruinnaghey yn ard-valley. T'eh soit er yn awin Miljacka ayns çheshvean ny h-Oarpey Hiar Yiass as ny Çheeraghyn Balkanagh.

Baljaghtyn as reirey ard-valjagh

Ny kiare baljaghtyn: Centar, Novi Grad, Novo Sarajevo, as Sarajevo.

Ta'n ard-valley goll er rheynn magh ayns kiare baljaghtyn: Centar, Novi Grad, Novo Sarajevo, as Sarajevo. Ta reiltys baljagh er lheh ec dagh fer jeh ny baljaghtyn, agh ry-cheilley t'ad jannoo seose un ard-valley as bunraght er lheh eck. Ta meoir, daa ynnydagh as ard-choyrle ec y whaiyl chiannoortagh (Bosnish: Gradska Uprava). Ta'n whaiyl slattyssagh jeant seose jeh'n Choonseil Ard-valjagh (Gradsko Vijeće). Ta 28 olteynyn 'sy choonseil, goaill stiagh loayreyder y choonseil, daa ynnydagh, as scrudeyr. Ta ny coonseillee goll er reih rere corrym coreiragh. Myrane lesh ny quaiyllyn shen, ta quaiyl vriwnyssagh ayn 'syn ard-valley chammah.

Ta ny baljaghtyn hene goll er rheynn magh nyn "moodeeyssyn ynnydagh" (Bosnish: Mjesne zajednice).