Under the Iron Sea é o segundo álbum de estudio da banda de rock inglesa Keane, lanzado o 12 de xuño de 2006. Durante a súa primeira semana á venda no Reino Unido, o álbum abriu co número un, vendendo 222.297 copias segundo as cifras da Official Chart Company. Nos Estados Unidos, o álbum debutou no número catro do Billboard 200, vendendo 75.000 copias na súa primeira semana alí.[1] Dende o seu lanzamento, o álbum vendeu máis de tres millóns de copias en todo o mundo.[2]
A banda describiu Under the Iron Sea como unha progresión dende Hopes and Fears, con influencias de música electrónica e como un "sinistro conto de fadas dun mundo que saíu mal".[3]
Todas as cancións foron escritas por Tim Rice-Oxley (compositor principal), Tom Chaplin e Richard Hughes. Nalgunhas versións do disco aparecen Put It Behind You e The Iron Sea nunha soa canción.
