Ring Fit Adventure(リングフィット アドベンチャー,Ringu Fitto Adobenchā?) é un videoxogo de exercicio e rol de acción desenvolvido e publicado por Nintendo para a consola Nintendo Switch. O xogo vén con dous compoñentes físico: o Ring-Con, un anel de Pilates no cal encaixa un dos Joy-Con, e unha correa para as pernas, un anaco de tecido pegado á perna do usuario que suxeita o outro Joy-Con.
A demanda do xogo aumentou drasticamente durante 2020, en gran parte debido á pandemia de COVID-19 e aos peches relacionados de ximnasios e outras instalacións de deporte, o que provocou escaseza do xogo en moitos países. Isto levou a que os retallistas estadounidenses vendesen o xogo por máis de 300 dólares, prezo moi superior ao inicial de 80 dólares.[1]
Ring Fit Adventure conta co Ring-Con e a correa para as pernas, nos cales encaixan os Joy-Con de Switch. Estes accesorios son necesarios para xogar, xa que as interaccións do xogador con eles son rastrexadas polo control de movemento integrado no Joy-Con.[2]
