Lingua cantonesa

Lingua cantonesa
粵語
Instancia de lingua natural lingua viva
Propiedades
Número de falantes 72893210 (2007)
Alfabeto written Cantonese (en) Cantonese Braille (en) escrita chinesa
Dialecto de lingua yue
Clasificación lingüística
linguaxe humana ↳ linguas sinoaustronesias ↳ linguas sino-tibetanas ↳ lingua chinesa ↳ varieties of Chinese (en) ↳ lingua yue ↳ Yuehai Yue (en)
Xeografía
País Brunei República Popular da China Malaisia
Orixinario de Guangxi Hunan Hong Kong Hainan Provincia de Cantón Macau
Wikidata C:Commons

A lingua cantonesa ou yuè (en chinés tradicional: 粤語; en chinés simplificado: 粵语; en pinyin: yuèyǔ; en jyutping: Jyut⁶jyu⁵) é un dos principais dialectos do chinés.

O nome yuè corresponde ao nome dun reino antigo situado na actual provincia de Guangdong. Por iso, o carácter 粵 utilízase hoxe en día como abreviatura do nome desta provincia.

Aínda que os chineses prefiren falar de dialectos (方言, fāngyán) ao referirse ás variedades do chinés falado, a intelixibilidade mutua entre estes é practicamente nula polo que moitos lingüistas consideran o chinés unha familia de linguas, e non unha lingua única.

O cantonés é o terceiro dialecto (dialecto neste sentido amplo) máis falado do chinés despois do mandarín e da wu. Ten ao redor de 70 millóns de falantes, principalmente na provincia de Guangdong e nas rexións administrativas especiais de Hong Kong e Macau. As primeiras comunidades chinesas que se estabeleceron en países como Perú, Estados Unidos, Australia ou o Reino Unido procedían desta zona do sur da China. Isto fixo que o cantonés fóra durante moito tempo o idioma principal nos chinatowns das grandes cidades destes países.

O cantonés é un dialecto chinés bastante conservador, máis próximo ás formas antigas da lingua do que outros dialectos. Isto reflíctese, por exemplo, no feito curioso de que a poesía antiga chinesa, cuxa pronunciación orixinal descoñecemos, rima mellor lida en cantonés do que en mandarín.

Dos diferentes dialectos chineses, o cantonés é o único, á parte do mandarín, que ten unha forma escrita. Esta utiliza algúns caracteres chineses que non existen en mandarín, e reutiliza outros con significados diferentes. O cantonés escrito utilízase, no entanto, só en situacións informais, como cartas entre amigos, foros de Internet ou nalgunhas formas de literatura popular. En situacións formais o chinés escrito segue as normas do mandarín estándar.

En Hong Kong e Macau o cantonés falado utilízase tamén en situacións formais como discursos políticos, e en emisoras de radio e televisión. Nestes casos, a lingua utilizada non é auténtico cantonés, senón mandarín cunha lectura cantonesa dos caracteres.

Véxase tamén

Outros artigos

• Wikipedia en cantonés