Na Galipedia, a Wikipedia en galego.
Dance-punk Fundación / creación
1975
Wikidata
O dance-punk , tamén coñecido como disco-punk ou punk-funk , é un xénero musical aparecido a finais dos anos 70 e revivido na década dos 2000 que está estreitamente relacionado cos movementos post-punk e No Wave .[ 1]
Moitos grupos na época do post-punk adoptaron tempos máis rítmicos, propicios para bailar. Esas bandas estaban influenciadas pola música disco , o funk e outras músicas de baile populares nese tempo, ademais foron precedidos dalgúns traballos dos 70 de artistas como David Bowie , Brian Eno ou Iggy Pop , e de gravacións de bandas alemás de Krautrock . Entre os grupos dos 80 que influenciaron a estas bandas están Public Image Ltd. , Gang of Four ,[ 1] New Order , Killing Joke , The Cure e Siouxsie and the Banshees . da escena dance-punk de Nova York saíron Material , James Chance and the Contortions , Cristina Monet , ESG e Liquid Liquid . A cantante punk alemá Nina Hagen tivo un éxito dance no underground no ano 1983 con "New York / N.Y.", que mesturaba a súa voz punk con ristmos disco.[ 1]
O dance-punk foi revivido por varias bandas da escena garage rock /post-punk revival a comezos dos anos 2000, particularmente por artistas como LCD Soundsystem (e o seu selo, DFA Records ), Clinic , Death From Above 1979 , Liars , The Rapture , !!! e Radio 4 , aos que se lle uniron grupos máis orientados ao dance que adoptaron sons rock como Out Hud . No Reino Unido a cambinación do indie co dance-punk foi chamada como new rave na promoción de Klaxons , e o termo foi adoptado pola revista NME [ 2] Trash Fashion , New Young Pony Club ,Hadouken! , Late of the Pier , Test Icicles e Shitdisco , formando unha escena cunha estética visual semellante á primeira música rave.[ 2]
