Castelo Branco

Castelo Branco
Localización
	39°49′22″N 7°29′35″O / 39.8228, -7.4931
Estado	Portugal
Distritos	Distrito de Castelo Branco
Capital	Castelo Branco
Contén a división administrativa	Alcains ; Almaceda ; Benquerenças ; Castelo Branco ; Cebolais de Cima e Retaxo ; Escalos de Baixo e Mata (pt) ; Escalos de Cima e Lousa (pt) ; Freguesia de Malpica do Tejo ; Freguesia de Monforte da Beira ; Freguesia de Santo André das Tojeiras ; Freixial e Juncal do Campo ; Lardosa (pt) ; Louriçal do Campo ; Ninho do Açor e Sobral do Campo (pt) ; Póvoa de Rio de Moinhos e Cafede ; Salgueiro do Campo ; Sarzedas ; São Vicente da Beira ; Tinalhas
Poboación
Poboación	56.109 (2011) (39,01 hab./km²)
Xeografía
Superficie	1.438,19 km²
Altitude	319 m
Comparte fronteira con	Oleiros ; Herrera de Alcántara ; Santiago de Alcántara ; Idanha-a-Nova ; Cedillo ; Proença-a-Nova ; Vila Velha de Ródão ; Fundão
Creación	1213 (Gregoriano)
Organización política
Membro de	Rede de cidades creativas (2023–)
Identificador descritivo
Código postal	6000
Fuso horario	UTC±00:00
Outro
Irmandado con	Plasencia ; Puławy ; Cáceres ; Zhuhai (pt) (1994–)
Sitio web	cm-castelobranco.pt

Castelo Branco é unha cidade de Portugal, situada no centro interior do país, a unha distancia aproximada de 260 km ao nordeste de Lisboa. O concello sumaba 55.809 habitantes en 2001. O casco urbano propio achegábase aos 31.000 habitantes

Administración

Castelo Branco é un dos municipios maiores de Portugal, cunha superficie de 1.439,94 km², subdividido en 25 freguesías administrativas. Limita polo norte co concello do Fundão, polo leste con Idanha-a-Nova, polo sur con España, polo suroeste con Vila Velha de Ródão e polo oeste con Proença-a-Nova e máis con Oleiros.

Forma parte da rexión Centro e da subrexión da Beira Interior Sur. É a capital do distrito de Castelo Branco, que contaba con 208.069 habitantes en 2001.

O distrito de Castelo Branco corresponde aproximadamente á antiga provincia da Beira Baixa.

Subdivisións administrativas

As freguesías de Castelo Branco son as seguintes:

Historia

En 1213 recibiu carta foral de Pedro Alvito, cedida polos templarios, na que aparece a denominación Castel-Branco. Dous anos despois, o papa Inocencio III confirmouna, dándolle o nome de Castelobranco.

O mesmos templarios mandaron erguer as murallas e o castelo, entre 1214 e 1230. No interior dese recinto encóntrase a igrexa de Santa Maria do Castelo, antiga sede da freguesía. Aquí se reunían en asemblea dos homens-bos e as autoridades monástico-militares, até o século XIV.

No 1510 foille concedida nova carta foral a Castelo Branco, polo rei Manuel I.

En 1771 é elevada á categoría de cidade polo rei Xosé I, á par que o papa Clemente XIV crea a diocese de Castelo Branco que viría a ser extinta en 1881.

O Pazo Episcopal (anexo ao actual Museo Francisco Tavares Proença Júnior) é unha das mellores mostras do pulo da cidade na Idade Moderna. Mandado construír polo bispo da Guarda, Nuno de Noronha, entre 1596 e 1598, pasaría a ser logo a residencia dos bispos de Castelo Branco.

A cidade viría a tornarse capital do distrito aínda en 1959.

Economía

A cidade ten sona en Portugal pola súa artesanía de colchas. En canto a industrias modernas é sede da compañía Centauro, que fabrica refixeradores, e da multinacional láctea Danone.

Patrimonio

O xardín do Pazo Episcopal (1725), o castelo dos templarios e o Museo Francisco Tavares Proença Júnior, localizado no antigo Pazo Episcopal, rico en pezas arqueolóxicas, tapizarías, numismática e pintura quiñentista portuguesa.

Eventos

Do 6 de xaneiro ao 30 de agosto - a Feira Franca
Do 4 de outubro ao 18 de decembro - a Feira do Gado Suíno

Quince días despois do Domingo de Pascua festéxase a Feira da Señora de Mércules. Parte da tradición é tamén a Procesión dos Pasos.