O dominio está operado pola sociedade .au Domain Administration (auDA), unha organización sen ánimo de lucro composta por membros de organizacións de Internet, empresas, e outras persoas interesadas. auDA opera coa autorización do goberno australiano. Outros organismos teñen delegada a administración dalgúns subdominios como é o caso de AICTEC,[1] AGIMO[2] e CSIRO[3] cos dominios de segundo nivel .edu.au, .gov.au e .csiro.au respectivamente.
Non é posible rexistrar directamente o segundo nivel pero o dominio .au presenta unha extensa lista de onde se pode escoller o subdominio. Os dominios de segundo nivel están divididos en abertos, cerrados e xeográficos.
Hai tres dominios de segundo nivel pechados. Díselles pechados porque só son dispoñibles para entidades de sectores concretos.
.edu.au: institucións educativas de nivel federal ou estatal. A administración do dominio estivo delegada ao Comité Australiano de Tecnoloxías da Información e Comunicacións na Educación (AICTEC)[1]
.gov.au: institucións gobernamentais de nivel federal, estatal ou local. A administración do dominio estivo delegada á Oficina de Administración de Información do Goberno Australiano (AGIMO)[2]
.csiro.au: uso exclusivo para a Organización da Investigación Científica e Industrial da Commonwealth (CSIRO)[3]
O dominio .au non é o único dominio territorial de primeiro nivel de Australia. Os seguintes dominios foron asignados por razóns históricas a diversos territorios australianos:
