Sankt Peterburg

Санкт-Петербург
Sankt Peterburg


Bratach a' bhaile	Gearradh-arm no Seula

Suidheachadh

Dùthaich

An Ruis

Ceàrn

Severo-Zapadny Federalny Okrug

Sgìre

Sankt Peterburg

Co-chomharran

59° 59’ Tuath
30° 19′ Ear

Feartan fiosaigeach

Farsaingeachd

590.43 km²

Àireamh-shluaigh

4,661,219 (2002)

Dlùths

7,894.62/km²

Àireamh fòn

812

Duilleag oifigeil

http://gov.spb.ru/

‘S e baile mòr air an àirde an iar-thuath na Ruise a th’ ann an Naomh Peadarborgh^[1] neo Sankt-Peterburg (Санкт-Петербург) (IPA: sankt pʲɪtʲɪr’burk, Beurla: Saint Petersburg, Gàidhlig na h-Èireann: Cathair Pheadair, Fionnais: Pietari). Chaidh am baile a stèidheachadh ann an 1703 leis an Rìgh Peadar Mòr mar phrìomh-bhaile ùr airson na dùthcha a leasachadh is leis gu robh e na b' fhaisge air an Roinn-Eòrpa na Mosgo. Tha e suidhichte ri taobh Abhainn Neva, ann an Roinn (Ruisis: Okrug) Iar-Thuath na Ruise, 633km air falbh bho Mhosgo (prìomh-bhaile na dùthcha) agus 18km bho Kronshtadt agus bhon Mhuir Bhaltach (Camas Shuòmaidh) air an taobh thall Bhàigh Nevskaya Guba.^[2] Tha 4,661,219 duine a’ fuireach anns a’ bhaile, an darna baile as motha san dùthaitch.^[3]

Bha ainm a' bhaile gu math connspaideach fad an 20mh linn. Thug Peadar Mòr ainm le coltas Gearmailteach air a' bhaile ùr aige is e ag iarraidh prìomh-bhaile na b' Eòrpaiche agus na b' adhartaiche. Ach b' fheudar dhan Tsàr an t-ainm atharrachadh gu Petrograd aig àm a' chiad cogaidh ann an 1914. Chaidh an t-ainm air atharrachadh a-rithist gu Leningrad mar chuimhne air Vladimir Lenin nuair a bha na Comannaich os cionn riaghaltas na dùthcha ann an 1924. Chaidh an t-ainm tùsail a thoirt air ais ann an 1991 nuair a bhrist an t-Aonadh Sobhiat a-mach a chèile.