Argentan

Argentan
Chateau des Ducs
Emblemen
Bestjoer
Lân	Frankryk
regio	Normandje
departemint	Orne
arrondissemint	Argentan
Sifers
Ynwennertal	13.527 (2023)
Oerflak	18,18 km²
Befolkingsticht.	744 ynw./km²
Oar
Postkoade	61200
Koördinaten	48° 44' N 0° 01' W
Offisjele webside
Side Argentan
Kaart
Kaart
Kaart fan 'e gemeente.

Argentan is in lytse stêd en gemeente yn it Frânske departemint Orne yn 'e regio Normandje. De bewenners wurde Argentanais neamd. It plak is haadplak fan it arrondissemint Argentan.

Argentan leit oan 'e noardlike kant fan 'e Orne. De tichtst bylizzende stêd is Alençon, dat súdlik fan Argentan leit. Argentan is de tagongspoarte fan it Regionale Natoerpark Normandie-Maine. De nulmeridiaan rint troch Argentan en in stien oan 'e westlike yngong fan 'e stêd jout it plak oan.

Untwikkeling befolking

Jier	1800	1851	1901	1954	1999	2018
Ynwennertal	5.618	5.673	6.291	8.339	16.596	13.730

Skiednis

De stêd yn 1944.

Argentan waard yn in delte fan 'e Orne stifte. Yn 'e antike tiid hiet it plak Vagoritum. As Gallo-Romeinske stêd krige Argentan yn 'e midsiuwsen jimmeroan mear betsjutting. Mei de komst fan 'e Wytsings waard Argentan ûnderdiel fan Normandje. De hiele midsiuwen troch hie de stêd slim te lijen fan 'e striid tusken Ingelân en Frankryk. De stêd waard ferskillende kearen oermastere en ferneatige. Minister Jean Baptiste Colbert makke yn 'e tiid fan 'e Sinnekening fan Argentan in sintrum foar it meitsjen fan kant en dêrmei waard de stêd in konkurrint fan Alençon.

By de Slach om Ingelân spile Argentan tusken july 1940 en maart 1941 in rol, om't de Stukas fan 'e Dútsers dêrby gebrûk makken fan it noardlik lizzende fleanfjild by Sévigny. Op 5 juny 1944 waard de stêd bombardearre. Allinne it stedsdiel Saint-Martin bleau frij fan 'e bombardeminten. Sûnt 15 augustus stiene de Amerikanen foar Argentan en pas op 20 augustus folge de befrijing. By de striid waard Argentan foar 80% ferneatige.

It besjen wurdich

• Donjon fan Argentan, resten fan 'e stedsmuorre en de midiuswke Tour Marguerite
• It slot út 'e 14e iuw; tsjintwurdich Paleis fan Justysje mei de Sint-Nikolaaskapel (Rue des Anciens Combattants)
• Église Saint Martin (Rue Saint-Martin, 15e-16e iuw)
• Église Saint Germain (Rue Saint-Germain, 15e–18e iuw)
• Chapelle Saint Roch (Chemin de Saint-Roch))

Musea

• Maison des dentelles (Kantmuseum), Rue de la Noe
• Musée Fernand Léger (museum fan de keunstner Fernand Léger), rue de l'Hôtel de Ville

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Argentan fan Wikimedia Commons.