Scipione Rebiba
.svg){kind=small}
Scipione Rebiba (San Marco d'Alunzio, 1504ko otsailaren 3a – Erroma, 1577ko uztailaren 23a) italiar elizgizon katolikoa izan zen. Hainbat kargu izan zituen eliza-hierarkian, besteak beste, goi-mailakoenetako batzuk, eta 1555ean kardinal bihurtu zen.
Bizitza
[aldatu | aldatu iturburu kodea]
Scipione Rebiba 1504ko otsailaren 3an jaio zen Siziliako San Marco d'Alunzio herrian, Palermon ikasi zuen[1] eta 1528 inguruan apaiztu zen.[2]
1541eko martxoaren 16an, Gian Pietro Carafa apezpikuaren gomendioari jarraituz, Paulo III.a aita santuak Rebiba Chietiko apezpiku laguntzaile eta Amyclaeko apezpiku titular izendatu zuen. 1549ko otsailaren 22an, Paulo III.ak Carafa Napoliko artzapezpiku izendatu zuen, baina Karlos V.a enperadoreak hori eragotzi zion 1551eko uztailera arte. Carafa, Erromako Inkisizioako sei kardinaletako bat (1542-1555) izan zena, Rebiba bere bikario izendatu zuen. 1551eko urriaren 12an, Rebiba Motulako apezpiku izendatu zuten.[3] Erromako Inkisizioko buruaren babes osoarekin, Rebibak Erromako Inkisizioa Napolin sartu zuen, eta Erromako Inkisizioko Komisario kargua eman zioten.[4]
Carafa 1555eko maiatzaren 23an hautatu zuten aita santu eta uztailaren 5ean Rebiba Erromako gobernadore izendatu zuen.[5] Hilabete gutxi batzuk baino ez zituen eman kargu horretan, abenduaren 20an kardinal izendatu baitzuten.[2]
1556ko apirilaren 13an, Paulo IV.ak Rebiba Pisako artzapezpiku izendatu zuen, eta 1556ko apirilaren 29an hartu zuen kargua.[2] 1565ean Konstantinoplako patriarka titulua eman zioten, 1573ra arte mantendu zuena.[6]
1566ko urriaren 7an, Rebibak kardinal-apaiz titulua onartzea erabaki zuen eta S. Angelo in Pescheria eliza aukeratu zuen bere eliza titular gisa.[7]
1565–66ko eta 1572ko konklabeetan parte hartu zuen.[8][9]
1573ko apirilaren 8an Albanoko apezpiku izendatu zuten eta 1574an Sabinako apezpiku.[2]
Rebiba Erroman hil zen 1577ko uztailaren 23an eta Kirinaleko San Silvestro elizan hobiratuta dago. Hil zenerako Inkisizioaren Bulegoko prefektua zen.[10]
Ondorengotza apostolikoa
[aldatu | aldatu iturburu kodea]Rebibak noren eskutik jaso zuen apezpiku-ordenazioa ez dakigun arren, erregistroek adierazten dute hori 1541eko maiatzaren 14an gertatu zela.[2]
Munduko latindar apezpiku katoliko gehienek beren ondorengotza apostolikoa Rebibaraino bakarrik jarrai dezakete.[11][12]
Erreferentziak
[aldatu | aldatu iturburu kodea]- ↑ (Italieraz) Cardella, Lorenzo. (1793). Memorie de' Cardinali della Santa Romana Chiesa. IV 1793, 347 or..
- ↑ a b c d e (Ingelesez) «Scipione Cardinal Rebiba †» Catholic Hierarchy (kontsulta data: 2025-10-31).
- ↑ (Latinez) Gulik, G.; Eubel, C. (1935). Hierarchia catholica. (2. argitaraldia) Monasterii, 251 or..
- ↑ (Ingelesez) Lea, H. S. (1922). The Inquisition in its Spanish Dependencies. New York, 78 or..
- ↑ (Italieraz) Del Re, Niccolò. (1972). Monsignor Governatore di Roma. Roma: Istituto di studi Romani, 60, 84-85 or..
- ↑ (Frantsesez) Mas Latrie, L. de. (1895). «Patriarches Latins de Constantinople» Revue de l'Orient Latin 3: 453. (kontsulta data: 2025-10-31).
- ↑ (Ingelesez) «Cardinal Deaconry S. Angelo in Pescheria» GCatholic (kontsulta data: 2025-10-31).
- ↑ (Ingelesez) Adams, John P. «Sede Vacante and Conclave of 9 December, 1565-7 January, 1566» Csun.edu (kontsulta data: 2025-10-31).
- ↑ (Ingelesez) Adams, John P. «Sede Vacante and Conclave of 9 December, 1565-7 January, 1566» Csun.edu (kontsulta data: 2025-10-31).
- ↑ (Latinez) Gulik, G.; Eubel, C. (1935). Hierarchia catholica. Monasterii, 38 or..
- ↑ (Ingelesez) «037 Unbroken Chain of Apostolic Succession; Bible Software Update» Jimmy Akin (kontsulta data: 2025-10-31).
- ↑ (Ingelesez) Bransom, Charles. (1990). Ordinations of U. S. Catholic Bishops, 1790–1989. United States Catholic Conference ISBN 978-1-55586-323-4..
Kanpo estekak
[aldatu | aldatu iturburu kodea]
Datuak: Q729922
Multimedia: Scipione Rebiba / Q729922