María San Gil

María San Gil
(2007) Irudi gehiago
Diputatua Eusko Legebiltzarrean 2005eko ekainaren 7a - 2008ko irailaren 22a Hautetsia: 2005eko Eusko Legebiltzarrerako hauteskundeak Diputatua Eusko Legebiltzarrean 2005eko maiatzaren 16a - 2008ko irailaren 22a ← Manuel Michelena Iguaran Barrutia: Gipuzkoa Hautetsia: Eusko Legebiltzarreko VIII. legealdia Euskadiko Alderdi Popularreko presidente 2004ko azaroaren 6a - 2008ko uztailaren 12a ← Carlos Iturgaiz Angulo - Antonio Basagoiti → Diputatua Eusko Legebiltzarrean 2001eko ekainaren 12a - 2001eko azaroaren 30a Hautetsia: 2001eko Eusko Legebiltzarrerako hauteskundeak Diputatua Eusko Legebiltzarrean 2001eko ekainaren 8a - 2001eko azaroaren 30a - Arantza Quiroga Cia → Barrutia: Gipuzkoa Hautetsia: Eusko Legebiltzarreko VII. legealdia Donostiako udaleko zinegotzia 1995 - 2004
Bizitza
Jaiotza	Donostia, 1965eko urtarrilaren 15a (60 urte)
Herrialdea	Gipuzkoa, Euskal Herria
Hezkuntza
Heziketa	Salamancako Pontifize Unibertsitatea lizentzia
Hizkuntzak	gaztelania
Jarduerak
Jarduerak	politikaria
Parte-hartzailea manifiesto "Libres e Iguales" (en) Manifesto for History and Freedom (en) Aski da!
Jasotako sariak	ikusi HazteOir.org Prize
Kidetza	Asociación Católica de Propagandistas
Ideologia eta sinesmenak
Alderdi politikoa	Alderdi Popularra

María San Gil Noain (Donostia, Gipuzkoa, 1965eko urtarrilaren 15a -) euskal herritar politikari ohia da.

Biografia

Filologia Bibliko Hirueledunean lizentziaduna da. Gregorio Ordóñez Partido Popularreko Donostiako zinegotziaren laguntzaile gisa hasi zen politikan, Donostiako Udalean. ETAk 1995ean Gregorio Ordoñez hil zuenean, Alderdi Popularreko kide egin zen, eta urte horretan bertan zinegotzi hautatu zuten Donostiako Udalean. Euskadiko Alderdi Popularraren buruzagia izan zen 2008 arte. 2005eko Eusko Legebiltzarrerako hauteskundeetan, lehendakari-hautagai aurkeztu zen eta hirugarren postuan geratu. Eusko legebiltzarkide ere izan zen.

1999an, Alderdi Popularreko Zuzendaritza Batzorde Nazionalean sartu zen, eta hilabete geroago bere burua aurkeztu zuen alkategai Donostiako udal hauteskundeetan. 2000. urtean, Gipuzkoako Alderdi Popularraren X. Kongresuan, lehendakari hautatu zuten, Ricardo Huesoren ordez. 2003ko udal hauteskundeetan, alderdiaren zerrendaburua izan zen Donostiako alkatetzerako hauteskundeetan. 2004ko uztailean, hurrengo urteko lehendakaritzarako hauteskundeetarako hautagai izendatu zutelarik, uko egin zion zinegotzi karguari. Lau hilabete geroago, Euskadiko Alderdi Popularreko lehendakari hautatu zuten.

2007ko apirilean, bular-minbizia zela-eta, politikan behin-behineko geldiunea ekin zuen. 2008ko maiatzean, alderdiaren barruan egiten ari zen kongresuko ponentzian parte ez-hartzea erabaki zuen desadostasunak zirela eta. 2008ko maiatzaren 21ean, Mariano Rajoyrekin bildu ondoren, Euskadiko Alderdi Popularraren buruzagitza eta Eusko Legebiltzarra utziko zituela iragarri zuen. Azken hori 2008ko irailaren 22an egin zuen. Haren ordez, Manuel Mitxelena sartu zen.

Erreferentziak

• Datuak: Q3752485
• Multimedia: María San Gil / Q3752485