Maria Antonova
| Maria Antonova | |
|---|---|
 | |
| Bizitza | |
| Jaiotza | Levzha, 1926ko abuztuaren 24a |
| Herrialdea |  Sobietar Errepublika Sozialisten Batasuna  Errusia |
| Heriotza | Saransk, 2020ko martxoaren 1a (93 urte) |
| Hezkuntza | |
| Hizkuntzak | errusiera |
| Jarduerak | |
| Jarduerak | abeslaria |
| Jasotako sariak | |
| Ahots mota | kontraltoa |
| Musika instrumentua | ahotsa |
Maria Nikolaievna Antonova[1] (errusieraz: Мария Николаевна Антонова, mokxeraz: Марю Антонова, Mary (Marju, Marü) Antonova[oh 1]; Levzha, 1926ko abuztuaren 24a – Saransk, 2020ko martxoaren 1a) sobietar-errusiar abeslari mokxa izan zen.
Bizitza
[aldatu | aldatu iturburu kodea]Maria Antonova 1926ko abuztuaren 24an jaio zen Levzha herrian, gaur egungo Mordoviako Ruzaievski barrutian.[2] 1945ean, Saratoveko Kontserbatorioko Mordoviar estudioan graduatu zen. Ondoren, Mordoviako Musika Antzokiko abesbatzako kide bihurtu zen, eta 1948tik aurrera, Umarina abesti eta dantza taldeko bakarlari. 1955etik 1993ra, Mordoviako Estatu Filarmonikako bakarlaria izan zen. Mordoviar zein errusiar abesti herrikoiak interpretatu zituen, baita sobietar musikagileen lanak ere.[3]
Maria Antonova errusiar abesti lirikoen interpretatzaile onenetakotzat hartzen zen. Umarina (euskaraz: «Sagarrondoa») abestia, 1957an Moskuko Gazte eta Ikasleen Munduko Jaialdian lehen aldiz jo zena, mordoviar abesti herrikoi ezagunenetako bat bihurtu zen.[3]
1996az geroztik, Maria Antonovaren izena daraman Abesti Herrikoien Jaialdi-Lehiaketa Errepublikarra antolatzen da Mordovian.[4][5]
Antonova 2020ko otsailaren 29an hil zen, 93 urte zituela, eta Saranskeko 2. hilerrian dago hobiratuta.[4]
Sariak eta errekonozimenduak
[aldatu | aldatu iturburu kodea]- 1957: Mordoviako Errepublika Sozialista Autonomoko Meritu Oneko Artista[5]
- 1960: Errusiako Sobietar Errepublika Sozialista Federatiboko Meritu Oneko Artista[5]
- 1967: Ohorezko Intsigniaren ordena[5]
- 1969: Mordoviako Errepublika Sozialista Autonomoko Herri Artista[5]
- 1975: Mordoviako Errepublika Sozialista Autonomoaren Estatu Saria[6]
- 1980: Errusiako Sobietar Errepublika Sozialista Federatiboko Herri Artista[6]
- 1986: Herrien arteko Adiskidetasunaren ordena[5]
- 2000: Mordoviako ohorezko herritarra[5]
Iruditegia
[aldatu | aldatu iturburu kodea]-
Maria Antonova 1990eko hamarkadan. -
Antonovaren kontzertuko jantzia. -
Antonovaren gerrikoa. -
Antonovaren lepokoa.
Oharrak
[aldatu | aldatu iturburu kodea]Erreferentziak
[aldatu | aldatu iturburu kodea]- ↑ 156. Alfabeto zirilikoz idatzitako izenak euskarara aldatzeko transkripzio-sistema. Gasteiz: Euskaltzaindia (argitaratze data: 2009-02-27) (kontsulta data: 2025-12-24).
- ↑ (Errusieraz) Крутов, Н. С.; Голубчик, Е. М.; Маркова, С. С. (2005). Всё о Мордовии: Энциклопедический справочник. Саранск: Мордовское книжное издательство, 721 or. ISBN 5-7595-1662-0..
- ↑ a b (Errusieraz) «Ушла из жизни народная артистка России Мария Антонова» Столица С 2020-03-01 (kontsulta data: 2025-12-24).
- ↑ a b (Errusieraz) «Антонова Мария Николаевна (1926-2020)» Они тоже гостили на земле... 2023-06-12 (kontsulta data: 2025-12-24).
- ↑ a b c d e f g (Errusieraz) «Антонова Мария Николаевна» Мордовия музыкальная (kontsulta data: 2025-12-24).
- ↑ a b (Errusieraz) «Антонова М. Н.» Музыкальная энциклопедия (kontsulta data: 2025-12-24).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q4067419
Multimedia: Maria N. Antonova / Q4067419