Kontrapas

Kontrapas
Oskorriren musika-lana
Egilea(k)	Oskorri
Ezaugarriak
Hizkuntza	euskara
Hitzak	Bernart Etxepare eta Gabriel Aresti
Argumentu nagusia	euskara

Kontrapas Bernart Etxepareren izenbereko bertsoa oinarri hartuz eginiriko abestia da. Hainbat euskal musikarik abestu izan ohi dute, bertsio ezagunenak Xabier Lete eta Oskorrirena direlarik.

1545ean Bernart Etxeparek Linguæ Vasconum Primitiæ argitara eman zuenean, bere lanaren helmen historikoaz ongi jabeturik, bildumaren azken bi olerkiak gai horri zuzendu zizkion: Kontrapas eta Sautrela euskarari egin zizkion odak dira, eta liburuko azken bi olerkiak.

Xabier Letek 1960ko hamarkadan musikan ezarri zion, nahiz eta disko eran geroago ikusi zuen argia (Xabier Lete diskoan, Elkar, 1974). Harrezkero, Kontrapas euskal literaturaran eta kantuan klasiko handi bat bilakatu da.

Bere garaian oso ezaguna egin zen Oskorri taldearen Mosen Bernat Etxepare 1545 diskoko bertsioa.

Testuingurua

Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.

Linguae Vasconum Primitiae liburua eta Bernart Etxepare lantzen dituen bideoa.

Hitzak

Jatorrizko testua, Wikitekan eskuragarri facsimiletik transkribatua. Contrapas Heuſcara ialgui adi cãpora    Garacico herria  Benedica dadila  Heuſcarari emandio  Beharduyen thornuya.   Heuſcara Ialgui adi plaçara    Berce gendec vſteçuten  Ecin ſcriba çayteyen  Oray dute phorogatu  Euganatu cirela.   Heufcara Ialgui adi mundura    Lengoagetan ohi inçan  Eſtimatze gutitan  Oray aldiz hic beharduc  Ohoria orotan.   Heuſcara Habil mundu gucira    Berce ac oroc içan dira  Bere goihen gradora  Oray hura iganenda  Berce ororen gaynera.   Heuſcara    Baſcoac oroc preciatzẽ  Heuſcara ez iaquin harrẽ  Oroc iccaſſiren dute  Oray cerden heuſcara.   Heuſcara    Oray dano egon bahiz  Imprimitu bagueric  Hi engoitic ebiliren  Mundu gucietaric.   Heuſcara    Eceyn ere lengoageric  Ez franceſa ez berceric.  Oray ezta erideyten  Heuſcararen pareric.   Heuſcara Ialgui adi dançara.

Testua, gaurko grafia estandarrera hurbildu eta gero, horrela eman da: KONTRAPAS Heuskara, jalgi adi kanpora! Garaziko herria benedika dadila! Heuskarari eman dio behar duien thornuia. Heuskara, jalgi adi plazara! Bertze jendek uste zuten ezin eskriba zaiteien. Orai dute phorogatu enganatu zirela. Heuskara, jalgi adi mundura! Lengoajetan ohi intzan estimatze gutitan. Orai aldiz hik behar duk ohoria orotan. Heuskara, habil mundu guzira! Bertzeak orok izan dira bere goihen gradora. Orai hura iganen da bertze ororen gainera. Heuskara! Baskoak orok preziatzen, heuskara ez jakin harren. Orok ikasiren dute orai zer den heuskara. Heuskara! Oraidano egon bahiz inprimitu bagerik, hi engoitik ebiliren mundu guzietarik. Heuskara! Ezein ere lengoajerik, Ez frantzesa ez bertzerik, orai ezta erideiten heuskararen parerik. Heuskara, jalgi adi dantzara!

Testua, gaurko euskara estandarrera hurbildu eta gero, horrela eman da KONTRAPAS Euskara, atera hadi kanpora! Garaziko herria benedikatua izan dadila! Euskarari eman dio behar zuen aukera. Euskara, atera hadi plazara! Gainerako jendeek uste zuten ezin idatzi zitekeela. Orain egiaztatu dute tronpatuak zirela. Euskara, atera hadi mundura! Mintzairetan ohi hintzen estimu gutxikoa; orain, aldiz, hik behar duk ohorea guztien artean. Euskara, habil mundu guzira! Beste guztiak izan dira bere goien gradura igoak. Orain hura igoko da beste guztien gainera. Euskara! Guztiek estimatzen dituzte euskaldunak, euskaraz ez jakin arren. Guztiek jakingo dute orain euskara zer den. Euskara! Oraindaino egon bahaiz inprimatu gabe, aurrerantzean ibiliko haiz mundu guztian barrena. Euskara! Inongo hizkuntzarik, ez frantsesa ez besterik, ez da aurkitzen orain euskararen parean. Euskara, atera hadi dantzara!

Ikus, gainera

• Linguae vasconum primitiae.
• Sautrela.

Kanpo estekak

• "Kontrapas" abestia Xabier Letek abestua entzungai
• IbonRG-k egindako bertsioa

• Datuak: Q12261591
• Jatorrizko testuak: Linguae vasconum primitiae/Contrapas