Claude Lefort

Claude Lefort
Bizitza
Jaiotzako izen-deiturak	Claude Cohen
Jaiotza	Parisko 8. barrutia, 1924ko apirilaren 21a
Herrialdea	Frantzia
Heriotza	Parisko 7. barrutia, 2010eko urriaren 3a (86 urte)
Heriotza modua	berezko heriotza: minbizia
Hezkuntza
Heziketa	Lycée Carnot Henrike IV.a lizeoa Parisko Unibertsitatea I - Panthéon-Sorbonne 1972) Doktoregoa (Frantzian)
Hezkuntza-maila	Doktoregoa (Frantzian)a
Tesi zuzendaria	Maurice Merleau-Ponty Raymond Aron
Doktorego ikaslea(k)	Pierre Rosanvallon Sonia Dayan-Herzbrun (en) Jacob Rogozinski Frédéric Pousin
Hizkuntzak	frantsesa
Irakaslea(k)	Maurice Merleau-Ponty
Jarduerak
Jarduerak	filosofoa, idazlea, politologoa, unibertsitateko irakaslea eta collection manager (en)
Enplegatzailea(k)	São Pauloko Unibertsitatea  (1953 -  1954) CNRS  (1959 -  1966) University of Caen Normandy (en)  (1966 -  1971) CNRS  (1971 -  1976) Gizarte Zientzietako Goi Mailako Ikasketen Eskola  (1976 -  1989)
Lan nabarmenak	ikusi Le Travail de l'œuvre Machiavel Un Homme en trop L'invention démocratique
Jasotako sariak	ikusi Hannah Arendt Prize  (1998) honorary doctor of Tilburg University  (1992) Honorary Doctorate of University of Buenos Aires  (2004)
Influentziak	Maurice Merleau-Ponty, Karl Marx eta Nikolas Makiavelo
Kidetza	Socialisme ou Barbarie
Izengoitia(k)	Claude Montal

Claude Lefort (Paris, 1924ko apirilaren 21a - Paris, 2010eko urriaren 3a) frantziar filosofoa izan zen.

Bizitza eta lanak

Maurice Merleau-Pontyren oinordeko izan zen, eta haren hil ondoko lanak argitaratu zituen. Bestalde, hari buruzko hainbat ikerketa egin zituen: Sur une colonne absente (1978, Ez dagoen zutabe batean). 1949an Socialisme ou Barbarie aldizkaria sortu zuen. Aldizkari horretan agertu ziren totalitarismoaren eta burokraziaren kontrako lehenengo kritikak. Hasierako oinarri marxistatik urrundu eta totalitarismoaren eta demokraziaren analisi bateratua egin zuen.

Lefortek gaur egungo historiaren gertaera handienetakotzat hartu zuen totalitarismoa. Solzhenitsinek burokraziaren gezurren kontra egindako ekintzetatik abiatuta, Lefortek desegin zituen gainetik Estatua eta gizarte zibila jartzen dituen, izu sistematikoa erabiltzen duen eta etengabe etsaiak sortzen dituen totalitarismoaren homogeneizazioaren mamuak. Ideia horiek Un homme en trop. Réflexions sur «L'Archipel du Goulag» (1976, Gizon bat nahikoa. Goulageko uharteei buruzko gogoetak) lanean bildu zituen. Logika totalitarioari aurre egiten diotenek, altxamenduen edo disidentziaren bidez, demokraziaren printzipioen izenean egiten dute, haren iritziz.

Bestalde, demokraziaren printzipio horiek halako eran antolatzen dute boterearen errealitatea, non ez baita inoren ardura: L'Invention démocratique (1981, Asmakizun demokratikoa); Essais sur le politique (1986, Politikari buruzko saiakerak). Demokraziari buruzko gogoeta horiek Makiaveloren eta Étienne de La Boétieren kutsua dute, Claude Leforten Le Travail de l'oeuvre. Machiavel (1972, Obraren lana. Machiavelli) eta Le Nom d'Un (1976, Baten izena) lanek erakusten dutenez.

Erreferentziak

• Datuak: Q373036