Pala orelstrigo
 | ||||||||||||||||
|---|---|---|---|---|---|---|---|---|---|---|---|---|---|---|---|---|
 Ĉe Rann de Kutch
| ||||||||||||||||
| Biologia klasado | ||||||||||||||||
| ||||||||||||||||
| Otus brucei (Hume, 1872) | ||||||||||||||||
| Konserva statuso | ||||||||||||||||
Sinonimoj
| ||||||||||||||||
|
Otus scops cyprius | ||||||||||||||||
Aliaj Vikimediaj projektoj
| ||||||||||||||||
Pala orelstrigo (Otus brucei) estas malgranda specio de strigoj en la familio Strigedoj kaj genro Otus. Ĝi troviĝas el Mezoriento ĝis Centra Azio.
Aspekto
[redakti | redakti fonton]
La pala orelstrigo estas malgranda orelstrigo simila laŭ aspekto al la eŭrazia Malgranda orelstrigo, sed kun pli apartaj strioj sur la dorso kaj malpli komplikaj markoj.
Ĝi estas tre malhelgriza strigo, pli malhela dorse, kun malmulta strieco kaj malmulte markita vizaĝdisko. La oreltufoj estas tre rimarkindaj. Pro simileco al arboŝelo, ĝi bone kamuflas kaj povas esti malfacile videbla, se ne estas aŭskultata.
Distribuado kaj habitato
[redakti | redakti fonton]La pala orelstrigo troviĝas de la Proksima Oriento ĝis okcidenta kaj centra Azio, kaj kelkaj populacioj migras ĝis la Araba Duoninsulo, Egiptio kaj Pakistano vintre. Ĝi loĝas en duonmalferma tereno kun arboj kaj arbustoj kaj havas ĉirkaŭkalkulitan teritorion de 6.190.000 km² dum la reprodukta sezono kaj 3.560.000 km² dum la ne-reprodukta sezono.[1]
En 2015, nova populacio de pli ol 400 paroj estis trovita en la Jordana Rift-Valo kaj en 2016 pliaj paroj kaj nestoj estis trovitaj en Jordanio (oriente de la rivero Jordano), ĉiuj nestantaj en palmplantejoj.[2]
Ekzistis multaj registroj el la ŝtatoj Guĝarato, Madhja-Pradeŝo kaj Raĝastano en Barato, kaj ununura registro de ĉi tiu specio el rizkampoj en la suda ŝtato Keralo.
Kutimaro
[redakti | redakti fonton]Manĝado
[redakti | redakti fonton]Ĉefe insektomanĝanto, la dieto de la pala orelstrigo inkluzivas insektojn, lacertojn, araneojn kaj malgrandajn mamulojn. Ĝi foje ĉasas dumtage, kaj oni scias, ke ĝi kaptas vespertojn kaj insektojn dumfluge.[3]
Reproduktado
[redakti | redakti fonton]
Reproduktado okazas iam ajn inter aprilo kaj junio, kiam 4 ĝis 6 ovoj estas demetitaj en arba kavaĵo, kiel ekzemple pego-truo. La kovado daŭras ĉirkaŭ 27 tagojn, kaj la junuloj elnestiĝas post 30 tagoj.
Voĉo
[redakti | redakti fonton]La krio de la pala orelstrigo estas serio de malaltaj, kavaj, kolombecaj notoj.
Referencoj
[redakti | redakti fonton]- ↑ Pallid Scops-Owl (Otus brucei) Fact Sheet. BirdLife International. Alirita 14a de Decembro 2020 .
- ↑ (2016) “Breeding Pallid Scops Owls in Rift Valley, Israel”, Dutch Birding 3, p. 146–158. Alirita 22a de Oktobro 2022..
- ↑ Striated Scops Owl. Arkivita el la originalo je 2007-05-13. Alirita 2025-12-14 .
- Olson, Storrs L. (1985): IX.C. Strigiformes. En: Farner, D.S.; King, J.R. & Parkes, Kenneth C. (eld.): Avian Biology 8: 129–132. Academic Press, New York.
Eksteraj ligiloj
[redakti | redakti fonton]
| ||||||||||||||||||