Fratinoj Wachowski
| Fratinoj Wachowski | ||
|---|---|---|
| ||
| Persona informo | ||
| Lana and Lilly Wachowski | ||
| Profesio | ||
| Aktiva dum | 1994– vd | |
| Verkado | ||
| Verkoj | The Matrix series vd | |
| vd | Fonto: Vikidatumoj | |
La familio Wachowski [ wəˈtʃaʊskiz ] estas usonaj scenaristoj kaj filmreĝisoroj, en Holivudo kiu identigas sin kiel transgenruloj.[1] Ili konsistas el Lana Wachowski (naskita la 21-an de junio 1965, kiel Laurence, ankaŭ konata kiel Larry)[2] kaj Lilly Wachowski (naskita la 29-an de decembro 1967, kiel Andrew Paul, ankaŭ konata kiel Andy).[3]
La familio Wachowski faris sian reĝisoran debuton per Bound (1996)[4] kaj akiris internacian rekonon, kiel Larry kaj Andy Wachowski, post kreado de la sciencfikcia filmtrilogio The Matrix.[5][6]
Unue ili estis konataj kiel la fratoj Wachowski, sed post la seksoŝanĝa kirurgio de Lana en 2012, ili ankaŭ ŝanĝis la nomon de la duopo al La Wachowski(oj).[7] Lily Wechowski anoncis en 2016, ke ŝi ankaŭ identigas sin kiel transgenrulo, kaj ekde tiam ili estas konataj kiel la fratinoj Wachowski.[8][9][10]
Kreivo
[redakti | redakti fonton]La gefratoj Wachowski naskiĝis en Ĉikago al pol-usona familio kaj kreskis tie kun du fratinoj en la kvartalo Beverly. Ili ambaŭ forlasis la lernejon frue por okupiĝi pri karieroj en la spektakla industrio. Ĝis ili atingis sukceson, ili laboris kiel ĉarpentistoj kaj desegnis bildstriojn en sia libera tempo.
Ili montris fruan kaj fervoran intereson pri japana mangao kaj animeo, kaj estis inspiritaj de la animeo Ghost in the Shell por verki scenaron por la filmo The Matrix. La filmon poste produktis Warner Bros.
Ekde ilia sukceso kun la trilogio Matrix, la neeldonitaj manuskriptoj el tiu frua periodo estis tre dezirataj de filmstudioj. Ekzemple, Trimark akiris la rajtojn al Carnivore, horora filmo pri malnova domo kies loĝantoj malaperas senspure. La bildstria adapto V for Vendetta estis publikigita en 2006. La verkistoj de la originala bildstrio ne estis la gefratoj Wachowski, sed Alan Moore, kaj la ĉefa artisto estis David Lloyd.
La gefratoj diras, ke ili ĝuas rakonti plurpartajn rakontojn: "Ĉar ni kreskis kun bildstrioj kaj la Tolkien- trilogio, alporti plurpartajn filmojn al la kinejoj estas unu el niaj interesoj," diras Lana. Lilly aldonas, ke "filmoj estas sufiĉe enuigaj kaj antaŭvideblaj. Ni volas ludi kun atendoj."
En 2008, la gefratoj adaptis la animean serion Speed Racer en realfilman filmon de la sama nomo.
Ekde 2009, ili ambaŭ kunlaboris kun Tom Tykwer pri la filmadapto de la libro Cloud Atlas de David Mitchell. La filmo Cloud Atlas premieris la 8-an de septembro 2012 ĉe la Toronta Internacia filmfestivalo.
Fine de 2021, The Matrix Resurrections, la kvara epizodo de la filmserio Matrix, estis publikigita en kinejoj.
Filmaro
[redakti | redakti fonton]- 1995: Assassins - The Killers ( scenaro)
- 1996: Bound (scenaro kaj reĝisorado)
- 1999: The Matrix (La Matrico, scenaro kaj reĝisorado)
- 2003: Animatrix (produktoroj kaj parto de la filmo)
- 2003: Matrix Reloaded (filmo kaj reĝisorado)
- 2003: Matrix Revolutions (filmo kaj reĝisorado)
- 2005: V por Vendetta (scenaro kaj produktado)
- 2008: Speed Racer (scenaro kaj reĝisorado)
- 2009: Ninja Assassin (produktoroj)
- 2012: Cloud Atlas (scenaro kune kun Tom Tykwer, kunreĝisoro kaj produktoro)
- 2015: Jupiter Ascending (filmo, reĝisorado kaj produktado)
- 2015–2018: Sense8 (televidserio; scenaro, reĝisorado, ideo kaj produktado kune kun J. Michael Straczynski)
- 2019–2021: Work in Progress (televidserio; konsultado, scenarverkado kaj reĝisorado, nur Lilly)
- 2021: Matrix Resurrections (La Matrix Resurrections , nur por Lana)
Referencoj
[redakti | redakti fonton]- ↑ "21 Transgender People Who Influenced American Culture". Arkivigite je 2016-08-05 per la retarkivo Wayback Machine
- ↑ Larry Wachowski Biography (1965–). Encyclopedia.com. Arkivita el la originalo je July 15, 2024.
- ↑ Andy Wachowski Biography (1967–). FilmReference.com. Arkivita el la originalo je July 10, 2012. Alirita July 19, 2012 .
- ↑ "Bound – Cast, Crew, Director and Awards", The New York Times. Arkivigite je 2013-06-16 per Archive.today
- ↑ . Under The Influence: The Matrix. Screened.com. Arkivita el la originalo je February 5, 2013. Alirita December 22, 2012 .
- ↑ . Lilly Wachowski Acknowledges Re-Examination of The Matrix With Lens Focused on Transness (April 5, 2016). Arkivita el la originalo je October 30, 2018. Alirita October 30, 2018 .
- ↑ Rachel Janik. "Wachowskis: Jupiter Ascending and Sense8 on Netflix: What to Expect", February 24, 2015. Arkivigite je 2016-03-12 per la retarkivo Wayback Machine
- ↑ Sieczkowski, Cavan, "Larry Wachowski Transgender: 'Matrix' Director Reveals Transition To Lana Wachowski (VIDEO)", HuffPost, July 30, 2012.
- ↑ Abramovitch, Seth, "Second Wachowski Sibling Comes Out as Transgender", The Hollywood Reporter, March 8, 2016.
- ↑ Stedman, Alex, "Second Wachowski Sibling Comes Out as Transgender", Variety, March 8, 2016.