Vai al contenuto

Spencer Tracy

Da Wikipedia.

C'l artìcul chè 'l è scrit in Miranduléś Emiliàn

Spencer Tracy


Spencer Bonaventure Tracy (Milwaukee, 5 'd Avrìl dal 1900 - Beverly Hills, 10 ad Śugn dal 1967, a s lèś [ˈspɛnsər ˈtreɪsi] in ingléś), 'l è stâ 'n atōr americàṅ. In dla caréra 'l à recitâ in stanta-quàtar film, da spés faghénd di óm 'd aṿturità finaliśàda a 'l bèṅ, a 'l rispèt par chi àtar, e a 'l curàǵ in di mumènt ad perìcul, dvintànd acsè un sìmbul d'l eróe americàṅ. Al gh'à na stéla in dla Hollywood Walk of Fame.

'L è stâ candidâ par nóṿ vòlti a i Prèmi Òscar vinsénd-an dū, in dal 1938 par Capitani coraggiosi e in dal 1939 par La città dei ragazzi, sèmp'r in còpia cun Mickey Rooney.

Lò e la Hepburn

Al s è spuśâ in dal 1923 cun la Louise Treadwell ma al s è divìś sèg ùnd'ś an dòp, cumpagnànd-as pò cun la Katharine Hepburn da 'l 1941 in fiṅ a la sò mòrt, sénsa mai ès'r-as divursiâ.

'L è mòrt par 'n infàrt a ssanta-sèt an prima ch'a vgnis fóra al sò ùltim lavōr, Indovina chi viene a cena? (1967), in dua 'l iva fat la part 'd un pàdar cun di idéi liberal mis in criśi da la relasiòṅ 'd sò fiōla c'n al négar Sidney Poitier, rōl ch'al gh'à purtâ na nomination a i Òscar.

Atri pelìculi in dua 'l è stâ numinâ a i Academy Award i èṅ stâ al drama San Francisco, recitâ insém a Clark Gable, la cumèdia Il padre della sposa, fata insém a la Joan Bennett e a l'Elizabeth Taylor, al western Giorno maledetto, Il vecchio e il mare, trat da 'n rumànś 'd Ernest Hemingway, al drama ...e l'uomo creò Satana, cun Gene Kelly, e 'l stòric Vincitori e vinti, filmòṅ cun Burt Lancaster, Montgomery Clift, la Marlene Dietrich e la Judy Garland.

P'r al rèst a 'l ém vist cun la Bette Davis in dal drama 20.000 anni a Sing Sing (1932), insém a la Sylvia Sidney in dal noir Furia (1936), in d'l aventuróś Passaggio a Nord-Ovest (1940), insém a l'Ingrid Bergman in dal film ad scarésa Dr. Jekyll e Mr. Hyde (1941), e in dla cumèdia sentimentàla La segretaria quasi privata (1957), in còpia cun la Katharine Hepburn.

'L American Film Institute al 'l à mis a 'l nôṅ pòst in dla lista dal star più grandi dla stòria dal cìnema americàṅ.

Filmugrafìa

[mudéfica la surzéia]
Up the River (1930)
Society Girl (1932)
Davśèṅ a 'l stéli (1933)
Riffraff (1936)
Arlìa (1936)
Dr. Jekyll e Mr. Hyde (1941)
Cal mónd chè, mat, mat, mat, mat (1963)
Próa a dir chi vîṅ par séna (1967)

Culegamènt estéran

[mudéfica la surzéia]

Àtar prugèt

[mudéfica la surzéia]
Estratto da "https://eml.wikipedia.org/w/index.php?title=Spencer_Tracy&oldid=163691"