Wombat

Wombated
Lasiorhinus latifrons
Rummatadur filogenetek
Riezad :	Animalia
Skourrad :	Chordata
Kevrennad :	Mammalia
Urzhad :	Diprotodontia
Kerentiad :	Vombatidae
D'ar vevoniezh e tenn ar pennad-mañ.

Ar wombated a zo bronneged godellek ha geotdebrerien hag a vev en Aostralia.

Doareoù pennañ

Bras a-walc'h eo ar wombated, etre 20 ha 40 kg a bouez. Berr eo o favioù hag o lost, bihan o divskouarn ha postek o c'horf. Skilfoù plat ha kreñv zo ouzh o bizied ha ganto e toullont riboulioù. Palvgerzherien int.

Tennañ a ra klopenn ar wombated da hini ar c'hrignerien, gant rakdent kreñv.

Ar c'hodell a zigor war an a-dreñv, kuit d'an douar pe d'an traezh mont enni p'emañ al loen o toullañ.

E-kerzh ar pleistosen e veze tropelladoù wombated ramzel (a-vent gant frikorneged) o kantreal e plaenennoù su Aostralia.

Spesadoù

2 c'henad ha 3 spesad wombated a zo:

• Vombatus
  • ar wombat boutin (Vombatus ursinus)
• Lasiorhinus
  • wombat min blevek ar su (Lasiorhinus latifrons)
  • wombat min blevek an norzh (Lasiorhinus krefftii)