Oran
| Anv ofisiel | وهران  |
|---|---|
| Anv er yezh orin | وهران, ⵡⴰⵀⵔⴰⵏ |
| Anv annezidi | Oranais, Oranaise, وهراني, وهرانية |
| Yezh ofisiel | arabeg, Standard Algerian Berber |
| Stad | Aljeria |
| Kêr-benn eus | Oran Department, Proviñs Oran, arrondissement of Oran, Oran District |
| E tiriad | Oran District |
| Gwerzhid-eur | UTC+01:00 |
| War ribl | Gulf of Oran |
| Daveennoù douaroniel | 35°41′49″N 0°37′59″W |
| Perc'henn war | Ahmed Zabana Stadium, Habib Bouakeul Stadium, Miloud Hadefi Stadium |
| A zo stok ouzh | Mers El Kebir, Bir El Djir, Sidi Chami, Es Senia, Misserghin |
| Darvoud-alc'hwez | Siege of Oran, Siege of Oran and Mers El Kébir, Sieges of Oran and Mers El Kébir, Siege of Oran |
| Kod-post | 31000 |
| Lec'hienn ofisiel | https://www.oran-dz.com/ |
| Istor | timeline of Oran |
| Kod pellgomz an takad | 041 |
| Category for the view of the item | Category:Views of Oran |
| Rummad evit ar c'hartennoù | Category:Maps of Oran |
Oran (وهران, Wahrān en arabeg ; ⵡⴻⵀⵔⴰⵏ e berbereg) eo eil brasañ kêr Aljeria, hag unan eus ar re bouezusañ eus ar Maghreb. E gwalarn Aljeria emañ, 432 km eus Aljer, ar gêr-benn. E 2008 e oa er gumun-se 937 544 annezad, hag e 2019 e oa 1 570 000 annezad en tolpad kêrioù.
Geografiezh
[kemmañ | kemmañ ar vammenn]Oran a zo savet war vord ribl su ar Mor Kreizdouar.
Hin
[kemmañ | kemmañ ar vammenn]En Oran ez eus un hin kreizdouarel boutin merket gant ur mare sec'hor hañvek, hag ur goañv dous.
Hidrografiezh
[kemmañ | kemmañ ar vammenn]En Oran e vank an dour mat da evañ, hag alies-tre e vez holen e-barzh. Ar mank a gelaouadurioù hag a studioù war an dour isdouarel el lenn o deus bountet «Ministrerezh an Danvez Dour» da c’hourc’hemenn e 2002 ur studi hollek war se.
Transportoù
[kemmañ | kemmañ ar vammenn]Lec'hel
[kemmañ | kemmañ ar vammenn]Oran n'eus ket kalz a drañsportoù, setu perak an embregerezh ETO (Entreprise du Transport Oranais) o deus gounidet kirri-boutin nevez met nemet 70% eus ar pezh o doa goulennet eo. Neuze n'eo ket trawalc'h evit ar studierien a zo eno. Abaoe 2013 ez eus un tramway e Oran.
Broadel hag etrevroadel
[kemmañ | kemmañ ar vammenn]An daou zoare treuzdougen a-bouez evit mont da Oran eo ar c'harr-nij hag ar vag. Aerborzh Etrebroadel Ahmed Ben Bella a zo 12 km eus kreiz-kêr Oran, ha bagoù a zo evit mont eus Oran betek Marselha, Seta, Alacant pe Almeria.
Aozadur
[kemmañ | kemmañ ar vammenn]Ranngêrioù ha karterioù
[kemmañ | kemmañ ar vammenn]
Rannet eo Oran e daouzek ranngêr anvet ivez « secteurs urbains» pe lodennoù kêr.
Ranngêr istorel
[kemmañ | kemmañ ar vammenn]Ranngêr Sidi El Houari a zo kreiz istorel ar gêr. Lec'hiet eo e Norzh-Kornog Oran, e Ras El Aïn, e Murdjadjo hag e-kichen ar Mor Kreizdouar. Bez eus merkoù eus kalz a sevenadurioù disheñvel : spagnolek, turkek ha gall.
Tolpad-kêrioù Oran
[kemmañ | kemmañ ar vammenn]Meurgêr Oran a vod kalz a gomunioù, div anezhe torbezennet d'ar gêr.
Bir el-Djir a zo diouzhtu e reter da Oran. «Arcole» e oa anvet, da goulz an drevadenniñ, 8 km eus kreiz-kêr Oran. Ar gêr-mañ a zo chomet troet war al labour-douar betek fin ar bloavezhioù 1980. Hiziv an deiz ez eus 118 000 a annezidi eno. Meneget e vez saverezh ur stad olimpek gant 50 000 plas.
Istor
[kemmañ | kemmañ ar vammenn]Un nebeud amzer goude ma voe diazezet kêr e oa kroget Omeyyaded Kordoba hag ar Fatimided da glask tapout Oran ha bec’h etrezo. Adalek ar bloavezhioù 1000 e oa ur gumuniezh yuzev eno. E 1077 e voe renet kêr gant riez an Almoravided, Youssef ibn Tachfin, e-pad 68 bloaz. E 1145 e voe aloubet Oran gant ar strolladoù Almohoded eus Abdl al Mumin.
ibn Ali dija trec'h e Tlemcen, c'hoant o doa mont davet porzh Mers el-Kebir e-lec'h oa ret dezho kemer ar vag evit mont da Andalouzia, pa 'n em lazhas an emir almoravidat Ibrahim Ben Tachfin hag e garedig Aziza pa gouezhjont diwar o c’hezeg eus nec'h menez Murdjajo.
