ITunes Store
Не блытаць з iTunes — праграмай-медыяпрайгравальнікам ад «Apple».
| iTunes Store | |
|---|---|
 | |
| Тып | Інтэрнэт-крама i лічбавая дыстрыбуцыя |
| Распрацоўшчык | Apple |
| Аперацыйная сістэма | IOS, iPadOS, macOS, tvOS, Windows XP і больш познія версіі |
| Першы выпуск | 28 красавіка 2003 |
| Ліцэнзія | уласная ліцэнзія |
| Сайт | apple.com/itunes |
 Медыяфайлы на Вікісховішчы | |
iTunes Store ― лічбавая крама мультымедыйнага кантэнту, створаная кампаніяй Apple, у якой карыстальнікі могуць набываць і спампоўваць песні, альбомы, відэакліпы, рынгтоны і гукі апавяшчэнняў.
Крама была запушчана 28 красавіка 2003 года для аперацыйнай сістэмы Mac OS, а 16 кастрычніка 2003 года для Microsoft Windows. 29 чэрвеня 2007 года сервіс быў запушчаны як мабільная праграма для аперацыйнай сістэмы iOS.[1]
iTunes Store быў запушчана Стывам Джобсам, які на той момант з’яўляўся кіраўніком Apple, з мэтай стварэння лічбавай пляцоўкі для продажу музыкі. Падчас запуску крама з’яўлялася адзіным афіцыйным лічбавым каталогам, які прапаноўваў музычныя запісы ад усіх пяці найбуйнейшых сусветных лэйблаў гуказапісу, што забяспечыла праекту поспех і паўплывала на развіццё рынку лічбавай дыстрыбуцыі.[2]
Пазней стрымінгавыя сэрвісы пачалі замяняць спампоўванне музычных файлаў, і 30 чэрвеня 2015 года кампанія Apple запусціла ўласную платформу Apple Music.[3] Акрамя таго, з часам змяніўся і падыход да іншага кантэнту: падкасты, якія раней спампоўваліся праз iTunes Store, былі інтэграваны ў Apple Podcasts,[4] а фільмы і тэлешоу, даступныя для куплі і арэнды, сталі часткай Apple TV.[5]
Хоць на старце праект быў абсалютным лідарам у сферы лічбавых медыя, да сярэдзіны 2010-х гадоў стрымінгавыя платформы пачалі прыносіць больш даходу, чым класічная мадэль продажаў «купі і валодай», на якой будаваўся сэрвіс.[6]
Даступнасць
[правіць | правіць зыходнік]Крама даступна на большасці прылад Apple, сярод якіх Mac (у дадатаку «Музыка»), iPhone, iPad, iPod touch і Apple TV, а таксама на Windows (праз арыгінальную праграму iTunes). Набытыя ў ёй відэаматэрыялы можна таксама глядзець праз дадатак Apple TV на прыладах Roku, Amazon Fire TV і некаторых тэлевізарах са Smart TV.[7]
У адрозненне ад іншых сэрвісаў кампаніі, такіх як Apple Music або Apple TV+, iTunes Store не мае вэб-версіі, таму для паўнавартаснага карыстання каталогам неабходна ўсталяваць настольную праграму.
Гл. таксама
[правіць | правіць зыходнік]Крыніцы
[правіць | правіць зыходнік]- ↑ Timeline: iTunes Store at 10 billion(нявызн.). Computerworld. Праверана 17 чэрвеня 2026.
- ↑ Is Steve Jobs the God of Music? (англ.). Esquire (10 верасня 2014). Праверана 17 чэрвеня 2026.
- ↑ Dredge, Stuart. Apple Music launches to take on Spotify – and traditional radio (англ.). The Guardian (30 чэрвеня 2015). Праверана 17 чэрвеня 2026.
- ↑ Heater, Brian. Apple's Podcasts app for iOS hands-on (англ.). Engadget (26 чэрвеня 2012). Праверана 17 чэрвеня 2026.
- ↑ Get your Apple Account ready for purchases or downloads on your Apple TV – Apple Support (UK) (англ.). Apple Support. Праверана 17 чэрвеня 2026.
- ↑ Roettgers, Janko. Apple May Finally Shutter iTunes, But the iTunes Era Ended Long Ago (англ.). Variety (1 чэрвеня 2019). Праверана 18 чэрвеня 2026.
- ↑ Kastrenakes, Jacob. Apple TV app launches on Amazon Fire TV devices (англ.). The Verge (24 кастрычніка 2019). Праверана 18 чэрвеня 2026.
