Ancona (/æŋˈkoʊnə/,[1] also US: /ænˈ-, ɑːnˈ-/;[2][3][4]Italia:[aŋˈkoːna]ⓘ) inggih punika kota miwah pelabuhan ring wewidangan Marche ring Italia Tengah. Kota Ancona madué krama sané katarka sawatara 99.469 diri per tanggal 2025[update].[5] Ancona inggih punika ibu kota propinsi sané mawasta pateh miwah saking wewidangan punika. Kotané punika magenah 280 km (170 mi) kalér kangin Roma, ring Segara Adriatik, ring pantaraning lereng kalih muncuk tanjungGunung Conero, Gunung Astagno miwah Gunung Guasco. Alam sané mabukit ring sawewengkon Ancona punika kontras sané kuat sareng garis pantai sane rata ring wewidangan sané doh kalér.
Ancona inggih punika silih sinunggil pelabuhan utama ring Segara Adriatik, utamanyané antuk lalu lintas penumpang, lan pinaka pusat ekonomi lan demograpi utama ring wawidangan punika.
Pinaka pikolih saking wangun sikut Ancona sané unik sane marep ring segara, Ancona inggih punika silih sinunggil saking akidik kota ring jagaté lan kota sane wantah asiki ring Italia sané prasida nyingakin surayné munggah lan suryané tedun ring duur segara.[6] Ratu Elizabeth II miwah Putraraja Philip saking Inggris Raya ngrauhin Ancona ring Mei warsa 1961 pinaka pahan saking tur ipuné ring Italia.[7]
