Pueblu eslovenu

Pueblu eslovenu
	;
	;
Tipu	etnia
Población total	2 000 000
Llingua	eslovenu
Relixón	catolicismu, protestantismu y cristianismu ortodoxu
Parte de	eslavu meridional
Xeografía
Estáu	Eslovenia, Estaos Xuníos, Italia, Canadá, Arxentina, Austria, Alemaña, Francia, Suecia y Hungría

Los eslovenos lang-Slovenci son una caña de los eslavos del sur. Los eslovenos viven principalmente n'Eslovenia, aunque tamién n'otros países, como Austria, Hungría, Croacia, Italia y Serbia, onde conforman una importante minoría étnica. Otramiente, los sos emigrantes viven principalmente n'otres naciones europees, según como nos Estaos Xuníos, Canadá, Arxentina y Australia.

El so idioma ye l'eslovenu, una de les llingües de la caña eslava meridional de significatives semeyances colos idiomes eslavos occidentales.

Historia

Nel sieglu VI, los eslavos empezaríen a poblar les rexones ente los Alpes y el mar Adriáticu en dos foles de migraciones consecutives: la primera tuvo ocasión nel añu de 550 y provenía de les tierres de Moravia; ente que la segunda fola procedía del sureste y tuvo llugar tres la retirada de los longobardos escontra Italia en 568.

De 623 a 658, los pueblos eslavos ente el Elba superior y el montañes Karavanke. Unificaronse por aciu el llideralgu del rei Samo, no qu'entós sería conocida como la xunión tribal de Samo. Esta xunión colapsó tres la muerte del rei, pero un pequeñu principáu eslavu, Carantania, sobrevivió, no que güei día conocese como la parte central de Carintia.

Dada la peligrosa presencia de les ávaros en Panonia provenientes del este, los carantanios aceptaron la xunión colos bávaros en 745 y darréu reconocieron el mandatu francu y aceptaron el cristianismu nel sieglu VIII.

Los húngaros ocuparon Panonia a finales del sieglu IX, amenorgando asina entá más los territorios eslavos. Como resultancia, na área de fala eslovena empezaron a surdir dos tipos d'orientaciones. L'idioma que desenvolvióse nes zones alpines eslovenes convirtióse na base del idioma eslovenu estándar actual. Otra llingua, l'idioma prekmuru, surdió na rexón de Panonia, una y bones los eslovenos vivíen ellí sol dominiu húngaru y taben espuestos a influencies llingüístiques distintes a les de los eslovenos alpinos.

Nel sieglu XV los eslovenos finalmente quedaron sol dominiu de los Habsburgos.

Les primeras menciones d'una identidá étnica eslovena común, que transcendió hasta les fronteras rexonales, data del sieglu XVI, cuando la predicación protestante llegó a les tierres eslovenes. Mientres esti periodu, el primer llibru publicáu n'eslovenu foi escritu pol predicador protestante Primož Trubar y los sos siguidores, quien establecieron la base pal desenvolvimientu d'un idioma esloveno estándar. Na segunda metá del sieglu XVI, imprimiéronse numberosos llibros n'eslovenu, incluyendo una traducción integral de la Biblia fecha por Jurij Dalmatin.

Mientres la Contrarreforma, los eslovenos volvieron a la fe católica. El protestantismu namá permaneció en Transmurania, que naquella dómina inda formaba parte d'Hungría.

Por cuenta de la opresión feudal, los campesinos eslovenos llanzaron dellos llevantamientos importantes nel siglo XVI. La rebelión más peligrosa pa los nobles terratenientes tuvo llugar ente 1572 y 1573, cuando los eslovenos xunieron les sos fuerces colos campesinos que's remonataren en Croacia, llideraos por Matija Gubec.

El pueblu eslovenu viose aforfugáu poles campañes de saquéu de los otomanos, qu'atacaron territorios eslovenos dende Bosnia.

Sol reináu de María Teresa y del emperador Xosé II entamáronse munches reformes na administración y na sociedá, incluyíes la reforma agraria, la modernización de la ilesia y l'imposición de la educación primaria como obligatoria n'Eslovenia (1774).

Ente 1809 y 1813, Eslovenia foi una parte de les Provincies Iliries, una provincia autónoma del Primer Imperiu Francés, con Llubliana como la so capital. Aunque duró poco el mandatu de les franceses como norma, este contribuyó significativamente al surdimientu del nacionalismu como conciencia y movimientu políticu. Tres la derrota de Napoleón, toles tierres eslovenes incluyéronse una vegada más nel Imperiu austriacu, desenvolviéndose gradualmente una conciencia nacional distintiva y xeneralizándose la busca d'una unificación política de tolos eslovenos.

De primeres, munchos intelectuales eslovenos sofitaron las idees paneslaves y graneslaves, pero más tarde, so la influencia del Romanticismu, una nueva xeneración, incluyíu el poeta France Prešeren, punxo la so fe nuna nación eslovena independiente.

En 1848, publicóse nel contestu de les revoluciones nacionales dientro del Imperiu austríacu, el primer manifiestu sobro un movimientu nacional político d'Eslovenia, conocíu como Eslovenia Xunida (eslovenu: Zedinjena Slovenija). Este demandaba la unificación de tolos territorios eslovenos nun reinu autónomu, llamáu "Slovenija", onde l'imperiu diéra-y l'estatus de llingua oficial al eslovenu. Cuando les aspiraciones nacionales topetaron coles de los nacionalistas alemanes y el nuevu Reinu d'Italia adquirió territorios eslovenos, el movimientu nacional eslovenu radicalizóse.

En 1880 empezó la emigración d'eslovenos a otros estaos europeos, segúno a América del Norte y del Sur.

Trenta mil eslovenos morrieron na Primer Guerra Mundial, lluchando nel exércitu austrohúngaru. Pa los civiles eslovenos de les rexones de Gorizia y Gradisca tuvieron dichos combates graves consecuencias, yá que cientos de miles sufrieron y fueron víctimes de vejámenes al ser reasitiaos nos campamentos de refuxados, nos que, fueron trataos los eslovenos como enemigos del estáu polos italianos, y ellí miles d'ellos morreríen, amás d'otres enfermedaes, de desnutrición y abandonu.

Tres el final de la Primer Guerra Mundial, la mayoría de los eslovenos xunieronse a los otros pueblos eslavos nel Reinu de Yugoslavia. Nel nuevu sistema de banovines (dende 1929), los eslovenos fueron la mayoría na banovina del Drava (eslovenu: Dravska banovina). Dempués de la guerra, Italia amestó la parte occidental d'Eslovenia, onde llevóse a cabu una dura italianización contra la minoría eslovena, especialmente mientres el réxime fascista de Benito Mussolini. Tampoco foi posible amestar los eslovenos de Carintia a la madre patria, polo que siguieron siendo parte d'Austria. Adquirieron Transmurania d'Hungría, pero dellos pueblos eslovenos alredor de Szentgotthárd permanecieron so dominiu húngaru.

En 1941, l'Alemaña nazi, l'Italia fascista y Hungría estremáronse Eslovenia. Esto marcó l'empiezu d'un períodu escuru na historia d'Eslovenia: miles de persones morrieron, munches fueron encarcelaes, deportaes y aterrorizaes. Pal branu de 1941, un movimientu resistente, encabezáu pol Frente de Lliberación d'Eslovenia (eslovenu: Osvobodilna fronta), remaneció tanto na zona d'ocupación italiana como na alemana. Dicha resistencia, pluralista al primeres, sería gradualmente tomada pol partíu comunista d'Eslovenia, según como nel restu de la Yugoslavia ocupada.

Los partisanos comunistes finalmente lliberaron el país y depués trataron colos collaboradores de los ocupantes, pero masacraron a munches persones inocentes cencielles porque taben en contra de los comunistes o yeren d'una nacionalidá distinta.

Casi cien mil eslovenos morrieron mientres y después de la Segunda Guerra Mundial. Dempués de la guerra, Yugoslavia adquirió ciertos territorios eslovenos d'Italia, pero entá asina, cientos de miles d'eslovenos permanecieron so dominiu italianu. El llíder comunista yugoslavu, Josip Broz Tito, a cencielles arrenunció a la comunidá étnica eslovena n'Hungría. De primeres, porque taba interesáu n'adquirir Trieste, pero tampoco lo consiguió. A Austria tamién dexóse caltener Carintia y la minoría eslovena ellí.

Los primeros años de la Yugoslavia comunista caracterizaronse por una dura represión política, lo que provocó que munches persones emigraren del país. Cuando Tito rompió col Bloque del Este, Yugoslavia, y colla Eslovenia, abriéronse, lo que dexó a los eslovenos trabayar nel estranxeru.

A finales de los años 1960, la facción reformista consiguió el control del Partíu Comunista d'Eslovenia, y llevó a cabu una serie de reformes, empuestes a la modernización de la sociedá y l'economía eslovena.

Josip Broz Tito, que yera eslovenu por parte de madre, foi capaz de caltener xunida a la étnicamente mista Yugoslavia, pero yá mientres el so gobiernu causó descontentu al querer desenvolver les rexones más pobres del estáu (como Serbia y Macedonia) coles economíes d'Eslovenia y Croacia, más desenvueltes. La primer demanda clara pola independencia d'Eslovenia sería fecha en 1987, por un grupu d'intelectuales.

Eslovenia declaró la so independencia el 25 de xunu de 1991, y aunque los eslovenos tuvieron que lluchar contra l'Exércitu Popular Yugoslavu mientres un tiempu, la guerra foi curtia y el país quedó fora de los combates nes Guerres Yugoslaves.

Cultura

Música

Eslovenia ye'l llar de munchos músicos y compositores famosos, incluyíu el compositor renacentista del sieglu XVI Jacobus Gallus, que'l so trabayu tuvo una gran influencia en la música clásica d'Europa Central, y el virtuosu violista Giuseppe Tartini.

Davorin Jenko ye consideráu el padre de la música folclórica eslovena, ente que Risto Savin creó la tradición de la ópera nacional.

Ciencia y tecnoloxía

Otros eslovenos famosos inclúin al químicu y premio Nobel Friderik Pregl, el médicu Josip Stefan, los filósofos Slavoj Žižek y Milan Komar, el llingüista Fran Miklošič, el médicu Anton Marko Plenčič, el matemáticu Jurij Vega, el sociólogu Thomas Luckmann, el teólogu Anton Strle y l'inxenieru Herman Potočnik.

Belles artes

Históricamente, la pintura y l'escultura n'Eslovenia a finales de los siglos XVIII y XIX tuvieron marcaes pol neoclasicismu (Matevž Langus), el Biedermeier (Jožef Tominc) y el romanticismu (Mihael Stroj).

Ente los artistes impresionistes atópense los pintores Matej Sternen, Matija Jama, Rihard Jakopič, Ivan Grohar y l'escultor Franc Berneker, quien introdució l'impresionismu n'Eslovenia.

Referencies

Bibliografía

Golec, Boris (2025). Naši temelji in okviri : Slovenci in Slovenija v zgodovini. ISBN 978-961-04-1240-3.
Jesenše, Marko (2013). Poglavja iz zgodovine prekmurskega knjižnega jezika. ISBN 978-961-6656-93-1.
Zdenko, Ivan (1979). Zgodovina Slovencev.
Stele, France (2014). Umetnost v Sloveniji. ISBN 9789619255773.
Barbo, Matjaž (2002). Slovenska kultura v XX. stoletju. ISBN 86-11-16470-9.
Štih, Peter (2020). "Mi vsi živeti ščemo": Prekmurje 1919: okoliščine, dogajanje, posledice: zbornik prispevkov mednarodnega in interdisciplinarnega posveta na Slovenski akademiji znanosti in umetnosti, Ljubljana, 29.-30. maj 2019. ISBN 978-961-268-072-5.

Enllaces esternos