Nepal

	Republica Federal Democratica de Nepal; संघीय लोकतान्त्रिक गणतन्त्र नेपाल;
	(En detalle)
	Lema nacional: जननी जन्मभूमिष्च स्वर्गादपि गरीयसी
	Himno nacional: Rastriya Gaan
	Situación de Nepal
Capital	Katmandú
Mayor ciudat	Katmandú
Idiomas oficials	Nepalí
Forma de gubierno Chefe d'Estato; Primer ministro	Republica ; Ram Chandra Poudel ; Sushila Karki
Unificación; Independencia	1768; 1869
Superficie; • Total ; • % augua	Posición 93º; 147.516 km² ; 2,8%
Población; • Total; • Densidat	Posición 49º; 31 122 387 (2024); 180 hab/km²
PIB (PPA); • Total ([[]]); • PIB per capita	Posición º; ;
Moneda	Rupia nepalesa
Chentilicio	Nepalés/a
Zona horaria	UTC+5:45
Dominio d'Internet	.np; .नेपाल
Codigo telefonico	+977
Prefixo radiofonico
Codigo ISO
	Miembro de: ONU, SAARC

A Republica Federal Democratica de Nepal (en nepalí: संघीय लोकतान्त्रिक गणतन्त्र नेपाल) conoixida a sobén simplament como Nepal ye un estau situau en o sud d'Asia.^[2] Estió o solo reino indio independient dica que en 2008 se convertió en una republica. Se troba en os Himalayas, mugando con a Republica Popular de China (Rechión Autonoma d'o Tibet) y la India. Ye uno d'os países mas pobres d'o mundo.

Nepal poseye una cheografía diversa, que incluye planas fertils, pueyos boscosos subalpins y ueito d'as diez montanyas mas altas d'o mundo, incluindo-ie lo Mont Everest, o puesto mas alto sobre lo livel meyo d'a mar en a Tierra. Katmandú ye la suya capital y la ciudat mas gran d'o país. Nepal ye un país multicultural y multietnico, fogar de 125 grupos etnicos distintos, que charran 123 luengas maternas diferents y practican cuantas relichions indichenas y populars, amás de l'hinduismo, o budismo, l'islam y lo cristianismo. Seguntes o censo de 2011, a población de Nepal yera de 26,5 millons d'habitants, cuasi lo triple d'os nueu millons de 1950.

Cheografia

Nepal ye dividiu en tres cintos fisiograficos prencipals, conoixius como Himal-Pahad-Terai. Himal ye la rechión montanyosa nevada situada en a Gran Cordelera de l'Himalaya; constituye la parte norte de Nepal. Contiene las elevacions mas altas d'o mundo, incluyindo lo Mont Everest (Sagarmāthā en nepalí), de 8.848,86 metros d'altaria, en a buega con China. Atros siet ueitomils d'o mundo se troban en Nepal u en a suya buega con o Tíbet: Lhotse, Makalu, Cho Oyu, Kangchenjunga, Dhaulagiri, Annapurna y Manaslu. Pahad ye la rechión montanyosa que per un regular no contiene nieu. As suyas montanyas vareyan dende 800 dica los 4.000 metros d'altitut, con una progresión dende climas subtropicals per debaixo d'os 1.200 metros dica climas alpins per dencima d'os 3.600 metros. Terai ye la rechión de tierras baixas que contiene cualques cordeleras. As planas se formoron y son alimentadas per tres importants ríos de l'Himalaya: o Koshi, o Narayani y lo Karnali, asinas como per ríos mas chicoz que naixen per debaixo d'a linia de nieus permanents. Ista rechión tien un clima entre subtropical y tropical.

Historia

O país nunca estió colonizau, pero sirvió como estau tampón entre la China imperial y la India britanica. A democracia parlamentaria s'introdució en 1951, pero estió suspendida dos vegadas per os monarcas nepaleses, en 1960 y 2005. A Guerra Civil nepalesa d'o decenio de 1990 y prencipios d'o decenio de 2000 resultó en l'establimiento d'una republica secular en 2008, rematando con a zaguera monarquía hindú d'o mundo. A Constitución de Nepal, adoptada en 2015, afirma lo país como una republica parlamentaria federal dividida en siet provincias. En setiembre de 2025, as protestas contra la prohibición d'os rez socials y la desigualdat economica provocoron disturbios que resultoron en victimas y la dimisión d'o suyo primer menistro.

Organización politico-administrativa

Nepal ye una republica federal componida per 7 provincias. Cada provincia ye componida de 8 a 14 districtos. Los districtos, a la suya vegada, comprenden unidaz locals conoixidas como municipios urbans y rurals. I hai un total de 753 unidaz locals que incluyen 6 municipios metropolitans, 11 municipios submetropolitans y 276 municipios pa un total de 293 municipios urbans y 460 municipios rurals. Cada unidat local ye componida per vicos. I hai 6.743 districtos en total.

Provincia	Capital	Districtos	Superficie	Población (2022)	Densidat (/km²)
Koshi	Biratnagar	14	25.905 km²	4.972.021	192
Madhesh	Janakpur	8	9.661 km²	6.126.288	635
Bagmati	Hetauda	13	20.300 km²	6.084.042	300
Gandaki	Pokhara	11	21.504 km²	2.479.745	116
Lumbini	Deukhuri	12	22.288 km²	5.124.225	230
Karnali	Birendranagar	10	27.984 km²	1.694.889	61
Sudurpashchim	Godawari	9	19.915 km²	2.711.270	136
Nepal	Katmandú	77	147.516 km²	30.192.480	198

Esporte

L'esporte nepalí se veye obstaculizau per la falta d'infrastructuras, financiamiento, corrupción, nepotismo y interferencia politica y muit pocos esportistas pueden ganar-se la vida profesionalment. Os aspirants a chugadors profesionals s'alistan en as fuerzas armadas, policía y l'exercito nepalí per las millors oportunidaz esportivas que pueden ofrir.

Beluns d'os esportes tradicionals nepalís, como lo dandi biyo y lo kabaddi, consideraus esportes nacionals de forma oficiosa, siguen estando muit populars en zonas rurals.

Entre los esportes mas practicaus internacionalment los mas populars son lo fútbol y lo críquet tenendo buenas clasificacions y ostentando l'estatus de elite ODI y situando-se habitualment entre los 20 primers en as clasificacions ICC, ODI y T20I. En competicions internacionals Nepal ha teniu bel exito en atletismo y artes marcials, habendo ganau muitas medallas en os Chuegos d'o Sud d'Asia y cualques en os Chuegos Asiaticos. En l'actualidat tamién ganan popularidat esportes como lo basketbol, lo voleibol, fútbol sala, la luita libre, lo culturismo de competición y lo badmintón.

Entre las mullers los esportes de mas exito son lo fútbol, lo críquet, l'atletismo, las artes marcials, lo badmintón y la natación.

Instalacions esportivas

Las dos solas instalacions esportivas destacables en as cuals se pueden organizar eventos internacionals son lo Estadio Dasarath, an chugan los suyos partius como locals las seleccions nacionals de fútbol masculina y femenina, y l'atro lo Tribhuvan University International Cricket Ground an la selección nacional de Nepal chuga los suyos partius de críquet como local.

Competicions esportivas

En fútbol tienen una competición en formato de liga con ascensos y descensos con dos categorías: la superior dita Martyr's Memorial A-Division League y la Segunda División B de Nepal; ye organizada por a Federación de Fútbol de Nepal dende l'anyo 1955.

En lo críquet en l'actualidat y dende l'anyo 2022 se ye treballando en a creyación y organización d'una competición profesional. La primera edición tiendrá inicio en os zaguers meses de l'anyo 2024 y lo suyo nombre, Nepal Premier League, y logo ya son definius.

Nepal en os Chuegos Olimpicos

Nepal en os Chuegos Olimpicos.

Nepal en os Chuegos Olimpicos ye representau per lo Comité Olimpico de Nepal, creau en 1962 y reconoixiu per lo Comité Olimpico Internacional en 1963.

Ha participau en quince edicions d'os Chuegos Olimpicos de Verano y la suya primera presencia s'escaició en Tokio 1964, en os Chuegos Olimpicos d'Hibierno debutó en os de Salt Lake 2002 y nunca ha ganau una medalla olimpica.

Galería d'imáchens

Nepal
Templo en Kathmandu.
Sacerdoz en Budhanilkantha.
Bhaktapur.
Patan.
Sendero en l'Himalaya.
Descanso de montanyers en l'Himalaya.
Mustang.
Zagals en Changu Narayan.

Referencias

↑ (de) Das aktuelle Buch der Allgemeinbildung. 550.000 Daten und Fakten. 10.000 Einzelthemen, Bertelsmann Lexikon Institut, 2003, ISBN 3-577-13530-1, p. 650
↑ (es)A partir del 23 de julio de 2008, Nepal, cambió su nombre por el de República Federal Democrática de Nepal.

Vinclos externos

Se veigan as imáchens de Commons sobre Nepal.
Se veigan as imáchens de Commons sobre Nepal.
Pachina web oficial d'o Gubierno de Nepal.

Estaus d'Asia

¹ Perteneix a Europa por razons culturals y historicas, pero cheograficament ye en Asia. ² Territorio controlau por Israel y gubernau por l'Autoridat Nacional Palestina.

Datos: Q837
Multimedia: Nepal / Q837

[1] (de) Das aktuelle Buch der Allgemeinbildung. 550.000 Daten und Fakten. 10.000 Einzelthemen, Bertelsmann Lexikon Institut, 2003, ISBN 3-577-13530-1, p. 650

[2] (es)A partir del 23 de julio de 2008, Nepal, cambió su nombre por el de República Federal Democrática de Nepal.

[1]

[2]