Mar Baltica
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Mar Baltica | |
| Oceano u mar d'a IHO (n.º id.: 1) | |
 | |
| Localización administrativa | |
|---|---|
| Estau |  Suecia Finlandia Rusia Estonia Letonia Lituania Polonia Alemanya Dinamarca
|
| Cheografía | |
| Oceano | Oceano Atlantico |
| Continents | Europa |
| Subdivisions | Golfo de Botnia (mar d'Åland, mar de l'archipelago, mar de Botnia, Kvarken y badía de Botnia) Golfo de Finlandia Golfo de Riga |
| Islas interiors | Öland y Gotland (SUE) Islas Åland (FIN) Hiiumaa y Saaremaa (EST) Rügen (ALE) Bornholm, Fionia y Selandia (DIN) |
| Ríos que i cayen | Neva, Vístula, Dvina, Neman, Río Kemi, Oder, Río Lule, Narva y o Torne älv |
| Superficie | 432.800 km² |
| Largaria maxima | 1.600 m |
| Fondura meyana | 57 m |
| Fondura max. | 459 m |
| Mapa | |
 | |
A mar Baltica, ye una mar d'o norte d'Europa, ubierta a la mar d'o Norte y a l'oceano Atlantico a traviés d'os estreitos de Kattegat y Skagerrak. Os países que tienen costas en o Baltico son:
- Suecia.
- Finlandia.
- Rusia (rechión de Sant Petersburgo).
- Estonia.
- Letonia.
- Lituania.
- Rusia (rechión de Kaliningrado).
- Polonia.
- Alemanya.
- Dinamarca.
A suya superficie ye de 432.800 km², y incluye dos grans dentratas: o golfo de Finlandia, entre o sud d'iste país y Estonia, y o golfo de Botnia, entre a costa oriental de Suecia y a occidental de Finlandia. Cheolochicament, ye poco antigo: nomás existe dende o VI milenio a.C. Ye muit poco funda (a meyana ye de 57 m; a fundaria maxima son 459 m a o norte d'a isla sueca de Gotland), iste feito unito a la poca abridura a l'oceano, en fa la renovación d'as auguas mas lenta y ixo favoreixe os problemas de contaminación.
La cuenca que lo drena abarca a totalidat de costa de cualques países riberencos como las republicas balticas, Polonia y la rechión rusa de Kaliningrado. Amás, estes ríos naixen u trascruzan territorios perteneixients a atros países que, tot y con no tener costas, se comunican a lo mar per vía fluvial. Tal ye lo caso d'a Republica Checa, Eslovaquia, Ucraína y Belarrusia, que acaban aportando augua indirectament a lo Baltico.
Toponimia
[editar | modificar o codigo]A mar recibe diferents nombres pendendo d'a luenga:
- Mar Baltica ye a forma habitual en as luengas romanicas, as eslavas (polaco, ruso, caixubio), as balticas y l'anglés.
- Mar de l'Este ye como le claman totas as luengas chermanicas excepto l'anglés, a mas d'o finés (que, encara que ye a l'ueste ta a mayor parti d'os fablants, istos estioron baixo dominio sueco mientres muitos sieglos, y dende a perspectiva sueca sí que ye situato a l'este).
- Mar de l'Ueste ye o nombre que se le da en Estonia.
Os distintos nombres d'a mar en as luengas d'os países que la rodian son:
- Östersjön (sueco).
- Itämeri (finés).
- Балтийское море, Baltískoie More (ruso).
- Läänemeri (estonio).
- Baltijas jūra (letón).
- Baltijos jūra (lituano).
- Morze Bałtyckie u Bałtyk (polaco).
- Bôłt (caxubio).
- Ostsee (alemán).
- Østersøen (danés).
Economía
[editar | modificar o codigo]La construcción d'os puents d'Storebæltsforbindelsen en Dinamarca (rematau en 1997) y lo Øresundsbroen (rematau en 1999), que une Dinamarca con Suecia, creó una connexión per carretera y ferrocarril entre Suecia y la parte continental de Dinamarca (la peninsula de Jutland). Lo túnel submarino d'o Øresund ofreix la libre navegación de grans buques enta y dende lo Baltico.
Industrialment cal destacar la construcción naval d'a cuala gran parte se leva a cabo en os astilleros de tot lo Baltico. Los mayors astilleros son os de Gdańsk, Gdynia y Szczecin en Polonia, Kiel en Alemanya, Karlskrona, Malmö en Suecia; Rauma, Turku y Helsinki en Finlandia; Riga, Ventspils y Liepaja en Letonia; Klaipeda en Lituania; y Sant Petersburgo en Rusia.
Tambien i hai transbordadors de carga y pasachers que operan en o Baltico, que a mas ye la principal rota comercial pa la exportación de petrolio ruso, per lo que muitos d'os países vecinos d'o Baltico s'han preocupau per esto, ya que una fuga de petrolio en un buque cisterna d'alta mar estaría desastroso pa lo Baltico, a causa d'o lento intercambio d'augua. La important industria turistica que rodeya lo Baltico ye, naturalment, preocupada per la contaminación marina procedent d'estes buques.
Ciudaz
[editar | modificar o codigo]As grans ciudaz d'a costa d'o Baltico, por orden de población (alredor de 2005), son:
Sant Petersburgo (Rusia), 5.601.911 habitants en 2021.
Estocolmo (Suecia), 984.748 habitants, 2,415,139 en a suya aria metropolitana en 2023.
Trojmiasto u as Tres Ciudaz (Polonia), en l'aria aria metropolitana, 1.090.000 habitants en 2023 que incluye:
Helsinki (Finlandia), 689.758 habitants, en l'aria metropolitana, 1.616.656 habitants en 2025.
Riga (Letonia), 591.882 habitants en 2025.
Tallinn (Estonia), 456.518 habitants en 2025.- Kaliningrado (Rusia), 431.402 habitants en 2010.
- Szczecin (Polonia), 395.513 habitants en 2021.
- Malmö (Suecia), 339.316 habitants en 2023.
Kiel (Alemanya), 251.751 habitants en 2023.- Lübeck (Alemanya), 217.061 habitants en 2023.
- Turku (Finlandia) 206.655 habitants en 2025.
- Rostock (Alemanya), 204,948 habitants en 2023.
Klaipeda (Lituania), 160.979 habitants en 2025.
Puertos importans (encara que no sían grans ciudaz):
- Swinoujscie (Polonia), 50.000 habitants.
- Ventspils (Letonia), 44.000 habitants.
- Baltisk (Rusia), 20.000 habitants.
- Hanko (Finlandia), 10.000 habitants.
Vinclos externos
[editar | modificar o codigo]
Se veigan as imáchens de Commons sobre a Mar Baltica.- (en) a mar Baltica seguntes o Instituto finlandés d'estudios marins.
| Control d'autoridaz |
|
|---|
Datos: Q545- Multimedia: Baltic Sea / Q545