Historia
A Historia ye una disciplina cientifica que tien como obchecto l'estudio d'o pasau d'a humanidat, basando-se en testimonios materials. Tamién se diz Historia a lo relato de feitos pasaus que se consideran dignos de remerar por una sociedat determinada. A persona que fa d'o estudio d'a Historia la suya actividat profesional se diz historiador.
A Historia como ciencia naixió con l'aparición d'a escritura, la cual cosa permitió la continidat d'os relatos por dencima de l'antiga tradición oral. Por ixo, l'escritura marca la buega entre as ciencias d'a Historia y d'a Prehistoria, periodo en o cual no existen testimonios escritos, y se gosa clamar tamién Historia a lo periodo que abraca dende l'aparición d'a escritura dica l'actualidat.
Etimolochía
[editar | modificar o codigo]A palabra en aragonés historia provién d'a palabra latina historia, que significa "narrativa, relato", y que provién d'o griego antigo ἱστορία historía, que significa "l'aprendizache u conoiximiento por investigación, historia, rechistros u narrativa", d'o verbo ἱστορεῖν historeîn "investigar", y iste derivau de ἵστωρ hístōr "sabio", "testigo" u "chuez".
Disciplinas auxiliars d'a historia
[editar | modificar o codigo]Son ixos campos d'estudio que ofreixen fuents de datos a o historiador.
- Arqueolochía.
- Chenealochía.
- Diplomatica.
- Epigrafía.
- Heraldica.
- Numismatica.
- Paleografía.
- Sichilografía.
Vinclos externos
[editar | modificar o codigo]
Se veigan as imáchens de Commons sobre la Historia.
