Giro d'Italia 2012

Giro d'Italia 2012
Uusdragigsland	Italien Italie Dänemark Dänemark
Uusdragigszytruum	5. bis 27. Mai 2012
Etappe	21 Etappe
Gsamtlengi	3504 km
Starterfäld	198 us 37 Natione in 22 Teams
Verlauf
← Giro d’Italia 2011	Giro d’Italia 2013 →

Dr 95. Giro d’Italia het vom 5. bis 27. Mai 2012 stattgfunde. Er het 21 Etappe und e Gsamtlengi vo 3.504 Kilometer ghaa. Gwunne het en dr Kanadier Ryder Hesjedal (GRM) vor em Spanier Joaquim Rodríguez (KAT) und em Belgier Thomas De Gendt (VCD). Dr Joaquim Rodríguez, wo zää Dääg lang s rooseroote Liibli vom Füerer aagha het, het s Punktklassemänt gwunne. Dr Italiäner Matteo Rabottini isch dr Best im Bärgfaare gsi und dr schnällst Noochwuggsfaarer dr Rigoberto Urán.

D Tuur het in Dänemark mit eme Äinzelzitfaare aagfange und isch z Mailand wider mit eme Äinzelzitfaare z Änd gange. Noch drei Etappe in Dänemark isch s Renne z Italie witergange, vo Verona us an dr Ostsite vom Land gege Süde. Dr südligst Punkt isch dr Lago Laceno gsi in dr achte Etappe, denn isch s an dr tyrrhenische Küste wider gege Norde gange. In dr letschte Wuche si d Bärgetappe in de Alpe und Dolomite cho, wo dr Rodriguez si erste Blatz het chönne verdäidige. Dr Hesjedal het denn aber s Zitfaare z Mailand gwunne und mit däm dr ersti Blatz im Renne.

Die dritti Etappe rund um Horsens isch em Rennfahrer Wouter Weylandt, wo 2011 am dritte Daag vom Giro gstorbe isch, gwidmet gsi und mä het ere dr Naame "WW Special Day" noch em Spitznaame vom Weylandt gee.

Faarer

Am Start si die 18 ProTeam gsi. Usserdäm het dr Veraastalter RCS vier Wildcards an Professional Continental Team verdäilt, under anderem an die dütschi Mannschaft NetApp, was eender en Überraschig gsi isch. Nit iiglaade het mä Acqua & Sapone um en ehemolig Giro-Siiger Stefano Garzelli, wo bi däm Giro äigentlig si letschts Renne het welle faare. Jedi Mannschaft het nüün Faarer an Start gschickt, so dass s Fäld im Ganze 198 Maa stark gsi isch. Drunder si drei Dütschi, säggs Schwizer, fümf Östriicher und zwäi Luxeburger gsi.

D Mannschafte

ProTeam Frankreich ALM Kasachstan AST Vereinigte Staaten BMC Spanien EUS Frankreich FDJ Vereinigte Staaten GRM	Australien GEC Russland KAT Italien LAM Italien LIQ Belgien LTB Spanien MOV	Belgien OPQ Niederlande RAB Luxemburg RNT Vereinigtes Konigreich SKY Dänemark SAX Niederlande VCD
Professional Continental Team Italien AND Italien CSF	Italien FAR Deutschland APP

Klassemänt

Ändklassemänt
Gsamtklassemänt	Kanada Ryder Hesjedal (EF Pro Cycling)	91:39:02 h
2.	Spanien Joaquim Rodríguez (Katusha Alpecin)	+ 0:16 min
3.	Belgien Thomas De Gendt (Vacansoleil-DCM)	+ 1:39 min
4.	Italien Michele Scarponi (UAE Team Emirates)	+ 2:05 min
5.	Italien Ivan Basso (Cannondale)	+ 3:44 min
6.	Italien Damiano Cunego (UAE Team Emirates)	+ 4:40 min
7.	Kolumbien Rigoberto Urán (Ineos)	+ 5:57 min
8.	Italien Domenico Pozzovivo (Bardiani CSF Faizanè)	+ 6:28 min
9.	Kolumbien Sergio Henao (Ineos)	+ 7:50 min
10.	Spanien Mikel Nieve (Euskaltel Euskadi)	+ 8:08 min
Punktklassemänt	Spanien Joaquim Rodríguez (Katusha Alpecin)	139 P.
2.	Vereinigtes Konigreich Mark Cavendish (Ineos)	138 P.
3.	Kanada Ryder Hesjedal (EF Pro Cycling)	113 P.
Bärgklassemänt	Italien Matteo Rabottini (Vini Zabù KTM)	84 P.
2.	Italien Stefano Pirazzi (Bardiani CSF Faizanè)	44 P.
3.	Costa Rica Andrey Amador (Movistar)	43 P.
Noochwuggsklassemänt	Kolumbien Rigoberto Urán (Ineos)	91:44:59 h
2.	Kolumbien Sergio Henao (Ineos)	+ 1:53 min
3.	Italien Gianluca Brambilla (Bardiani CSF Faizanè)	+ 8:23 min
Fast Team	Italien Lampre-ISD	274:19:46 h
2.	Spanien Movistar Team	+ 10:53 min
3.	Vereinigtes Konigreich Sky ProCycling	+ 37:07 min
Super Team	Vereinigte Staaten Garmin-Barracuda	363 P.
2.	Vereinigtes Konigreich Sky ProCycling	345 P.
3.	Russland Katusha Team	301 P.

Weblingg

• Offizielli Internetsite vom Giro d’Italia

Dä Artikel basiert uff ere fräie Übersetzig vum Artikel „Giro_d'Italia_2012“ vu de dütsche Wikipedia. E Liste vu de Autore un Versione isch do z finde.