1815

1815
Uf em Wiener Kongräss wird di europäisch bolitisch Landschaft nei gordnet.

Was isch bassiert?

8. Februar: Dr Wiener Kongress verabschiedet uf Dränge vu Großbritannie ne Erklerig gege dr Sklavehandel.
26. Februar: Dr Napoleon Bonaparte verlosst syy Verbannigsort uf Elba un macht sich uf dr Wäg uf Frankrych go d Herrschaft wider z ibernee. Am 1. Merz chunnt er wider retuur uf Frankrych un dritt syni Herrschaft vu dr Hundert Däg aa.
9. Juni: Dr Wiener Kongress, wu Europa bolitisch nei gordnet woren isch, chunnt zum Änd mit dr Unterzaichnig vu dr Kongrässakte.
18. Juni: In dr Schlacht bi Waterloo wird dr Napoléon Bonaparte vu britische un preußische Druppe unter em Arthur W. Wellington un em Gebhard Leberecht von Blücher gschlaa.
7. Augschte: D 22 Schwyzer Kantön bschwöre im Zürcher Grossmöischter e Bundesvertrag mit 15 Artikel.
31. Augschte: Restauration in dr Schwyz: Di „Lang Tagsatzig“ hert uf, wu mit dr Verabschidig vum Bundesvertrag d Aidgnosseschaft as Staatebund widerghärstellt het.
26. Septämber: Uf Aaregig vum Zar Alexander I. schließe d Monarche vu Russland, Eschtrych un Preuße di Hailig Allianz.
15. Oktober: Dr Napoléon Bonaparte chunnt uf d Insle St. Helena, wun er di letschte Johr vu sym Läbe verbringt.
30. Novämber: Z Stuegert wird d Oper Der Herr und sein Diener vum Conradin Kreutzer urufgfiert.

Datum nit bekannt:

Commons: 1815 – Sammlig vo Multimediadateie